Iivesi zeBhayibhile malunga noMoya oyiNgcwele

«»

• INkosi le ke nguMoya. Apho ke ukhona uMoya weNkosi kubakho inkululeko.
  2 KWABASEKORINTE 3:17 inkululeko Umoya
• Wanga ke uThixo, umthombo wethemba, angáthi ngokukholwa kwenu anivuyise kakhulu, aniphe uxolo, ukuze ithemba lenu liye lisanda ngokwanda ngamandla oMoya oyiNgcwele.
  KWABASEROMA 15:13 ukholo Umoya ithemba
• Anazi na ukuba imizimba yenu yindlu kaMoya oyiNgcwele, ahlala kuyo, evela kuThixo? Kaloku aningobenu; ningabakaThixo owanithenga ngexabiso elikhulu. Mdumiseni ke uThixo ngemizimba yenu.
  1 KWABASEKORINTE 6:19-20 unqulo Umoya ubomi
• Wothi ke uBawo, ndakumcela, aninike omnye uMmeli, ukuze ahlale nani ngonaphakade.
  UYOHANE 14:16 umthuthuzeli UTata ipentekoste
• Ke uMmeli uMoya oyiNgcwele, lowo uBawo aya kumthuma egameni lam, uya kunifundisa zonke izinto, anikhumbuze ngako konke endithe ndanixelela kona.
  UYOHANE 14:26 umthuthuzeli UTata ukufunda
• Anazi na ukuba nina niyindlu kaThixo? Anazi na ukuba uMoya kaThixo uhlala ngaphakathi kwenu?
  1 KWABASEKORINTE 3:16 ubungcwele Umoya icawa
• Ndiya kufaka uMoya wam kuni, nitsho nilulamele imimiselo yam, niyigcine ngononelelo imithetho yam.
  UHEZEKILE 36:27 Umoya umthetho ukulandela
• Kwabonakala amadangatye angathi ziilwimi, laza lalelo idangatye lahlala kumntu ngamnye kubo. Bazaliswa ke bonke nguMoya oyiNgcwele, baza bathetha ngalwimi zimbi, njengoko uMoya wabaphayo.
  UMSEBENZI WABATHUNYWA 2:3-4 ukuthetha Umoya ipentekoste
• Ithemba ke lona alidanisi, kuba uthando lukaThixo luthululelwe ezintliziyweni zethu ngoMoya oyiNgcwele esamnikwayo.
  KWABASEROMA 5:5 ithemba intliziyo Umoya
• Musani ukumdakumbisa uMoya oyiNgcwele kaThixo, kuba uniphawulele umhla wokugqibela wenkululeko.
  KWABASE-EFESE 4:30 usizi ukuza kwesibini
• Bakuba begqibile ukuthandaza, indawo ababehlangene kuyo yazanya-zanyiswa. Bonke bazaliswa nguMoya oyiNgcwele, baza baluthetha udaba lukaThixo benobuganga.
  UMSEBENZI WABATHUNYWA 4:31 ipentekoste umthandazo imimangaliso
• Ukuba ngoko nina, nikhohlakele nje, niyakwazi ukubapha abantwana benu izipho ezilungileyo, wobeka phi yena uYihlo osezulwini ukugqithisela ukubapha uMoya oyiNgcwele abo bamcelayo?
  ULUKA 11:13 Umoya umthandazo usapho
• Wena unguThixo wam,
  ngoko ke ndifundise ukuthanda kwakho.
  UMoya wakho wobubele
  makandikhokelele endleleni esisithabazi!
  INdumiso 143:10 ukufunda Umoya ukuthobela
• Nina niya kunikwa amandla, akufika kuni uMoya oyiNgcwele, nindingqinele ebantwini baseJerusalem, nabakulo lonke elakwaJuda, nabaseSamariya, kude kuse naseziphelweni zomhlaba.
  UMSEBENZI WABATHUNYWA 1:8 ukuvangela Umoya amandla
• Ngoko ke nina, zihlobo zam, zingisani nizakhe elukholweni lwenu olunyulu. Thandazani niqhutywa nguMoya oyiNgcwele. Uthando lukaThixo maluhlale lunifumbathile ngoku nilinde iNkosi yethu uYesu Krestu. Kaloku yena unenceba, uya kunipha ubomi obungapheliyo.
  EKAJUDA 1:20-21 ukholo uthando UYesu
• Ke ngoko hambani niye kuzenza abafundi zonke iintlanga, nibabhaptize egameni loYise, neloNyana, neloMoya oyiNgcwele; nibafundisa ukuba bazenze zonke izinto endiniyalele ngazo. Niyabona, mna ndinani yonke imihla, kude kube sekuphelisweni kwephakade eli.
  UMATEWU 28:19-20 ukuvangela ubhaptizo ukufunda
• Kanene yintoni na emntwini ebaziyo ubume bomntu, ingenguwo umoya womntu ongaphakathi kwakhe? Ngokunjalo nobume bukaThixo akukho namnye ubaziyo, ingenguye uMoya kaThixo.
  1 KWABASEKORINTE 2:11 Umoya iingcamango ukuqonda
• Ubabalo lweNkosi uYesu Krestu, nothando lukaThixo, nobudlelane boMoya oyiNgcwele, maluhlale nani nonke.
  2 KWABASEKORINTE 13:13 ubabalo intsikelelo uThixo
• Ndakuba ndifikile kuBawo, ndonithumela uMmeli onguMoya wenyaniso ovela kuBawo. Xa athe wafika yena, wongqina ngam.
  UYOHANE 15:26 umthuthuzeli UTata UYesu
• Wathi uPetros kubo: “Guqukani ezonweni zenu nonke ngabanye, nibhaptizwe egameni likaYesu Krestu, ukuze nixolelwe izono zenu, nize namkele isipho soMoya oyiNgcwele.”
  UMSEBENZI WABATHUNYWA 2:38 uxolelo Umoya ubhaptizo
• Eli lilizwi likaNdikhoyo kuZerubhabheli: ‘Akungabukroti, kungengawo namandla, kodwa kungoMoya wam kuphela,’ utsho uNdikhoyo onamandla onke.
  UZAKARIYA 4:6 uThixo Umoya amandla
• Thina noMoya oyiNgcwele osisipho sikaThixo kwabo bamthobelayo, singamangqina azo ezi zinto.
  UMSEBENZI WABATHUNYWA 5:32 ukuthobela Umoya ukwamkela
• Ndingamzimela ndithini uMoya wakho?
  Ndingasabela phi apho ungekhoyo khona?
  Ukuba ndingenyukela emazulwini, ndingafika ukho;
  nokuba ndingalala kwelabafileyo, ukho nalapho.
  INdumiso 139:7-8 Umoya izulu ukufa
• Bakuyiva le ntetho, babhaptizwa egameni leNkosi uYesu. UPawulos wababeka izandla, batsho bamamkela uMoya oyiNgcwele, baza bathetha iilwimi, belithetha ilizwi likaThixo.
  UMSEBENZI WABATHUNYWA 19:5-6 ubhaptizo isiprofeto
• Xa banibambayo banise ezinkundleni, musani ukuyixhalela into eniya kuyithetha, kodwa thethani oko nithe nakunikwa ngelo xesha, kuba asinini abathethayo, nguMoya oyiNgcwele.
  UMARKO 13:11 ukuthetha Umoya ukukhathazeka