Andinin-teny ao amin'ny Baiboly momba ny tahotra

«»

• Aza matahotra ianao, fa momba anao Aho;
  Ary aza miherikerika foana, fa Izaho no Andriamanitrao;
  Mampahery anao Aho sady mamonjy anao;
  Eny, mitantana anao amin'ny tanana ankavanan'ny fahamarinako Aho.
  Isaia 41:10 tanjaka ahiahy fitaovana
• Amin'ny andro atahorako no itokiako Anao.
  Salamo 56:3 fahatokisana Andriamanitra
• Tsy efa nandidy anao va Aho? Koa mahereza sy matanjaha; aza matahotra na mivadi-po, fa momba anao Jehovah Andriamanitrao amin'izay rehetra alehanao.
  Josoa 1:9 Andriamanitra fankaherezana herim-po
• Aza manahy na inona na inona; fa aoka ny fivavahana sy ny fifonana mbamin'ny fisaorana no ho entinareo manambara ny fangatahanareo amin'Andriamanitra amin'ny zavatra rehetra. Ary ny fiadanan'Andriamanitra, izay mihoatra noho ny fahalalana rehetra, hiaro ny fonareo sy ny hevitrareo ao amin'i Kristy Jesosy.
  Filipiana 4:6-7 fankasitrahana fivavahana ahiahy
• Fa Izaho Jehovah Andriamanitrao
  no mitantana ny tananao ankavanana,
  dia ilay manao aminao hoe:
  Aza matahotra, Izaho no hamonjy anao.
  Isaia 41:13 Andriamanitra fiankinan-doha
• Jehovah no miandany amiko, ka tsy hatahotra aho.
  Inona no azon'ny olona atao amiko?
  Salamo 118:6 fiarovana
• Tsy manan-tahotra ny fitiavana; fa ny fitiavana tanteraka mandroaka ny tahotra; fa mampahory ny tahotra. Fa izay matahotra dia tsy mbola tanteraka amin'ny fitiavana.
  1 Jaona 4:18 fitiavana sazy
• Ary apetraho aminy ny fanahianareo rehetra; fa Izy no miahy anareo.
  1 Petera 5:7 ahiahy fahalemena fisaonana
• Eny, na dia mandeha mamaky
  ny lohasaha aloky ny fahafatesana aza aho,
  dia tsy hatahotra ny loza aho,
  fa Hianao no amiko;
  ny tsorakazonao sy ny tehinao,
  ireo no mahafa-tahotra ahy.
  Salamo 23:4 fankaherezana fahafatesana fanenjehana
• Fa tsy nomen'Andriamanitra fanahy osa isika, fa fanahy mahery sy fitiavana ary fahononan-tena.
  2 Timoty 1:7 fitiavana fifehezan-tena tanjaka
• Mahereza sy matanjaha; aza matahotra na manahy azy; fa Jehovah Andriamanitrao no miara-mandeha aminao; tsy handao anao na hahafoy anao Izy.
  Deotoronomia 31:6 fitokisana fiarovana herim-po
• Mamandrika ny tahotra olona;
  Fa izay matoky an'i Jehovah no hovonjena.
  Ohabolana 29:25 fahatokisana
• Jehovah no fahazavako sy famonjena ahy;
  iza no hatahorako?
  Jehovah no fiarovana mafy ho an'ny aiko;
  iza no hangovitako?
  Salamo 27:1 filaminana fahazavana
• Mitady an'i Jehovah aho, dia mamaly ahy Izy
  ka manafaka ahy amin'ny tahotro rehetra.
  Salamo 34:4 mihaino mitady
• Ary Jehovah no mandeha eo alohanao; ary Izy no hiaraka aminao; tsy handao anao na hahafoy anao Izy; koa aza matahotra na mivadi-po ianao.
  Deotoronomia 31:8 fanarahana fankaherezana fisaonana
• Aza malahelo ny fonareo; minoa an'Andriamanitra, ary minoa Ahy koa.
  Jaona 14:1 fahatokisana ahiahy
• Fa tsy nandray ny fanahim-pahandevozana ho amin'ny tahotra indray ianareo, fa nandray ny fanahin'ny zanaka natsangana, izay iantsoantsika hoe: Aba, Ray ô.
  Romana 8:15 Fanahy zaza fanandevozana
• Tsy varidimiventy ihany va no vidin'ny tsintsina roa? nefa tsy misy na dia iray akory aza amin'ireny ho latsaka amin'ny tany, raha tsy avelan'ny Rainareo. Fa na dia ny volon-dohanareo aza dia voaisa avokoa. Koa aza matahotra; fa mihoatra noho ny tsintsina maro ianareo.
  Matio 10:29-31 sarobidy Ray
• Ka dia sahy manao hoe isika: "Jehovah no Mpamonjy ahy, ka tsy hatahotra aho; Inona no azon'ny olona atao amiko?"
  Hebreo 13:6 fahatokisana fiarovana
• Ary rehefa hitany nitsangantsangana tambonin'ny ranomasina Izy, dia nataony ho matoatoa, ka niantso mafy izy ireo. Fa izy rehetra samy nahita Azy avokoa, ka dia raiki-tahotra. Ary Izy niteny taminy niaraka tamin'izay ka nanao taminy hoe: Matokia, fa Izaho ihany; aza matahotra.
  Marka 6:49-50 fahagagana Jesosy herim-po
• Aza matahotra, ry ondry vitsy, fa efa sitraky ny Rainareo ny hanome anareo ny fanjakana.
  Lioka 12:32 Ray fanjakana
• Fa raha tàhiny mitondra fahoriana noho ny fahamarinana ianareo, dia sambatra; ary aza matahotra tahaka azy, ary aza mangorohoro ianareo.
  1 Petera 3:14 rariny fijaliana
• Fa Jesosy, raha nahare, dia namaly azy ka nanao hoe: Aza matahotra; minoa fotsiny ihany, dia ho velona izy.
  Lioka 8:50 finoana fahasitranana fahagagana
• Andriamanitra no iderako ny teniny;
  Andriamanitra no itokiako, ka tsy mba hatahotra aho;
  inona no hataon'ny nofo amiko?
  Salamo 56:4 fahatokisana Tenin'Andriamanitra fiderana
• Tahaka ny fiantràn'ny ray ny zanany
  No fiantran'i Jehovah izay matahotra Azy.
  Salamo 103:13 fitiavana Ray mamindra fo