Iivesi zeBhayibhile malunga Ukuba nesiqhamo

«»

• Hayi ithamsanqa lomntu othembela ngoNdikhoyo,
  lowo ukholosa ngaye!
  Unjengomthi otyalwe ngasemfuleni,
  ongcambu zinabela emanzini.
  Awoyiki naxa ilanga lishushu;
  amagqabi awo ahlala eluhlaza.
  Ngexesha lembalela awunaxhala;
  uhlala uvelisa iziqhamo.
  UJEREMIYA 17:7-8thembelaintsikelelo
• Nazi ke zona iziqhamo zoMoya: luthando, novuyo, noxolo; umonde, ububele, ukulunga, nentembeko; ubulali, nokuzeyisa. Awukho ke umthetho ochasa izinto ezinjengezi.
  KUMAGALATI 5:22-23umthethoUmoyaintsikelelo
• Asinini enanyula mna, ndim owaninyulayo nina. Ndanimisela okokuba niqhubele phambili, nivelise iziqhamo ezihlala zikho. Ke ngoko uBawo uya kuninika konke enithi nikucele egameni lam.
  UYOHANE 15:16ukuthobelaumthandazoubizo
• Ke ngoko velisani iziqhamo ezifanele inguquko.
  UMATEWU 3:8uguquloinguqukoubomi
• Ndim umdiliya; nina ningamasebe. Ohlala emanyene nam, ndibe mna ndihleli ndimanyene naye, uya kuvelisa iziqhamo ezininzi. Kaloku aninakwenza nento le nahlukene nam.
  UYOHANE 15:5ibuyiseloUYesuukuxhomekeka
• Udumo lukaBawo luyatshatshela xa nivelisa iziqhamo ezininzi, nisenjenjalo kuba ningabafundi bam.
  UYOHANE 15:8UTataukulandelaukuvangela
• Eyahlwayelwa endaweni enokhula izekelisa lowo uzivayo iindaba ezi, aze ke amaxhala eli phakade, nokulukuhla kobutyebi, kuziminxe iindaba, kungabikho siqhamo.
  UMATEWU 13:22ILizwi likaThixoukukhathazekaimali
• Noba ungade ungadubuli umkhiwane,
  umdiliya ungabi nazo neziqhamo,
  nokuba awungevelisi nto umnquma,
  namasimi ngokwawo angabi nasivuno,
  zingade zingabikho iigusha esibayeni,
  nobuhlanti bungabi nazo nazinkomo,
  ewe, khona kungade kube njalo,
  kodwa mna ndochwayita kuNdikhoyo,
  ndibe nemihlali kuThixo ondisindisayo.
  UHABHAKUKI 3:17-18uvuyousindisounqulo
• Ukuthetha komntu kulawula ukuphila nokufa;
  ke othetha kakhulu uvuna iziqhamo zaloo nto.
  IZAFOBE 18:21ukuthethaintsikeleloukuzibamba
• Xa nisenza ngokwemimiselo yam, niyithobela imiyalelo yam, ndiya kunipha imvula ngexesha, uze umhlaba wenu uvelise isivuno, nemithi ithwale iziqhamo.
  EYONQULO 26:3-4ukuthobelaumthethointsikelelo
• Ke bona abahlwayeli boxolo abaseluxolweni bavuna ubulungisa.
  EKAYAKOBI 3:18ubulungisauxoloukuvuna
• Likwanjalo ke nelizwi endilithethayo:
  alibuyi lilambatha,
  koko liyawufezekisa umnqweno wam,
  liliqaqambise icebo lam.
  UISAYA 55:11ILizwi likaThixoukuthethaukuthembeka
• Kambe ke, xa sisephantsi kwayo, ingqeqesho ayivakali iluyolo, koko ibuhlungu; kodwa ke abo bayinyamezelayo baba nobomi obusulungekileyo obuyondeleleneyo.
  KUMAHEBHERE 12:11ubulungisauxoloabantwana
• Ningazibandakanyi nezinto zobumnyama eziphuthileyo ezenziwa ngabantu. Ndaweni yaloo nto zibhenceni ekukhanyeni ezo zinto, zibonakale icace into eziyiyo. Kungaziintloni nokuwathetha amanyundululu abawenza ngasese.
  KWABASE-EFESE 5:11-12isonoukuthethaizithixo
• Wabathamsanqelisa uThixo wathi: “Yandani, inzala yenu ilizalise ilizwe, nilongamele. Ndininika igunya phezu kweentlanzi, iintaka, nazo zonke izilo elizweni.”
  EYEZIQALO 1:28intsikeleloindaloumhlaba
• Ndininika zonke izityalo ezithwala iinkozo elizweni, kunye nemithi ethwala iziqhamo. Zoba kukutya kwenu ezo zinto.
  EYEZIQALO 1:29ukutyaubomi
• Ngokholo nkqu noSara owayengazali, naxa wayeselegugile nje, wafumana amandla, wakhawula, kuba wathemba ukuba uThixo lo uthembisileyo wosigcina isithembiso sakhe.
  KUMAHEBHERE 11:11thembelaukholoibuyiselo
• Mna ndingumdiliya wenene; umlimi wawo nguBawo. Onke amasebe akum angavelisi siqhamo uyawasusa; onke avelisa isiqhamo uyawathena, ukuze avelise isiqhamo ngakumbi.
  UYOHANE 15:1-2isonoukuthobela