Amavesi EBhayibheli ngovalo

«»

• Ungesabi, ngokuba mina nginawe;
  ungapheli amandla,
  ngokuba mina nginguNkulunkulu wakho;
  ngiyakuqinisa, futhi ngiyakusiza,
  yebo, ngiyakusekela ngesandla sokunene sokulunga kwami.
  U-Isaya 41:10 amandla ukukhathazeka izisetshenziswa
• Mhla ngesabayo
  ngiyakwethemba wena.
  AmaHubo 56:3 ukwethemba UNkulunkulu
• Angikuyalile na? Qina, ume isibindi, ungesabi, ungabi naluvalo, ngokuba uJehova uNkulunkulu wakho unawe nomaphi lapho uya khona.
  UJoshuwa 1:9 UNkulunkulu isikhuthazo isibindi
• Ningakhathazeki ngalutho, kepha kukho konke izicelo zenu mazaziwe nguNkulunkulu ngokukhuleka nokunxusa kanye nokubonga. Ukuthula kukaNkulunkulu okudlula ukuqonda konke kuyakulondoloza izinhliziyo zenu nemicabango yenu kuKristu Jesu.
  KwabaseFilipi 4:6-7 ukubonga umkhuleko ukukhathazeka
• Ngokuba yimina Jehova uNkulunkulu wakho
  obamba isandla sakho sokunene,
  nothi kuwe: Ungesabi,
  mina ngiyakusiza.
  U-Isaya 41:13 UNkulunkulu ukuncika
• UJehova ungakimi, angiyikwesaba;
  umuntu angangenzani na?
  AmaHubo 118:6 ukuvikela
• Akukho ukwesaba othandweni, kepha uthando olupheleleyo luyaxosha ukwesaba, ngokuba ukwesaba kunesijeziso, nowesabayo akaphelele othandweni.
  1 kaJohane 4:18 uthando isijeziso
• Niphonse izinkathazo zenu zonke phezu kwakhe, ngokuba uyanikhathalela.
  1 kaPetru 5:7 ukukhathazeka ubuthakathaka ukudabuka
• Noma ngihamba esigodini sethunzi lokufa,
  angesabi okubi, ngokuba wena unami,
  intonga yakho nodondolo lwakho ziyangiduduza.
  AmaHubo 23:4 isikhuthazo ukufa ushushiso
• Ngokuba uNkulunkulu akasiphanga umoya wobugwala, kepha owamandla, nowothando, nowokuzikhuza.
  2 kuThimothewu 1:7 uthando ukuzithiba amandla
• Qinani, nime isibindi, ningesabi, ningashaywa luvalo ngabo, ngokuba uJehova uNkulunkulu wakho nguyena ohamba nawe; akayikukuyeka, akushiye.
  UDuteronomi 31:6 thembekile ukuvikela isibindi
• Ukwesaba abantu kubeka ugibe,
  kepha owethemba uJehova uyalondeka.
  IzAga 29:25 ukwethemba
• UJehova ungukukhanya kwami nensindiso yami;
  ngizakwesaba bani na?
  UJehova uyinqaba yokuphila kwami;
  ngizakuba novalo ngobani na?
  AmaHubo 27:1 ukuphepha inkazimulo
• Ngamfuna uJehova, wangiphendula;
  wangikhulula kulo lonke uvalo lwami.
  AmaHubo 34:4 ukulalela ukufuna
• UJehova nguye ohamba phambi kwakho; uyakuba nawe; akayikukuyeka, akushiye; ungesabi, ungabi nangebhe.
  UDuteronomi 31:8 ukulandela isikhuthazo ukudabuka
• Inhliziyo yenu mayingakhathazeki. Kholwani nguNkulunkulu, nikholwe nayimi.
  NgokukaJohane 14:1 ukwethemba ukukhathazeka
• Ngokuba anamukeliswanga umoya wobugqila ukuba nibuye nesabe, kepha namukeliswa umoya wobuntwana esimemeza ngaye sithi: “Aba, Baba!”
  KwabaseRoma 8:15 UMoya izingane ubugqila
• Akuthengwa yini imizwilili emibili ngendibilishi na? Kepha akuyikuwa phansi namunye kuyo ngaphandle kukaYihlo. Kodwa kini zibaliwe nezinwele zonke zekhanda lenu. Ngakho maningesabi; nina niyayidlula imizwilili eminingi.
  NgokukaMathewu 10:29-31 kuyigugu UBaba
• Ukuze sisho ngesibindi, sithi:
  “INkosi ingumsizi wami, angiyikwesaba;
  umuntu angangenzani na?”
  KumaHeberu 13:6 ukwethemba ukuvikela
• Sebembonile ehamba phezu kolwandle, bacabanga ukuthi yisithunzi; bakhala. Ngokuba bonke bambona, bethuka.
  Kepha washesha wakhuluma nabo, wathi kubo: “Yimani isibindi; yimina, ningesabi.”
  NgokukaMarku 6:49-50 izimangaliso UJesu isibindi
• Ungesabi, mhlambi omncane; ngokuba kwathandeka kuYihlo ukuninika umbuso.
  NgokukaLuka 12:32 UBaba umbuso
• Kepha noma nihlupheka ngenxa yokulunga, nibusisiwe. Ningesabi ukwesabisa kwabo, ningakhathazeki.
  1 kaPetru 3:14 ukulunga inhlupheko
• Kepha uJesu ekuzwa lokho wamphendula wathi: “Ungesabi, kholwa kuphela; izakusinda.”
  NgokukaLuka 8:50 inkolo ukuphulukisa izimangaliso
• KuNkulunkulu ngiyakudumisa izwi lakhe;
  ngithemba uNkulunkulu, angiyikwesaba;
  inyama ingangenzani na?
  AmaHubo 56:4 ukwethemba IZwi likaNkulunkulu indumiso
• Njengoyise ehawukela abantwana bakhe,
  kanjalo uJehova uyabahawukela abamesabayo.
  AmaHubo 103:13 uthando UBaba ububele