Amavesi EBhayibheli ngoKhisimusi

«»

• Uzakuzala indodana, uyiqambe igama lokuthi uJesu, ngokuba nguye oyakusindisa abantu bakhe ezonweni zabo.
  NgokukaMathewu 1:21 UJesu umhlengi
• Ukuthi nizalelwe namuhla uMsindisi onguKristu iNkosi emzini kaDavide.
  NgokukaLuka 2:11 UMsindisi UMesiya
• Udumo kuNkulunkulu kweliphezulu,
  nokuthula emhlabeni kubantu abathokozelwa nguye.
  NgokukaLuka 2:14 ukuthula izingelosi khulekela
• Ngokuba sizalelwa umntwana,
  siphiwa indodana;
  umbuso uyakuba semahlombe akhe,
  negama lakhe liyakuthiwa
  uMluleki omangalisayo,
  uNkulunkulu onamandla,
  uYise ongunaphakade,
  iNkosi yokuthula.
  U-Isaya 9:6 UMesiya UJesu UBaba
• Ingelosi yathi kubo: “Ningesabi; ngokuba bhekani, nginibikela izindaba ezinhle zokuthokoza okukhulu okuzakuba kubantu bonke.”
  NgokukaLuka 2:10 izingelosi injabulo uvalo
• Lokhu konke kwenzeka ukuba kugcwaliseke okwakhulunywa yiNkosi ngomprofethi ukuthi: “Bheka, intombi iyakukhulelwa, izale indodana; bayakuyiqamba igama lokuthi u-Emanuweli,” okungukuthi ngokuhunyushwa “uNkulunkulu unathi”.
  NgokukaMathewu 1:22-23 isiprofetho izimangaliso UJesu
• Kwathi-ke beselapho, zaphelela izinsuku zokuba abelethe. Wazibula ngendodana, wayembesa, wayilalisa emkhombeni, ngokuba bantula indawo endlini yezihambi.
  NgokukaLuka 2:6-7 UJesu
• Ngalokho iNkosi uqobo iyakukunika isibonakaliso: bheka, intombi iyakukhulelwa, izale indodana, ibize igama layo ngokuthi u-Imanuweli.
  U-Isaya 7:14 UJesu izimangaliso isiprofetho
• Babuya-ke abelusi bemdumisa, bembonga uNkulunkulu ngakho konke abakuzwileyo nabakubonileyo, njengalokho kwakukhulunyiwe kubo.
  NgokukaLuka 2:20 khulekela indumiso
• Ingelosi yaphendula, yathi kuye: “UMoya oNgcwele uzakuza phezu kwakho, amandla oPhezukonke akusibekele; ngakho-ke okungcwele okuzozalwa kuzakuthiwa iNdodana kaNkulunkulu.”
  NgokukaLuka 1:35 UMoya Oyingcele amandla UJesu
• Naye uJosefa wakhuphuka ephuma eGalile emzini waseNazaretha, waya eJudiya emzini kaDavide othiwa iBetlehema, ngokuba wayengowendlu nozalo lukaDavide, ukuyobalwa kanye noMariya owayemmiselwe ukuba abe ngumkakhe, ekhulelwe.
  NgokukaLuka 2:4-5
• Ingelosi yathi kuye: “Ungesabi, Mariya, ngokuba ufumene umusa kuNkulunkulu. Bheka, uzakukhulelwa, uzale indodana, uyiqambe igama lokuthi uJesu.”
  NgokukaLuka 1:30-31 UJesu uvalo izingelosi
• UJesu esezelwe eBetlehema laseJudiya emihleni kaHerode inkosi, bheka, kwafika izazi eJerusalema, zivela empumalanga, zithi: “Uphi lowo ozelwe eyinkosi yabaJuda na? Ngokuba sibonile inkanyezi yakhe kwelasempumalanga, size ukukhuleka kuye.”
  NgokukaMathewu 2:1-2 khulekela
• Esazindla ngalokho, bheka, ingelosi yeNkosi yabonakala kuye ngephupho, ithi: “Josefa, ndodana kaDavide, ungesabi ukumthatha uMariya umkakho, ngokuba lokho akukhulelweyo kungoMoya oNgcwele.”
  NgokukaMathewu 1:20 izingelosi UMoya Oyingcele
• Kepha wena Betlehema Efratha,
  omncane ukuba ube phakathi kwemindeni yakwaJuda,
  ngiyakuphunyelwa ngovela kuwe,
  ozakuba ngumbusi kwa-Israyeli,
  okuvela kwakhe kusukela endulo ezinsukwini zaphakade.
  UMika 5:2 isiprofetho UJesu
• Ukuzalwa kukaJesu Kristu kwaba nje: unina uMariya esemiselwe uJosefa, bengakahlangani wafunyanwa ekhulelwe ngoMoya oNgcwele.
  NgokukaMathewu 1:18 UMoya Oyingcele izimangaliso