Iivesi zeBhayibhile malunga nobomi

«»

• NguNdikhoyo ixhadi lakho lakubhek' umoya;
  ewe, uya kukwalusa ungachukunyiswa nto.
  Ngenene, uNdikhoyo uya kukwalusa,
  xa uhambayo naxa ubuyayo,
  kuqalela ngoku kude kube nini-nini.
  INdumiso 121:7-8ithembaububi
• Ngoko ke yigqaleni indlela eniziphatha ngayo. Yibani ngabantu abanengqondo; musani ukuba ziziyatha. Eli thuba ninalo lisebenziseni kakuhle, kuba akho amaxesha amabi.
  KWABASE-EFESE 5:15-16ubulumkoingqondo
• Umfanekiso womntu emanzini ubonakalisa inkangeleko yakhe;
  ngokunjalo nentliziyo yomntu ibonakalisa into ayiyo.
  IZAFOBE 27:19intliziyo
• Kuba siphila ngokukholwa, kungekuko ngezinto esizibonayo.
  2 KWABASEKORINTE 5:7thembelaukholo
• Nayiphi na into eniyenzayo yenzeni ngomxhelo ngokungathi niyenzela iNkosi, aniyenzeli bantu. Ze nikhumbule ukuba iNkosi iya kunivuza ngelifa eligcinele abantu bayo. Kaloku uKrestu yeyona Nkosi nikhonza yona.
  KWABASEKOLOSE 3:23-24ibuyiseloukwamkelaumsebenzi
• Umntu oxunela ubulungisa nenceba
  ufumana ubomi nobulungisa nodumo.
  IZAFOBE 21:21uthandoubulungisa
• Kuba kaloku komnceda ntoni umntu, ukuba uthe walizuza ihlabathi liphela, kodwa walahlekelwa bubomi bakhe?
  UMARKO 8:36ukubawaukuthanda izinto eziphathekayoumhlaba
• Umzimba nentliziyo zingade ziphelelwe,
  wona amandla am nguThixo, ulibango lam naphakade.
  INdumiso 73:26amandlaukuxhomekekaubuthathaka
• Nanjengoko zitshoyo iziBhalo ukuthi:
  “Lowo unga angabudla ubomi abe nenkqubela
  makazilumle ekuthetheni kakubi,
  ayeke ukuthetha ubuxoki.
  Makahlukane nobubi, enze okulungileyo;
  makaphuthume uxolo, ahlale kulo.”
  1 KAPETROS 3:10-11uthandouxoloukuxoka
• Yonke into inexesha layo;
  umbandela ngamnye unethuba lawo apha emhlabeni.
  AMAVA ENGQONDI 3:1ukucwangcisaizulu
• Ewe, nguwe inqaba yam nekhusi lam;
  ndikhokele, undithundeze, lidunyiswe igama lakho.
  INdumiso 31:3uThixounqulo
• Eyona nto emawuyilondoloze ngaphezu kwazo zonke ezinye yintliziyo yakho,
  kuba yona ingumthombo wobomi.
  IZAFOBE 4:23intliziyoukukhuselwaiingcamango
• Ndibonise indlela yakho, Ndikhoyo;
  ndifundise iindlela zakho.
  INdumiso 25:4ukufunda
• Musani ke ukuthatha isimilo sabantu beli phakade, kodwa iingqondo zenu maziguquke zihlaziyeke, nize niyivume intando kaThixo, yona ilungileyo, ikholekileyo, igqibeleleyo.
  KWABASEROMA 12:2ngokungenatyalaukuthobelaumhlaba
• Wathi kubo uYesu: “Ndim isonka sobomi. Ozayo kum akasoze alambe, nokholwayo kum akasoze anxanwe.”
  UYOHANE 6:35ukholoukutyaisonka
• Zola phambi koNdikhoyo, ulindele kuye,
  ungazidubi ngabantu abaphumelela ngamaqhinga.
  INdumiso 37:7ukunyanisekaumonde
• Ngoko ke ndiya kulandelwa kokulungileyo nabububele,
  umzi wakho ube likhaya lam yonke imihla yobomi bam.
  INdumiso 23:6ubabaloukusondelainceba
• Lowo uwubopha ngomkhala umlomo wakhe ukhusela ubomi bakhe;
  kanti ke yena othetha gqitha uyazenzakalisa.
  IZAFOBE 13:3ukuthethaubulumko
• Mna ndikuyalela namhlanje ukuba umthande uNdikhoyo uThixo wakho, uhambe ngeendlela zakhe, uyithobele uyenze imiyalelo nemimiselo nezithethe zakhe. Wakwenjenjalo uya kuphila wande, uNdikhoyo uThixo wakho akuthamsanqele kwelo lizwe ungenela ukuya kuma kulo.
  UHLAZIYO-MNQOPHISO 30:16umthethointsikelelo
• IziBhalo zithi kuya kugqabhuka imisinga yamanzi aphilisayo embilinini walowo ukholwayo kum.
  UYOHANE 7:38ukholoILizwi likaThixo
• Musa ukuthi: “Bekungani ukuba imihla yamandulo ibe ngcono kunale yangoku?”
  Kaloku ayibubo ubulumko ukubuza umbuzo onjalo.
  AMAVA ENGQONDI 7:10ubulumko
• Ngoko ke ayisendim ophilayo, nguKrestu ophilayo kum. Ubomi ke endibudlayo ngoku ndimanywe noNyana kaThixo, ndibudla ngokholo kulowo wandithandayo, wabuncama obakhe ubomi ngenxa yam.
  KUMAGALATI 2:20ukholoUMsindisiukuzingca
• Hlalani ngoxolo nabo bonke abantu. Yibani nyulu, kuba ngaphandle kobunyulu akukho mntu uya kuyibona iNkosi.
  KUMAHEBHERE 12:14ubungcweleuxolouxolelwaniso
• Umntu oyithobelayo ingqeqesho usekhondweni lobomi;
  ke yena ongaphulaphuliyo ulahlekene nendlela.
  IZAFOBE 10:17ukuthobelaukuphulaphula
• Ukuba bakho abantu abalumkileyo nabaqondayo phakathi kwenu, loo nto mabayibonakalise ngobomi obumsulwa, nangezenzo zentobeko nobulumko.
  EKAYAKOBI 3:13ukuthobekaubulumkoingqondo