Andinin-teny ao amin'ny Baiboly momba ny mamindra fo

«»

• Ary aoka samy halemy fanahy amin'ny namany avy ianareo, ka hifampiantra sy hifamela heloka, tahaka ny namelan'Andriamanitra ny helokareo ao amin'i Kristy.
  Efesiana 4:32famelàn-kelokahatsaram-panàhyfampihavanana
• Ny famindram-pon'i Jehovah no tsy nahalany ritra antsika,
  fa tsy mitsahatra ny fiantrany.
  Vaovao isa-maraina izany;
  lehibe ny fahamarinanao.
  Fitomaniana 3:22-23fitokisanafitiavanamahatoky
• Farany, miraisa saina ianareo rehetra. ka miaraha ory, mifankatiava tahaka ny mpirahalahy, mifamindrà fo, manetre tena.
  1 Petera 3:8fanetren-tenafiaraha-moninamanaraka
• Isaorana anie Andriamanitra, Rain'i Jesosy Kristy Tompontsika, Rain'ny famindram-po sady Andriamanitry ny fampiononana rehetra, Izay mampionona anay amin'ny fahorianay rehetra mba hahaizanay mampionona izay rehetra mitondra fahoriana kosa, anin'ny fampiononana izay ampiononan'Andriamanitra anay.
  2 Korintiana 1:3-4fijalianafiankohofanafankaherezana
• Koa mitafia famindram-po sy fiantrana,, fahamoram-panahy, fanetren-tena, fahalemem-panahy, fandeferana, araka ny olom-boafidin'Andriamanitra sady masina no malala.
  Kolosiana 3:12fanetren-tenafahamoram-panahyfaharetana
• Miaraha mifaly amin'izay mifaly, ary miaraha mitomany amin'izay mitomany.
  Romana 12:15fifalianafisaonana
• Izao no lazain'i Jehovah, Tompon'ny maro: Manaova fitsarana marina, ary samia mifampiantra sy mifamindra fo amin'ny rahalahiny avy; ary aza mampahory ny mpitondratena na ny kamboty, na ny vahiny, na ny mahantra; ary aza misy mihevitra ao am-ponareo hanisy ratsy ny rahalahinareo ianareo.
  Zakaria 7:9-10faharatsianararinymanaraka
• Ary izay rehetra manam-pananana amin'izao fiainana izao, ary mahita ny fahantran'ny rahalahiny ka mihirim-belona aminy, ahoana no itoeran'ny fitiavana an'Andriamanitra ao anatiny?
  1 Jaona 3:17volamanarakafitiavana
• Mety manadino ny zanany minono va ny vehivavy ka tsy hamindra fo amin'ny zanaka naloaky ny kibony? Eny, mety manadino ihany izy, Fa Izaho kosa tsy mba manadino anao. Indro, efa vitako tombo-kavatsa eo am-pelatanako ianao, ary ny mandanao dia eo anatrehako mandrakariva.
  Isaia 49:15-16fitiavanaankohonanazaza
• Tahaka ny fiantràn'ny ray ny zanany
  No fiantran'i Jehovah izay matahotra Azy.
  Salamo 103:13fitiavanatahotraRay
• Koa Jehovah dia mbola hiandry mandra-pamindrany fo aminareo, ary mbola hitoetra any amin'ny avo Izy mandra-piantrany anareo, fa Andriamanitry ny fahamarinana Jehovah; Sambatra izay rehetra miandry Azy.
  Isaia 30:18fahasoavanararinyfaharetana
• Fa isika tsy manana mpisoronabe izay tsy mahay miara-mitondra ny fahalementsika, fa Izay efa nalaim-panahy tamin'ny zavatra rehetra tahaka antsika, kanefa tsy nanana ota.
  Hebreo 4:15fahotanafakam-panahyfahalemena
• Fa na dia hifindra aza ny tendrombohitra ary na dia hihetsika aza ny havoana, tsy mba hiala aminao ny famindram-peko, ary tsy hitsoaka ny faneken'ny fihavanako, hoy Jehovah, Mpamindra fo aminao.
  Isaia 54:10fitiavanafiadananafitokisana
• Hampahery ny taranak'i Joda Aho,
  Ary ny taranak'i Josefa hovonjeko ka hampodiko,
  Satria mamindra fo aminy Aho,
  Ka ho toy izay tsy nariako izy;
  Fa Izaho no Jehovah Andriamaniny ka hihaino azy.
  Zakaria 10:6tanjakafivavahanamihaino
• Hamindra fo amintsika indray Izy
  Ka hanitsakitsaka ny fahotantsika,
  Eny, harianao ho any amin'ny ranomasina lalina ny fahotany rehetra.
  Mika 7:19fahotanafamelàn-keloka