Andinin-teny ao amin'ny Baiboly momba ny mpanafaka

«»

• Jehovah Andriamanitrao no ao aminao,
  Mahery Izy ka hamonjy;
  Hiravoravo anao amin'ny fifaliana Izy;
  Ho sondriana amin'ny fitiavany Izy;
  Hifaly anao amin'ny fihobiana Izy.
  Zefania 3:17Andriamanitrafifalianamihira
• Mamiko indrindra Hianao, Jehovah Heriko ô.
  Jehovah no harambatoko sy batery fiarovana ho ahy ary Mpamonjy ahy;
  Andriamanitro, vatolampy ialofako,
  sy ampingako ary tandroka famonjena ahy sy fiarovana avo ho ahy.
  Salamo 18:1-2famonjenatanjaka
• Izay nanolotra ny tenany hamonjy antsika, mba hanavotany antsika ho afaka amin'ny ota rehetra, sy hanadiovany izay olona ho an'ny tenany, sady ho mazoto indrindra amin'ny asa tsara izany.
  Titosy 2:14soronafanadiovanahatsaram-panàhy
• Ho amin'ny fahafahana no nanafahan'i Kristy antsika; ka tomoera tsara, fa aza mety hohazonin'ny zioga fanandevozana intsony.
  Galatiana 5:1Jesosyfiainanampidoroka
• Mitaraina ny marina, ary mihaino azy Jehovah ka mamonjy azy amin'ny fahoriany rehetra. Akaikin'izay manana fo mangorakoraka Jehovah, ary mamonjy izay torororo fanahy.
  Salamo 34:17-18famonjenamanodidinafisaonana
• Izaho efa nandevona ny fahadisoanao tahaka ny fandevona ny zavona,
  ary ny fahotanao tahaka ny rahona;
  Koa miverena amiko, fa efa nanavotra anao Aho.
  Isaia 44:22fahotanafamonjenafiovam-po
• Koa raha ny Zanaka no hahafaka anareo, dia ho afaka tokoa ianareo.
  Jaona 8:36Jesosyfahafahanampidoroka
• Ary amin'izany dia tsy misy fanamelohana ho an'izay ao amin'i Kristy Jesosy. Fa ao amin'i Kristy Jesosy ny lalàn'ny Fanahin'aina no nahafaka ahy tamin'ny lalàn'ny fahotana sy ny fahafatesana.
  Romana 8:1-2lalànafitsaranasazy
• Maro ny fahorian'ny marina;
  nefa Jehovah manafaka azy amin'izany rehetra izany.
  Salamo 34:19rarinyfijalianafahafahana
• Hifaly dia hifaly amin'i Jehovah aho,
  ny fanahiko ho ravoravo amin'Andriamanitro;
  fa notafiany fitafiana famonjena aho,
  ary nakanjoiny akanjo fahamarinana,
  toy ny mpampakatra misatroka hamama tahaka ny mpisorona,
  ary toy ny ampakarina miravaka ny firàvany.
  Isaia 61:10rarinyfifalianafanambadiana
• Hihoby ny molotro raha mankalaza Anao;
  ny fanahiko koa izay efa navotanao.
  Salamo 71:23fiankohofanaainamihira
• Eo an-tananao ny androko;
  Vonjeo aho tsy ho azon'ny tanan'ny fahavaloko
  sy izay manenjika ahy.
  Salamo 31:15fanenjehanafamonjena
• Ka hiteraka Zazalahy izy, ary ny anarany hataonao hoe Jesosy; fa Izy no hamonjy ny olony ho afaka amin'ny fahotany.
  Matio 1:21Jesosykrisimasy
• Ny Fanahin'i Jehovah Tompo no ato amiko,
  satria Jehovah efa nanosotra Ahy
  hitory teny soa mahafaly amin'ny mpandefitra,
  efa naniraka Ahy hahasitrana ny torotoro fo Izy,
  ary hitory fanafahana amin'ny babo
  sy hamoaka ny ao an-trano-maizina ho amin'ny mazava.
  Isaia 61:1Fanahyfanantenanafahafahana
• Jehovah ô, Hianao no ialofako;
  aoka tsy ho menatra akory mandrakizay aho;
  vonjeo amin'ny fahamarinanao aho.
  Salamo 31:1rarinyfiankinan-doha
• Fa ankehitriny, rehefa natao afaka tamin'ny ota ianareo ka efa tonga mpanompon'Andriamanitra, dia manana ny vokatrareo ho amin'ny fahamasinana, ary ny farany dia fiainana mandrakizay.
  Romana 6:22fahafahanafahotanafahamasinana
• Hianareo izay tia an'i Jehovah, mankahalà ny ratsy;
  Miaro ny fanahin'ny olony masina Izy
  Ary mamonjy azy amin'ny tanan'ny ratsy fanahy.
  Salamo 97:10fitokisanafaharatsianafahafahana
• Vonjeo izahay, ry Andriamanitry ny famonjena anay ô,
  noho ny voninahitry ny anaranao;
  ary afaho izahay, ka mamelà ny helokay,
  noho ny anaranao.
  Salamo 79:9famonjenafiankohofanafahotana
• Jehovah ô, vonjeo ny fanahiko amin'ny molotra mandainga,
  Eny, amin'ny lela mamitaka.
  Salamo 120:2lahatenyainalainga