Andinin-teny ao amin'ny Baiboly momba ny Krisimasy

«»

• Ka hiteraka Zazalahy izy, ary ny anarany hataonao hoe Jesosy; fa Izy no hamonjy ny olony ho afaka amin'ny fahotany.
  Matio 1:21Jesosympanafaka
• Fa Mpamonjy no teraka ho anareo anie ao an-tanànan'i Davida, dia Kristy Tompo.
  Lioka 2:11MpamonjyMesia
• Voninahitra any amin'ny avo Indrindra ho an'Andriamanitra!
  Ary fiadanana ho etỳ ambonin'ny tany amin'ny olona ankasitrahany.
  Lioka 2:14fiadananaanjelyfiankohofana
• Fa Zaza no teraka ho antsika,
  Zazalahy no omena antsika;
  Ary ny fanapahana dia eo an-tsorony,
  ary ny anarany atao hoe
  Mahagaga, Mpanolo-tsaina, Andriamanitra Mahery,
  Rain'ny mandrakizay Andrian'ny fiadanana.
  Isaia 9:5MesiaJesosyRay
• Ary hoy ny anjely taminy: Aza matahotra; fa, indro, milaza teny soa mahafaly aminareo aho, dia fifaliana lehibe izay ho an'ny olona rehetra.
  Lioka 2:10anjelyfifalianatahotra
• Ary raha nitoetra teo Izy, dia tonga ny andro hahavelomany. Ary niteraka ny Lahimatoany izy, dia nohodidininy lamban-jaza ka nampandriny teo amin'ny fihinanam-bilona; fa tsy nisy nitoerany tao an-tranom-bahiny.
  Lioka 2:6-7Jesosy
• Ary izany rehetra izany dia tonga mba hahatanteraka izay nampilazain'ny Tompo ny mpaminany hoe: Indro, ny virijina hitoe-jaza ka hiteraka zazalahy; Ary ny anarany hataon'ny olona hoe Imanoela, izany hoe, raha adika: Amintsika Andriamanitra.
  Matio 1:22-23faminanianafahagaganaJesosy
• Ary noho izany dia ny Tompo no hanome famantarana ho anareo: Indro, hanan'anaka ny virijina ka hiteraka zazalahy, ary ny anarany hataony hoe Imanoela.
  Isaia 7:14Jesosyfahagaganafaminaniana
• Ary ny mpiandry ondry niverina nankalaza ny nidera an'Andriamanitra noho ny zavatra rehetra izay reny ny hitany, araka izay nolazaina taminy.
  Lioka 2:20fiankohofanafiderana
• Ary ilay anjely namaly ka nanao taminy hoe: Ny Fanahy Masina ho tonga ao aminao, ary hisy herin'ny Avo Indrindra hanaloka anao; koa ny Masina Izay hateraka dia hatao hoe Zanak'Andriamanitra.
  Lioka 1:35Fanahy MasinatanjakaJesosy
• Ary Josefa koa niakatra avy tany Galilia, dia avy tao an-tanàna Nazareta, hankany Jodia, ho ao an-tanànan'i Davida, iza atao hoe Betlehema (satria avy tamin'ny taranak'i Davida sy ny mpianakaviny), mba hosoratana izy sy Maria fofom-badiny, izay efa bevohoka.
  Lioka 2:4-5
• Fa raha mbola nisaina izany izy, indro, nisy anjelin'ny Tompo niseho taminy tamin'ny nofy ka nanao hoe: Ry Josefa, zanak'i Davida, aza matahotra hampakatra an'i Maria vadinao; fa ny Zaza ao an-kibony dia avy amin'ny Fanahy Masina.
  Matio 1:20anjelyFanahy Masina
• Ary hoy ilay anjely taminy: Aza matahotra, ry Maria, fa efa nahita fitia tamin'Andriamanitra ianao. Ary, indro, hitoe-jaza ianao ka hiteraka zazalahy, ary ny anarany dia hataonao hoe Jesosy.
  Lioka 1:30-31Jesosytahotraanjely
• Ary rehefa teraka Jesosy tao Betlehema an'i Jodia, tamin'ny andron'i Heroda mpanjaka, indreo, nisy Magy avy tany atsinanana tonga tany Jerosalema ka nanao hoe: Aiza Ilay teraka ho Mpanjakan'ny Jiosy? fa nahita ny kintany teny atsinanana izahay ka tonga mba hiankohoka eo anatrehany.
  Matio 2:1-2fiankohofana
• Fa ianao, ry Betlehema Efrata,
  Izay kely tsy tokony ho isan'ny arivon'i Joda akory,
  Dia avy ao aminao no hivoahan'Izay anankiray
  ho Mpanapaka ho Ahy ao amin'ny Isiraely;
  Hatry ny fahagola no efa nivoahany,
  dia hatrizay hatrizay.
  Mika 5:1faminanianaJesosy
• Ary ny nahaterahan'i Jesosy Kristy dia toy izao: Rehefa nanaiky Maria, renin'i Jesosy, ho fofombadin'i Josefa, raha tsy mbola nivady izy, dia hita fa nitoe-jaza avy tamin'ny Fanahy Masina izy.
  Matio 1:18Fanahy Masinafahagagana