Ukuthetha (2/3)

Ngoko ke, xa nithandazayo, ze ningenzi milembelele ingento, njengabangakholwayo, bona baba boviwa… UMATEWU 6:7

XHO96

IBHAYIBHILE

Ngoko ke, xa nithandazayo, ze ningenzi milembelele ingento, njengabangakholwayo, bona baba boviwa ngenxa yamazwi abo amaninzi.
UMATEWU 6:7 umthandazo iingcamango
Amazwi amyoli nqwa nobusi;
ayanandipheka emphefumlweni, ephilisa emathanjeni.
IZAFOBE 16:24 ubulali umphefumlo ukutya
Bulelani uNdikhoyo, ninqule igama lakhe,
nizibalisel' iintlanga ngezintw' asenzele zona.
INdumiso 105:1 ukuvangela unqulo dumisani
Likwanjalo ke nelizwi endilithethayo:
alibuyi lilambatha,
koko liyawufezekisa umnqweno wam,
liliqaqambise icebo lam.
UISAYA 55:11 ILizwi likaThixo ukuthembeka ukuba nesiqhamo
Ngamana angamkeleka kuwe, Ndikhoyo,
amazwi am neengcamango zentliziyo yam,
wena mkhuseli wam nomkhululi wam.
INdumiso 19:14 umthandazo intliziyo
Umntu osisiyatha akanamdla wakuqonda nto –
nto angxamele ukuyenza kukuvakalisa ezakhe iimbono.
IZAFOBE 18:2 ubulumko ukuzingca
Ndathi: “Mhlekazi, ndihlangule
kumaxoki nakubakhohlisi.”
INdumiso 120:2 umhlawuleli umphefumlo ukuxoka
Umlomo womntu ongakhathalele Thixo wenzakalisa ummelwane wakhe;
ke bona abathobela uThixo balondolozwa lulwazi.
IZAFOBE 11:9 ubulungisa ubulumko ukuhleba
Ukuthetha komntu osisiyatha kuzala ingxwaba-ngxwaba;
amazwi akhe ambizela ukubethwa.
IZAFOBE 18:6 ubulumko
Amaxhala ayamtyhafisa umntu;
ke wona amazwi enkuthazo ayahlaziya.
IZAFOBE 12:25 ukukhathazeka intliziyo
Ekubulalekeni kukusebenza kukho umvuzo;
ke yena olibala kukuncokola wambathwa bubuhlwempu kuphela.
IZAFOBE 14:23 ukuthembeka ukhuthazo ubuhlwempu
Ewe kambe, ndingade ndibe liciko lokuthetha iilwimi zabantu, ndide ndithethe nezezithunywa zezulu – kodwa ndingenalo uthando, intetho yam isuka ibe yingxolo nje, efana neyentsimbi ehlokomayo, necangci elikhenkcezayo.
1 KWABASEKORINTE 13:1 uthando iingelosi
Ewe, umntu angázicingela ukuba ulikholwa; kodwa uyazikhohlisa ukuba akakwazi ukulawula ulwimi lwakhe. Ingamampunge nje into yokuba ulikholwa.
EKAYAKOBI 1:26
Makazilumle ekuthetheni kakubi,
ayeke ukuthetha ubuxoki.
INdumiso 34:13 ububi inyaniso ukuxoka
Nantoni na ke eniyenzayo, nokuba niyathetha, nokuba niyenza, yenzeleni egameni leNkosi uYesu, nibulela uThixo uYise ngayo.
KWABASEKOLOSE 3:17 umbulelo ukulandela umsebenzi
Ningazibandakanyi nezinto zobumnyama eziphuthileyo ezenziwa ngabantu. Ndaweni yaloo nto zibhenceni ekukhanyeni ezo zinto, zibonakale icace into eziyiyo. Kungaziintloni nokuwathetha amanyundululu abawenza ngasese.
KWABASE-EFESE 5:11-12 isono izithixo ukuba nesiqhamo
Ndithi ndakungasivumi isono sam,
amandla atsho andiphelele,
ngenxa yesingqala endiba naso imini yonke.
INdumiso 32:3 isono ukuvuma izono ukugula
Umntu onengqondo uthetha amazwi afanelekileyo;
kambe ke sona isikhohlakali sithetha amazwi akrwempayo.
IZAFOBE 10:32 inyaniso ubulungisa ukuxoka
Uewe wenu makabe nguewe, nohayi abe nguhayi. Okugqithe koko kuvela kongendawo.
UMATEWU 5:37 ukuthembeka ububi
Xa banibambayo banise ezinkundleni, musani ukuyixhalela into eniya kuyithetha, kodwa thethani oko nithe nakunikwa ngelo xesha, kuba asinini abathethayo, nguMoya oyiNgcwele.
UMARKO 13:11 Umoya ukukhathazeka uMoya oyiNgcwele
Umntu onesidima uyasicezela isiphithi-phithi;
kanti ke sona isiyatha siyathanda ukuphemba uqhushululu.
IZAFOBE 20:3 uxolo umsindo
Kaloku wena wazi ndingekathethi;
ewe, Ndikhoyo, wazi nento endiza kuyithetha.
INdumiso 139:4 usomandla ukuqonda
Mabungabikho ubuxoki emlonyeni wakho,
nentetho ekhohlisayo ibe kude lee emilebeni yakho.
IZAFOBE 4:24 inyaniso ukuxoka
Kaloku umntu ukholwa ngentliziyo, aze abe lilungisa phambi koThixo; uvuma ngomlomo, aze asindiswe.
KWABASEROMA 10:10 ukholo usindiso ukuvuma
Bamele ubabonelele ngokwasemthethweni;
ncedisana nabo abahlelelekileyo nabasweleyo.
IZAFOBE 31:9 ubulungisa ukupha abahlolokazi