Iivesi zeBhayibhile malunga nokuzibamba

«»

• Umntu owoyiswayo kukuzilawula usesichengeni
  oku kwesixeko esindonga ziwileyo.
  IZAFOBE 25:28 iminqweno
• Kuba kaloku uMoya esimnikwe nguThixo asingowobuphakuphaku, koko uvuselela isibindi, uthando, nokuzeyisa.
  2 KUTIMOTI 1:7 uthando amandla Umoya
• Ngenxa yaloo nto ke kufuneka nenze unako-nako ukongezelela ukholo ngesidima, nesidima ngengqiqo, ingqiqo ngokuzeyisa, nokuzeyisa ngonyamezelo, unyamezelo ngembeko, nembeko ngokuhlobana, nokuhlobana ngokuthanda abantu bonke.
  2 KAPETROS 1:5-7 ukholo ukulunga ubudlelwane
• Onomonde ulungile kunegorha;
  olawula umsindo wakhe ungcono kunothimba isixeko.
  IZAFOBE 16:32 uxolo umonde
• Nazi ke zona iziqhamo zoMoya: luthando, novuyo, noxolo; umonde, ububele, ukulunga, nentembeko; ubulali, nokuzeyisa. Awukho ke umthetho ochasa izinto ezinjengezi.
  KUMAGALATI 5:22-23 umthetho Umoya intsikelelo
• Khumbulani le nto, zihlobo zam: Wonke ubani makakhawuleze ukuva; kodwa makangakhawulezi ukuthetha, angakhawulezi nokucaphuka.
  EKAYAKOBI 1:19 ukuthetha ukuphulaphula umsindo
• Ukuthetha komntu kulawula ukuphila nokufa;
  ke othetha kakhulu uvuna iziqhamo zaloo nto.
  IZAFOBE 18:21 ukuthetha intsikelelo ukuba nesiqhamo
• Nasiphi na isilingo esikuhlelayo siyinto eqhelekileyo emntwini. Yena ke uThixo, ngokuba ethembekile, akayi kukuyekela ulingwe ngokungaphezu kwamandla akho. Hayi, wosuka akuvulele ikroba lokuphuncula, ukuze ube nako ukunyamezela.
  1 KWABASEKORINTE 10:13 ukuthembeka isilingo ukuba likhoboka
• Masingalali buthongo ke thina njengabanye abo; masiphaphe, singanxili.
  1 KWABASETESALONIKA 5:6 ukhuseleko ukuphela kwexesha
• Umntu osisiyatha uzibonakalisa kwangoko xa ecaphukile;
  kanti ke yena umntu oqiqayo akazidubi ngezithuko.
  IZAFOBE 12:16 umsindo ubulumko
• Isiyatha asiwulawuli umsindo;
  kambe ke sona isilumko siyaphola sizibambe.
  IZAFOBE 29:11 umsindo ubulumko
• Kaloku uThixo usibonakalisile isisa sakhe, ukuze asindise lonke uluntu. Ngaso safundiswa ukuzilumla kwizinto ezisahlukanisa noThixo, nakwiminqweno emibi. Sifundiswe nokuhlala singcathu sinyanisekile, nokuhlonela uThixo kobu bomi.
  KUTITO 2:11-12 ubabalo ubulungisa usindiso
• Ndiwuphatha gadalala umzimba wam, ndiwuqhelisa, ukuze uhlale ulawuleka; hleze ndithi ndakuba ndibashumayezile abanye, mna ngokwam ndingamkeleki.
  1 KWABASEKORINTE 9:27 umgwebo umzimba
• Musani ke ukuthatha isimilo sabantu beli phakade, kodwa iingqondo zenu maziguquke zihlaziyeke, nize niyivume intando kaThixo, yona ilungileyo, ikholekileyo, igqibeleleyo.
  KWABASEROMA 12:2 ngokungenatyala ukuthobela ubomi
• Nabani na ozigqatsayo kukhuphiswano uba phantsi kwengqeqesho engqongqo. Le nto uyayinyamezela khon' ukuze afumane isithsaba esibunayo. Kodwa thina siyenza siza kuzuza isithsaba esingagugiyo.
  1 KWABASEKORINTE 9:25 ibuyiselo ubomi obungunaphakade
• Kuba kweli dabi lethu asilwi nabantu, kodwa silwa nemimoya ekhohlakeleyo esesibhakabhakeni, izilawuli, nabasemagunyeni, kunye nemimoya engcolileyo yeli phakade lobumnyama.
  KWABASE-EFESE 6:12 Umoya izulu ububi
• Musa ukujika-jika uye ngasekunene nangasekhohlo;
  unyawo lwakho malubucezele ububi.
  IZAFOBE 4:27 ububi ubulungisa ukulandela
• Ngoko ke zilumkeleni, hleze niphulukane nayo into ebeniyisebenzela. Zabalazani, khon' ukuze nilifumane linjengoko linjalo ibhaso lenu.
  2 KAYOHANE 1:8 ibuyiselo umsebenzi
• Ke mna ke sendazimisela ngomxhelo wam wonke
  ukuba kungáze kubekho ntombi ndiyincwasayo.
  UYOBI 31:1 iminqweno umnqophiso iingcamango
• Musani ukwala ukuhlangana, ngaphandle kokuba nivumelene ukungahlangani okomzuzwana, nisenzela ukuba nibe nethuba lokuthandaza. Emva koko ke ze nibuye nihlangane, hleze uSathana anihende ngenxa yokungabi nako kwenu ukuzibamba.
  1 KWABASEKORINTE 7:5 umtshato umtyholi ngesondo
• UThixo uthanda ukuba nibe nyulu, nikucezele ukurheletya. Umntu ofuna umfazi makathathe umfazi ahlale naye ngobunyulu nembeko, iinkanuko angaziphi nomtyhi lo njengâbo bangamaziyo uThixo.
  1 KWABASETESALONIKA 4:3-5 ubungcwele ngesondo umzimba