Andinin-teny ao amin'ny Baiboly momba ny faharatsiana

«»

• Aza mety ho resin'ny ratsy ianao, fa reseo amin'ny soa ny ratsy.
  Romana 12:21 hatsaram-panàhy fandresena sampy
• Jehovah hiaro anao amin'ny ratsy rehetra;
  Eny, hiaro ny fanahinao Izy.
  Jehovah hiaro anao, na mivoaka na miditra,
  Hatramin'izao ka ho mandrakizay.
  Salamo 121:7-8 fanantenana fiainana
• Tafio avokoa ny fiadian'Andriamanitra, mba hahazoanareo hifahatra amin'ny fanangolen'ny devoly.
  Efesiana 6:11 fitaovana fiarovana sampy
• Fa isika tsy mitolona amin'ny nofo aman-drà, fa amin'ny fanapahana sy amin'ny fanjakana sy amin'ny mpanjakan'izao fahamaizinana izao, dia amin'ny fanahy ratsy eny amin'ny rivotra.
  Efesiana 6:12 Fanahy lanitra fifehezan-tena
• Fa izaho mananatra anareo, ry rahalahy, mba hitandrina ny amin'izay mahatonga ny fisarahana sy ny fahatafintohinana tsy araka ny fampianarana efa nianaranareo; mialà amin'ireny olona ireny.
  Romana 16:17 fahamasinana fiaraha-monina fiangonana
• Ary hoy Izy: Izay mivoaka avy ao amin'ny olona, dia izany no mahaloto azy. Fa avy ao anatin'ny olona dia avy ao am-pony, no ivoahan'ny sain-dratsy, dia ny fijangajangana, ny halatra, ny vonoan-olona, ny fakam-badin'olona, ny fieremana, ny lolom-po, ny fitaka, ny fijejojejoana, ny maso ratsy, ny fitenenan-dratsy, ny avonavona, ny fahadalana: izany zava-dratsy rehetra izany no mivoaka avy ao anatin'ny olona ka mahaloto azy.
  Marka 7:20-23 fahotana fanadiovana fakam-panahy
• Ny fankahalana ny ratsy no fahatahorana an'i Jehovah.
  Ny fiavonavonana sy ny fireharehana sy ny lalana ratsy
  Ary ny vava fandainga dia samy halako avokoa.
  Ohabolana 8:13 fanajana fiavonavonana lainga
• Hianareo no nisaina hanisy ratsy ahy; fa Andriamanitra kosa nisaina izany ho soa, hanao tahaka ny amin'izao anio izao, hamelona olona betsaka.
  Genesisy 50:20 Andriamanitra fiainana
• Tandremo mba tsy hisy hamaly ratsy olona; fa miezaha mandrakariva hitady izay tsara, na amin'ny namanareo na amin'ny olona rehetra.
  1 Tesaloniana 5:15 lafatra rariny
• Tezera, fa aza manota; ary aoka tsy ho tratry ny masoandro milentika ny fahatezeranareo. Aza manome fitoerana ho an'ny devoly.
  Efesiana 4:26-27 fahotana hatezerana satana
• Fantaro ny zavatra rehetra; hazòny mafy izay tsara. Fadio ny fanao ratsy rehetra.
  1 Tesaloniana 5:21-22 mahatakatra faminaniana
• Aza manao anao ho hendry;
  Matahora an'i Jehovah, ka mifadia ny ratsy.
  Dia ho famelombelomana ny nofonao izany
  Sy ho fanamandoana ny taolanao.
  Ohabolana 3:7-8 fanajana fitahiana fahasalamana
• Aoka ny fitiavana ho amin'ny tsi-fihatsaram-belatsihy; mankahalà ny ratsy; mifikira amin'ny tsara.
  Romana 12:9 fitiavana hatsaram-panàhy
• Hianareo izay tia an'i Jehovah, mankahalà ny ratsy;
  Miaro ny fanahin'ny olony masina Izy
  Ary mamonjy azy amin'ny tanan'ny ratsy fanahy.
  Salamo 97:10 fitokisana mpanafaka fahafahana
• Halaviro ny ratsy, manaova soa;
  mitadiava fihavanana, ka araho izany.
  Salamo 34:14 hatsaram-panàhy fiadanana sampy
• Izaho tsy mangataka aminao mba hampiala azy amin'izao tontolo izao, fa ny mba hiaro azy amin'ny ratsy.
  Jaona 17:15 filaminana mpanelanelana izao tontolo izao
• Ny fankahalana dia manetsika ady;
  Fa ny fitiavana manarona ny ota rehetra.
  Ohabolana 10:12 fitiavana hatezerana
• Ary ny Tompo hanafaka ahy amin'ny asa ratsy rehetra ka hamonjy ahy ho any amin'ny fanjakany any an-danitra; ho Azy anie ny voninahitra mandrakizay mandrakizay. Amena.
  2 Timoty 4:18 fiarovana lanitra fiankohofana
• Ampitoero eo amin'ny teninao ny diako;
  Ary aza avela hanapaka ahy izay mety ho faharatsiana.
  Salamo 119:133 fahotana fanarahana satana
• Izao no lazain'i Jehovah, Tompon'ny maro: Manaova fitsarana marina, ary samia mifampiantra sy mifamindra fo amin'ny rahalahiny avy; ary aza mampahory ny mpitondratena na ny kamboty, na ny vahiny, na ny mahantra; ary aza misy mihevitra ao am-ponareo hanisy ratsy ny rahalahinareo ianareo.
  Zakaria 7:9-10 rariny manaraka fahamoram-panahy
• Misasà ianareo, diovy ny tenanareo,
  Esory tsy ho eo anoloan'ny masoko ny ratsy fanaonareo;
  Mitsahara, fa aza manao ratsy.
  Isaia 1:16 fahotana fanadiovana
• Ary aza mitondra anay ho amin'ny fakam-panahy,
  fa manafaha anay amin'ny ratsy.
  Matio 6:13 fakam-panahy faniriana fiarovana
• Aza mety hofitahina ianareo; ny fikambanana amin'ny ratsy manimba ny fitondran-tena tsara.
  1 Korintiana 15:33 hatsaram-panàhy namana
• Ary ny mazava dia mamirapiratra ao amin'ny maizina; fa ny maizina tsy nandray azy.
  Jaona 1:5 fandresena fahazavana
• Ny tavan'i Jehovah tezitra amin'ny mpanao ratsy kosa,
  mba hofongorany tsy ho eo amin'ny tany ny fahatsiarovana azy.
  Salamo 34:16 fahotana