Iivesi zeBhayibhile malunga nokuthetha

«»

• Ukuthetha komntu kulawula ukuphila nokufa;
  ke othetha kakhulu uvuna iziqhamo zaloo nto.
  IZAFOBE 18:21 intsikelelo ukuzibamba ukuba nesiqhamo
• Umntu olungileyo uvelisa ukulunga okuphuma entliziyweni yakhe. Ke okhohlakeleyo uvelisa inkohlakalo ephuma entliziyweni yakhe. Kaloku loo nto intliziyo iphuphuma yiyo iphuma ngomlomo.
  ULUKA 6:45 isono intsikelelo
• Intetho ekrwada mayingaphumi emilonyeni yenu. Ukuthetha kwenu makuthambe, kube kokwakhayo, ukuze kube luncedo nentsikelelo kwabaphulaphuleyo.
  KWABASE-EFESE 4:29 ukuhleba ukulunga
• Lowo uwubopha ngomkhala umlomo wakhe ukhusela ubomi bakhe;
  kanti ke yena othetha gqitha uyazenzakalisa.
  IZAFOBE 13:3 ubulumko ubomi
• Ningakhuphani zixhiba, nigwexane. Ndaweni yaloo nto thethani ngobulali. Eyona nto nibizelwe yona yeyokuba nifumane ilifa leentsikelelo.
  1 KAPETROS 3:9 intsikelelo ubizo
• Amazwi axolelanisayo angumthi wobomi;
  ke wona awenkohlakalo ayawaphula umoya.
  IZAFOBE 15:4 Umoya ukuxoka ukuhleba
• Ke, ndithi kuni, ngomhla womgwebo abantu baya kuziphendulela ngelizwi ngalinye eliphuthileyo abathe balithetha.
  UMATEWU 12:36 umgwebo
• Kanti ke nesiyatha sicingelwa ukuba sisilumko ukuba asithandi kuthetha;
  kaloku umntu othuleyo ubalelwa ukuba yingqondi.
  IZAFOBE 17:28 ubulumko ingqondo
• Ekuthetheni kakhulu isono sidla ngokubakho,
  kambe ke ozibambayo ekuthetheni unengqiqo.
  IZAFOBE 10:19 isono
• Khumbulani le nto, zihlobo zam: Wonke ubani makakhawuleze ukuva; kodwa makangakhawulezi ukuthetha, angakhawulezi nokucaphuka.
  EKAYAKOBI 1:19 ukuphulaphula umsindo ukuzibamba
• Thetha ubamele abantu abangakwaziyo ukuzithethelela;
  ncedisana nabo uwakhusele amalungelo eendwayinge.
  IZAFOBE 31:8 ubuthathaka
• Hayi ukuvuya komntu oyaziyo impendulo echanekileyo!
  Ewe, ilizwi elithethwe ngexesha elililo lihle kunene.
  IZAFOBE 15:23 uvuyo
• Impendulo ethambileyo iyawuthibaza umsindo,
  kanti ke wona amazwi akrwempayo ahlobisa igazi.
  IZAFOBE 15:1 ubulali umsindo
• Bantwana bam, uthando lwethu malungabi lolomlomo nje kuphela, koko malube lolungahanahanisiyo, lubonakaliswa ngezenzo.
  1 KAYOHANE 3:18 ukunyaniseka inyaniso
• Sonke ngabanye siyayenza impazamo amaxesha ngamaxesha. Ke yena umntu ongaphazamiyo ekuthetheni ugqibelele, uyakwazi ukuzilawula ngokupheleleyo.
  EKAYAKOBI 3:2 ngokungenatyala umzimba
• Anendili amazwi aphuma emlonyeni wesilumko,
  ukanti ke sona isityhakala sizitshabalalisa ngemilebe yaso.
  AMAVA ENGQONDI 10:12 ubulumko
• Umntu ongenasifuba uyazidiza iimfihlelo;
  kambe ke yena othembekileyo uyaligcina ihlebo.
  IZAFOBE 11:13 ukuthembeka ukuhleba ukuxoka
• Imibulelo neziqalekiso zimpompoza mlonyeni mnye. Mawethu, mayingenzeki le nto!
  EKAYAKOBI 3:10 isono unqulo intsikelelo
• Ndiswel' imilomo yokukubonga,
  ndikudumise maxa onke.
  INdumiso 71:8 unqulo dumisani
• Ukuba uwenu uthe wona, yiya uthethe naye ninodwa. Ukuba úthe wakuva, woba umzuzile uwenu.
  UMATEWU 18:15 isono ukuphulaphula uxolelwaniso
• Yilumkeleni indlela eniziphatha ngayo phambi kwabo bangakholwayo, nilisebenzise kakuhle ithuba eninalo. Incoko yenu mayisoloko imnandi, inika umdla. Fundani ukucebisana kakuhle nomntu ngamnye enidibana naye.
  KWABASEKOLOSE 4:5-6 ubulali ubulumko
• Ngenxa yoko kothi enikuthethe ebumnyameni kuviwe ekuhleni, nenikusebeze ngasese kukhwazwe phandle.
  ULUKA 12:3 isono ukuphulaphula ukukhanya
• Ukuba uthe wavuma ngomlomo ukuba uYesu yiNkosi, wakholwa nangentliziyo ukuba uThixo wamvusa kwabafileyo, wosindiswa.
  KWABASEROMA 10:9 ukholo UYesu ukuvuma izono
• Apho kungekho kucebisana izicwangciso ziyabhanga,
  kanti ke apho kukho abacebisi abaninzi ziyaphumelela.
  IZAFOBE 15:22 ukucwangcisa
• Ngokukwanjalo noMoya uyasixhasa ekusweleni kwethu amandla, kuba kaloku asiyazi eyona ndlela singathandaza ngayo. Kodwa ke kweso singqala sethu sikhohliwe uMoya ngokwakhe uyasithethelela.
  KWABASEROMA 8:26 Umoya umthandazo ubuthathaka