Iivesi zeBhayibhile malunga noMthuthuzeli

Makabongwe uThixo, uyise weNkosi yethu uYesu Krestu, uBawo uSozinceba, uThixo umthombo wentuthuzelo… 2 KWABASEKORINTE 1:3-4

XHO96

Makabongwe uThixo, uyise weNkosi yethu uYesu Krestu, uBawo uSozinceba, uThixo umthombo wentuthuzelo. Yena uyasithuthuzela ezimbandezelweni zethu zonke, ukuze nathi sikwazi ukubathuthuzela abanye kwangaloo ntuthuzelo ivela kuye.
2 KWABASEKORINTE 1:3-4 ukubandezeleka unqulo ukhuthazo
Ndiyabuya; andiyi kunishiya niziinkedama.
UYOHANE 14:18 UYesu Umoya ukuthembeka
Xa ndandinxubile, ndixhalabile,
wandithuthuzela, wandonwabisa wena.
INdumiso 94:19 uvuyo ukukhathazeka
Ke uMmeli uMoya oyiNgcwele, lowo uBawo aya kumthuma egameni lam, uya kunifundisa zonke izinto, anikhumbuze ngako konke endithe ndanixelela kona.
UYOHANE 14:26 uMoya oyiNgcwele UTata ukufunda
Banoyolo abo basezintsizini, kuba baya konwatyiswa nguThixo bona!
UMATEWU 5:4 intsikelelo usizi
Kodwa ndinixelela inyaniso; kunilungele ukuba ndimke. Ukuba andithanga ndemka, akayi kuza kuni uMmeli; kodwa ukuba ndithe ndemka, ndiya kumthumela kuni.
UYOHANE 16:7 Umoya ukwamkela inyaniso
Wothi ke uBawo, ndakumcela, aninike omnye uMmeli, ukuze ahlale nani ngonaphakade.
UYOHANE 14:16 uMoya oyiNgcwele UTata ipentekoste
Xa ndandisebunzimeni ndabhenela kuNdikhoyo,
waza yena wasabela wandihlangula.
INdumiso 118:5 umthandazo ukuxhomekeka
UNdikhoyo utsho ukuthi:
“Mna ndingulowo ukuthuthuzelayo;
ngani ke ukuba woyike umntu –
into evuthuluka njengengca?”
UISAYA 51:12 uloyiko ukhuthazo
Abayi kulamba, abayi kunxanwa, abayi kugqatswa lilanga, bengayi kuva bushushu. Kaloku iXhwane elimi esazulwini sebhotwe liza kubalúsa, libaqhubele kwimithombo yamanzi aphilisayo. Wobasul' iinyembezi uThixo.
ISITYHILELO 7:16-17 ukhuthazo ukukhuselwa usizi
Njengoko ziphuphumela kuthi iimbandezelo zikaKrestu, ngokunjalo ke, kwangaye uKrestu, iphuphumela kuni nentuthuzelo yethu.
2 KWABASEKORINTE 1:5 ukubandezeleka UYesu ukhuthazo
Ndakuba ndifikile kuBawo, ndonithumela uMmeli onguMoya wenyaniso ovela kuBawo. Xa athe wafika yena, wongqina ngam.
UYOHANE 15:26 uMoya oyiNgcwele UTata UYesu
Wanga ke uThixo, osinika unyamezelo nenkuthazo, anganenza nibe moya mnye ngokwentando kaKrestu Yesu.
KWABASEROMA 15:5 uluntu ukhuthazo umonde