Amavesi EBhayibheli ngoMoya Oyingcele

«»

• INkosi inguye uMoya; kepha lapho uMoya weNkosi ekhona, kukhona inkululeko.
  2 kwabaseKorinte 3:17 inkululeko UMoya
• UNkulunkulu wethemba makanigcwalise ngenjabulo yonke nangokuthula konke ekukholweni, ukuze nivame ethembeni ngamandla kaMoya oNgcwele.
  KwabaseRoma 15:13 inkolo UMoya ngiyethemba
• Kepha anazi yini ukuthi umzimba wenu uyithempeli likaMoya oNgcwele okinina, enimamukele kuNkulunkulu, nokuthi anisibo abenu na? Ngokuba nathengwa ngenani elikhulu. Ngakho-ke mbongeni uNkulunkulu emzimbeni wenu.
  1 kwabaseKorinte 6:19-20 khulekela UMoya ukuphila
• Ngiyakucela kuBaba aniphe omunye uMduduzi wokuba ahlale kini phakade.
  NgokukaJohane 14:16 umduduzi UBaba ipentekoste
• Kepha uMduduzi, uMoya oNgcwele, uBaba ayakumthumela egameni lami uyakunifundisa konke, anikhumbuze konke enginitshele khona.
  NgokukaJohane 14:26 umduduzi UBaba ukufunda
• Anazi yini ukuthi niyithempeli likaNkulunkulu nokuthi uMoya kaNkulunkulu uhlala kini na?
  1 kwabaseKorinte 3:16 ubungcwele UMoya isonto
• Ngiyakufaka umoya wami phakathi kwenu, ngenze ukuba nihambe ngezimiso zami; niyakugcina izahlulelo zami, nizenze.
  UHezekeli 36:27 UMoya umthetho ukulandela
• Kwase kubonakala kubo izilimi ezahlukeneyo kungathi ezomlilo; zahlala phezu kwalowo nalowo kubo. Base begcwala bonke uMoya oNgcwele, baqala ukukhuluma ngezinye izilimi, njengalokho uMoya wabapha ukuphumisela.
  IzEnzo 2:3-4 ukukhuluma UMoya ipentekoste
• Ithemba alijabhisi, ngokuba uthando lukaNkulunkulu lutheliwe ezinhliziyweni zethu ngoMoya oNgcwele esimuphiweyo.
  KwabaseRoma 5:5 ngiyethemba inhliziyo UMoya
• Ningamdabukisi uMoya oNgcwele kaNkulunkulu enabekwa uphawu ngaye kuze kube lusuku lokuhlengwa.
  Kwabase-Efesu 4:30 ukudabuka ukuza kwesibili
• Kwathi sebekhulekile, kwazanyazanyiswa indawo lapho bebebuthene khona, bagcwaliswa bonke nguMoya oNgcwele, bakhuluma izwi likaNkulunkulu ngesibindi.
  IzEnzo 4:31 ipentekoste umkhuleko izimangaliso
• Ngakho-ke uma nina eningababi nikwazi ukubapha abantwana benu izipho ezinhle, kakhulu kangakanani uYihlo osezulwini uzakubapha abacela kuye uMoya oNgcwele.
  NgokukaLuka 11:13 UMoya umkhuleko umndeni
• Ngifundise ukwenza intando yakho,
  ngokuba wena unguNkulunkulu wami;
  umoya wakho omuhle mawungihole emhlabathini olelezekileyo.
  AmaHubo 143:10 ukufunda UMoya ukulalela umthetho
• Kodwa nizakwamukeliswa amandla, uMoya oNgcwele esefikile phezu kwenu, nibe ngofakazi bami eJerusalema, naseJudiya lonke, naseSamariya kuze kube sekugcineni komhlaba.
  IzEnzo 1:8 ukuvangela UMoya amandla
• Kepha nina bathandekayo, yakhelanani ekukholweni kwenu okungcwele kakhulu, nikhuleke ngoMoya oNgcwele, nizigcine othandweni lukaNkulunkulu, nibheke umusa weNkosi yethu uJesu Kristu, kube ngukuphila okuphakade.
  EkaJuda 1:20-21 inkolo uthando UJesu
• Ngalokho hambani nenze izizwe zonke abafundi, nibabhapathize egameni likaYise neleNdodana nelikaMoya oNgcwele, nibafundise ukugcina konke enginiyale ngakho; bhekani, mina nginani izinsuku zonke kuze kube sekupheleni kwezwe.
  NgokukaMathewu 28:19-20 ukuvangela ukubhapathizwa ukufunda
• Ngokuba ngumuphi kubantu owazi okomuntu, uma kungesiye umoya womuntu okuye na? Ngokunjalo nokukaNkulunkulu akwaziwa muntu, kuphela nguMoya kaNkulunkulu.
  1 kwabaseKorinte 2:11 UMoya imicabango ukuqonda
• Umusa weNkosi uJesu Kristu, nothando lukaNkulunkulu, nokuhlangana kukaMoya oNgcwele makube nani nonke. Amen.
  2 kwabaseKorinte 13:14 umusa isibusiso UNkulunkulu
• Nxa esefikile uMduduzi engiyakumthumela kini evela kuBaba, uMoya weqiniso, ophuma kuBaba, nguyena oyakufakaza ngami.
  NgokukaJohane 15:26 umduduzi UBaba UJesu
• UPetru wayesethi: “Phendukani, yilowo nalowo abhapathizwe egameni likaJesu Kristu kukho ukuthethelelwa kwezono zenu; khona niyakwamukeliswa isiphiwo sikaMoya oNgcwele.”
  IzEnzo 2:38 intethelelo UMoya ukubhapathizwa
• Lokhu kuyizwi likaJehova kaZerubabele lokuthi: ‘Kungabi ngempi, kungabi ngamandla, kepha kube ngomoya wami kuphela,’ usho uJehova Sebawoti.
  UZakariya 4:6 UNkulunkulu UMoya amandla
• Thina singofakazi balezo zinto kanye noMoya oNgcwele uNkulunkulu amnikile labo abamlalelayo.
  IzEnzo 5:32 ukulalela umthetho UMoya ukwamukela
• Ngiyakuyaphi,
  ngisuke emoyeni wakho, na?
  Ngiyakubalekelaphi,
  ngimuke ebusweni bakho, na?
  Uma ngikhuphukela ezulwini,
  wena ulapho;
  uma ngendlala icansi lami endaweni yabafileyo, nangu wena.
  AmaHubo 139:7-8 UMoya izulu ukufa
• Bathi ukuzwa lokho, babhapathizwa egameni leNkosi uJesu. Kwathi uPawulu esebekile izandla phezu kwabo, uMoya oNgcwele wehlela phezu kwabo; base bekhuluma ngezilimi, baprofetha.
  IzEnzo 19:5-6 ukubhapathizwa isiprofetho
• Kwathi bekhonza iNkosi, bezila, uMoya oNgcwele wathi: “Ngahlukaniseleni oBarnaba noSawulu ukuba baye emsebenzini engibabizele wona.”
  IzEnzo 13:2 khulekela ukuzila ukudla UMoya