Iindinyana zeBhayibhile ezili-100 Ezidumileyo

«»

• Uthando lunomonde, lunobubele. Uthando alunamona, alugwagwisi, lungakhukhumali. Uthando alugezi, alufuni okukokwalo, alunachuku, alunanzondo.
  1 KWABASEKORINTE 13:4-5 uthando umonde umsindo
• Vuyani maxa onke, nithandaze njalo-njalo. Nakuyiphi na imeko bulelani. UThixo uthanda ukuba nenjenjalo njengokuba nimanywe noKrestu Yesu nje.
  1 KWABASETESALONIKA 5:16-18 uvuyo umbulelo umthandazo
• Sanukuba naxhala; kodwa iintswelo zenu ziseni kuThixo ngomthandazo, nimbongoze ninombulelo. Ke lona uxolo lukaThixo olungaphaya kokuqonda luya kuzalusa iintliziyo neengcinga zenu ningahlukani noKrestu.
  KWABASEFILIPI 4:6-7 umbulelo umthandazo ukukhathazeka
• Wanga angakuthi jize ngamathamsanqa uNdikhoyo,
  akulondoloze.
  Wanga angayindlezane kuwe uNdikhoyo,
  usixhamle isisa sakhe.
  Wanga angakwazelelela uNdikhoyo,
  akwambathise uxolo.
  EYASENTLANGO 6:24-26 ubabalo intsikelelo uxolo
• Kambe ke bona abakholosa ngoNdikhoyo
  bosuka bahlaziyeke bomelele.
  Bosuka bantinge baxel' ukhozi;
  noba sebebaleka, soze badinwe;
  ewe, baya kuhamba bangaze batyhafe.
  UISAYA 40:31 ithemba ukhuthazo amandla
• Ngoko ke ndinawe, sukoyika;
  ndinguThixo wakho, sukuphakuzela.
  Ndiza kukomeleza ndikusize,
  amandla am asindisayo akuxhase akukhusele.
  UISAYA 41:10 uloyiko amandla ukukhathazeka
• Wonke umsebenzi wenzeni ngothando.
  1 KWABASEKORINTE 16:14 uthando umsebenzi
• Le miyalelo ndikunika yona namhlanje mayilawule bonke ubomi bakho. Uze uyibethelele ekufundiseni abantwana bakho, uthethe ngayo xa usekhaya, kanti noba useluhambeni, naxa ulalayo, ngokunjalo naxa uvukayo.
  UHLAZIYO-MNQOPHISO 6:6-7 umthetho usapho abantwana
• “Kaloku zisekuhleni kum izicwangciso zam ngani zokuba ndininike intlala-kahle ingabi bububi, ndinidalele ikamva nethemba.” Lowo ngumlomo kaNdikhoyo.
  UJEREMIYA 29:11 ukucwangcisa intsikelelo ithemba
• Hayi ithamsanqa lomntu othembela ngoNdikhoyo,
  lowo ukholosa ngaye!
  Unjengomthi otyalwe ngasemfuleni,
  ongcambu zinabela emanzini.
  Awoyiki naxa ilanga lishushu;
  amagqabi awo ahlala eluhlaza.
  Ngexesha lembalela awunaxhala;
  uhlala uvelisa iziqhamo.
  UJEREMIYA 17:7-8 thembela intsikelelo ukuba nesiqhamo
• Ngenxa yoko ndithi kuni, zonke izinto enizicela nithandaza, kholwani ukuba senizinikiwe; nozifumana ke.
  UMARKO 11:24 ukholo umthandazo ukwamkela
• Kunikele kuNdikhoyo konke okwenzayo,
  yaye ke yena uya kuziphumelelisa izicwangciso zakho.
  IZAFOBE 16:3 thembela ukucwangcisa intsikelelo
• Ndiyambongoza ukuba ngobubele bakhe uSosidima anomeleze imo yenu entsha ngoMoya wakhe, khon' ukuze ngokholo uKrestu ahlale ngaphakathi kuni. Nanga ningasekelwa eluthandweni nendele.
  KWABASE-EFESE 3:16-17 ukholo uthando Umoya
• Ububele bakho mandibuve kwakusasa;
  kaloku mna ndikholosa ngawe.
  Ndifundise indlela endifaneleyo;
  kaloku mna ndizibika kuwe.
  INdumiso 143:8 thembela uthando ukucwangcisa
• Nayiphi na into eniyenzayo yenzeni ngomxhelo ngokungathi niyenzela iNkosi, aniyenzeli bantu. Ze nikhumbule ukuba iNkosi iya kunivuza ngelifa eligcinele abantu bayo. Kaloku uKrestu yeyona Nkosi nikhonza yona.
  KWABASEKOLOSE 3:23-24 ibuyiselo ubomi ukwamkela
• Wanga ke uThixo, umthombo wethemba, angáthi ngokukholwa kwenu anivuyise kakhulu, aniphe uxolo, ukuze ithemba lenu liye lisanda ngokwanda ngamandla oMoya oyiNgcwele.
  KWABASEROMA 15:13 ukholo Umoya ithemba
• NguNdikhoyo ngokwakhe oza kunikhokela, ahambe nani. Soze arhoxe, engasoze anilahle; ngoko ke yomelelani ningoyiki.
  UHLAZIYO-MNQOPHISO 31:8 ukulandela uloyiko ukhuthazo
• NguNdikhoyo ixhadi lakho lakubhek' umoya;
  ewe, uya kukwalusa ungachukunyiswa nto.
  Ngenene, uNdikhoyo uya kukwalusa,
  xa uhambayo naxa ubuyayo,
  kuqalela ngoku kude kube nini-nini.
  INdumiso 121:7-8 ithemba ubomi ububi
• Kuba siphila ngokukholwa, kungekuko ngezinto esizibonayo.
  2 KWABASEKORINTE 5:7 thembela ukholo ubomi
• Zinikele eNkosini uYesu; uya kusindiswa wena nosapho lwakho.
  UMSEBENZI WABATHUNYWA 16:31 ukholo usindiso usapho
• Ungaze wahlukane nentembeko nokunyaniseka.
  Maxa onke ezi zinto mazibe sisivatho entanyeni yakho.
  Ewe, zikrole elucwecweni lwentliziyo yakho.
  Ukuba uyayenza ke loo nto uya kuhlala wamkelekile,
  ube negama elihle kuThixo nasebantwini.
  IZAFOBE 3:3-4 uthando ibuyiselo intliziyo
• Kholosa ngoNdikhoyo ngomxhelo wakho wonke,
  ungaze ungqiyame ngezakho iimbono.
  Mkhumbule uNdikhoyo kuyo yonke ihambo yakho,
  waye ke yena eya kukukhokela kuzo zonke iindlela zakho.
  IZAFOBE 3:5-6 thembela ukuxhomekeka intliziyo
• Nihlale nithobekile ngawo onke amaxesha, ninobulali nomonde, ninyamezelana ngothando.
  KWABASE-EFESE 4:2 uthando ukuthobeka umonde
• Waza wathi kuye uYesu: “Ndim uvuko; ndim ubomi. Lowo ukholwayo kum wodla ubomi nokuba ebefile. Wonke odla ubomi ekholwa kum, soze afe naphakade. Ke wena ngaba uyakholwa koku?”
  UYOHANE 11:25-26 ukholo ukufa uvuko
• Ukuba ke uthe wanqula mna Ndikhoyo uThixo wakho, ndiya kukuthamsanqela ngokutya namanzi, ndikutshayele ukufa kungabikho phakathi kwenu.
  EYEMFUDUKO 23:25 unqulo intsikelelo ukugula