Iivesi zeBhayibhile malunga namandla

«»

• Ngoko ke ndinawe, sukoyika;
  ndinguThixo wakho, sukuphakuzela.
  Ndiza kukomeleza ndikusize,
  amandla am asindisayo akuxhase akukhusele.
  UISAYA 41:10uloyikoukukhathazekaizixhobo
• Kambe ke bona abakholosa ngoNdikhoyo
  bosuka bahlaziyeke bomelele.
  Bosuka bantinge baxel' ukhozi;
  noba sebebaleka, soze badinwe;
  ewe, baya kuhamba bangaze batyhafe.
  UISAYA 40:31ithembaukhuthazoizithembiso
• Umzimba nentliziyo zingade ziphelelwe,
  wona amandla am nguThixo, ulibango lam naphakade.
  INdumiso 73:26ubomiukuxhomekekaubuthathaka
• Ndinako ukumelana nayo nayiphi na imeko ngenxa yamandla alowo undomelezayo.
  KWABASEFILIPI 4:13uThixoukukhuselwaubuthathaka
• Yena ngumhlaziyi wâbo batyhafileyo,
  umomelezi wâbo bangenamandla.
  UISAYA 40:29ukuxhomekekaizixhoboisisa
• Ndanelisekile ke ngoko nokuba ndibuthathaka, nokuba ndiyagxekwa, nokuba nditsala nzima, nditshutshiswa, ndithwala iimbandezelo ngenxa kaKrestu. Kuba xa ndibuthathaka, kuxa kanye ndinamandla.
  2 KWABASEKORINTE 12:10uvuyointshutshisoubuthathaka
• Ndiyakuthanda, Ndikhoyo, mandla am.
  NguNdikhoyo iliwa lam; nguye inqaba yam; nguye umkhuseli wam.
  Xa ndizimele ngoThixo wam ndihlala ndikhuselekile.
  Nguye ikhaka lam, nguye ondigcina ndifihlakele.
  INdumiso 18:1-2usindisoumhlawuleli
• Kuba kaloku uMoya esimnikwe nguThixo asingowobuphakuphaku, koko uvuselela isibindi, uthando, nokuzeyisa.
  2 KUTIMOTI 1:7uthandoukuzibambaUmoya
• Lufuneni kuNdikhoyo uncedo;
  mfunen' aph' akhoyo ngawo onke amaxesha.
  1 YEZIGANEKO 16:11ukufunaukusondela
• Ithembekile yona kambe iNkosi. Yonikhusela inigcine kuhlaselo lwendoda enobuqhokolo.
  2 KWABASETESALONIKA 3:3ukuthembekaukhuselekoumtyholi
• Phaphani, nime zinzi elukholweni! Khaliphani, nomelele!
  1 KWABASEKORINTE 16:13ukholoisibindiukhuthazo
• Kodwa ke mna ndiya kucula ndibonga amandla akho;
  ndiya kumemelela kwasekuseni,
  kuba uthando lwakho luyamangalisa.
  Kaloku wena uyinqaba yam,
  ungumqolomba ngomhla wembandezelo.
  INdumiso 59:16ukuthembekaukukhuselwaukucula
• NguNdikhoyo amandla am nekhaka lam;
  ndithembele ngaye ngomxhelo wam wonke.
  Ndoncedakala nditsho ndibe nemincili,
  ndimbonge ngengoma.
  INdumiso 28:7thembelaunqulodumisani
• Aa, Mhlekazi Ndikhoyo, wena wasolula isandla sakho, wawenza umhlaba nesibhakabhaka ngamandla akho amakhulu! Akukho nanye into ekunqabelayo wena!
  UJEREMIYA 32:17indaloizuluusomandla
• Amandla am nguMhlekazi uNdikhoyo;
  uzenza iinyawo zam zibe njengezenxala;
  ngaye ndihamba kweziphezulu iindawo.
  UHABHAKUKI 3:19intsikeleloizixhobo
• Elokuphetha ndithi njengokuba nimanywe neNkosi nje, yomelelani nincedwa ngamandla ayo.
  KWABASE-EFESE 6:10uThixoukufunausomandla
• Ilizwi likaThixo liyaphila, liyasebenza. Libukhali ngaphezu kwekrele elibazwe macala. Lihlabanisela liye kuthi xhokro embindini, phakathi komzimba nomphefumlo, nasekudibaneni kwamathambo nomongo. Liyazihluza lizicalu-calula iingcamango neminqweno yabantu.
  KUMAHEBHERE 4:12ILizwi likaThixoiingcamango
• Ngoku ke, kulowo unako ukwenza ngaphezu kokuba sicela nokuba siqiqa, ngamandla akhe asebenza ngaphakathi kuthi: Makubekho udumo kuThixo ebandleni, nakuKrestu Yesu, kuse kuzo zonke izizukulwana ngonaphakade kanaphakade. Amen.
  KWABASE-EFESE 3:20-21ukuthobekaunquloUmoya
• Uze uyithande ke iNkosi uThixo wakho ngentliziyo yakho iphela, nangomphefumlo wakho uphela, nangengqondo yakho iphela, nangamandla akho ephela.
  UMARKO 12:30uthandouThixo
• Ewe, Ndikhoyo, bobakho bonke ubukhulu ndawonye namandla;
  naso isidima sikwasesakho, ubungangamsha nobunewu-newu.
  Kaloku zezakho zonke ezisezulwini,
  kanti nezisemhlabeni ikwazezakho.
  Ewe, Ndikhoyo, lolwakho ulawulo;
  uyingqanga-ngqanga evelele konke jikelele.
  1 YEZIGANEKO 29:11unquloubukumkaniusomandla
• Eli lilizwi likaNdikhoyo kuZerubhabheli: ‘Akungabukroti, kungengawo namandla, kodwa kungoMoya wam kuphela,’ utsho uNdikhoyo onamandla onke.
  UZAKARIYA 4:6uThixoUmoyauMoya oyiNgcwele
• Wanga angabaph' amandl' abantu bakhe;
  wanga angabathamsanqela abaph' inzolo.
  INdumiso 29:11intsikelelouxolo
• Kodwa yandiphendula yathi: “Ubabalo lwam lukwanele, kuba amandla am acaca xa ubuthathaka.” Ngoko ke ndikhetha ukuqhayisa ngezinto ezibonakalisa ubuthathaka bam, ukuze ndikuve ukongama kwamandla kaKrestu phezu kwam.
  2 KWABASEKORINTE 12:9ubabaloubuthathakaUYesu
• Kaloku udaba lokufa kukaKrestu emnqamlezweni okunene lububudenge kwabatshabalalayo, kodwa kuthi, thina basindiswayo, lungamandla kaThixo.
  1 KWABASEKORINTE 1:18usindisoukubethelwa emnqamlezweni
• NguNdikhoyo yedwa uThixo;
  nguye kuphela osikhuselayo.
  INdumiso 18:31ukuthembekauThixo