Iivesi zeBhayibhile malunga nomsindo

«»

• Xa nicaphukile, umsindo mawunganiqweqwediseli esonweni; futhi malingade litshone ilanga ninomsindo. Umtyholi musani ukumvulela indawo ebomini benu.
  KWABASE-EFESE 4:26-27isonoububiumtyholi
• Uthando lunomonde, lunobubele. Uthando alunamona, alugwagwisi, lungakhukhumali. Uthando alugezi, alufuni okukokwalo, alunachuku, alunanzondo.
  1 KWABASEKORINTE 13:4-5uthandoumondeukuzingca
• Nize ningabi nanqala mntwini. Mkhalimele umntu owonayo, hleze nawe ube netyala. Ze ningaziphindezeli mntwini, okanye nimbambe isixhiba, koko nina mthandeni ummelwane wenu, kanye ngale ndlela nizithanda ngayo. Kutsho mna Ndikhoyo.
  EYONQULO 19:17-18uthandoubulaliummelwane
• Intiyo iphembelela ingxabano;
  ke lona uthando luyazingcwaba zonke izono.
  IZAFOBE 10:12uthandoububi
• Khumbulani le nto, zihlobo zam: Wonke ubani makakhawuleze ukuva; kodwa makangakhawulezi ukuthetha, angakhawulezi nokucaphuka.
  EKAYAKOBI 1:19ukuthethaukuphulaphulaukuzibamba
• Impendulo ethambileyo iyawuthibaza umsindo,
  kanti ke wona amazwi akrwempayo ahlobisa igazi.
  IZAFOBE 15:1ukuthethaubulali
• Umntu onomonde uba nengqiqo;
  kambe ke yena ocaphuka msinya usuka enze ubudenge.
  IZAFOBE 14:29ubulumkoumondeukuqonda
• Wahambisa wathi: “Zizenzo eziphuma entliziyweni yomntu ezimngcolisayo. Kaloku zivela ngaphakathi entliziyweni yomntu iingcamango ezimbi. Kulapho kuvela khona ubuhenyu, ubusela, ukubulala, ukukrexeza, ukunyoluka, inkohlakalo, inkohliso, ukurheletya, umona, ukunyelisa uThixo, ikratshi, ububhanxa. Zonke ezi zinto zikhohlakeleyo ziphuma entliziyweni yomntu, zize zimngcolise.”
  UMARKO 7:20-23isonoukusulungekiswaisilingo
• Isiyatha asiwulawuli umsindo;
  kambe ke sona isilumko siyaphola sizibambe.
  IZAFOBE 29:11ubulumkoukuzibamba
• Umntu osisiyatha uzibonakalisa kwangoko xa ecaphukile;
  kanti ke yena umntu oqiqayo akazidubi ngezithuko.
  IZAFOBE 12:16ukuzibambaubulumko
• Ikratshi liphembelela ingxabano;
  ke bona ubulumko buzuzwa ngabo bamkela iingcebiso.
  IZAFOBE 13:10ubulumko
• Umntu onesidima uyasicezela isiphithi-phithi;
  kanti ke sona isiyatha siyathanda ukuphemba uqhushululu.
  IZAFOBE 20:3ukuthethauxolo
• Niyabona ke, mawethu, lumkani kungabikho bani kuni ukhohlakeleyo, ungakholwayo, ongumkreqi kuThixo ophilayo.
  KUMAHEBHERE 3:12ububiintliziyoummelwane
• ‘Guquka, mkreqikazindini Sirayeli!’
  Lowo ngumlomo kaNdikhoyo.
  ‘Andizi kuba sakukhangela ngobuso obusangeneyo,
  kuba ndinenceba.’
  Lowo ngumlomo kaNdikhoyo.
  Úthi: ‘Andiyi kuhlala ndiniqumbele.’
  UJEREMIYA 3:12bincebauxoleloubabalo
• Ke zona izinto ezibangwa sisimo esidala zicace mhlophe; nazi: ukurheletya, ukungcola, nobuhenyu; unqulo-zithixo, nobugqwirha; ubutshaba, imbambano, ubukhwele, iphuku, ukubawa, amayelenqe, nezahlukano; umona, ubunxila, nokuthanda iziyolo, njalo-njalo. Nangoku ke ndiyanilumkisa, njengoko besenditshilo ngaphambili, ukuba abo benza izinto ezinjengezi, soze babuxhamle ubuncwane bokulawulwa nguThixo.
  KUMAGALATI 5:19-21umzimbaisonongesondo