Iivesi zeBhayibhile malunga nokuhleba

«»

• Umntu onobugwenxa udala ingxabano;
  umntu ohlebayo wahlukanisa izihlobo.
  IZAFOBE 16:28 ukunyaniseka ubuhlobo ukuxoka
• Ngulowo uhambo ingenabala,
  owenza ubulungisa,
  ayithethe inyaniso engafihlisi.
  Ngulowo unganyelisiyo,
  ungamenziyo into embi uwabo,
  ungamhlebiyo ummelwana wakhe.
  INdumiso 15:2-3 inyaniso ngokungenatyala ukuxoka
• Umntu ongenasifuba uyazidiza iimfihlelo;
  kambe ke yena othembekileyo uyaligcina ihlebo.
  IZAFOBE 11:13 ukuthembeka ukuthetha ukuxoka
• Intetho ekrwada mayingaphumi emilonyeni yenu. Ukuthetha kwenu makuthambe, kube kokwakhayo, ukuze kube luncedo nentsikelelo kwabaphulaphuleyo.
  KWABASE-EFESE 4:29 ukuthetha ukulunga
• Umlomo womntu ongakhathalele Thixo wenzakalisa ummelwane wakhe;
  ke bona abathobela uThixo balondolozwa lulwazi.
  IZAFOBE 11:9 ubulungisa ukuthetha ubulumko
• Umntu oyifihlayo intiyo lixoki;
  ke yena osasaza iindaba zolwimi sisiyatha.
  IZAFOBE 10:18 ukuthetha ukuxoka
• Ninoyolo nina xa bathe abantu baningcikiva ngenxa yam, benitshutshisa, bethetha zonke izinto ezikhohlakeleyo ngani bexoka.
  UMATEWU 5:11 intsikelelo intshutshiso ububi
• Anazi na ukuba abakhohlakeleyo abayi kubuxhamla ubuncwane bokulawulwa nguThixo? Musani ukulahlekiswa: abarheletyi, nabakhonza izithixo, nabakrexezayo, nabafebayo, nabangamadoda alalanayo, nabangamasela, nababawayo, nabangamanxila, nabathukayo, nabazizikrelemnqa, abanakubuxhamla ubuncwane bokulawulwa nguThixo.
  1 KWABASEKORINTE 6:9-10 isono usindiso ubukumkani
• Makazilumle ekuthetheni kakubi,
  ayeke ukuthetha ubuxoki.
  INdumiso 34:13 ukuthetha ububi inyaniso
• Amazwi axolelanisayo angumthi wobomi;
  ke wona awenkohlakalo ayawaphula umoya.
  IZAFOBE 15:4 ukuthetha Umoya ukuxoka
• Amazwi entlebendwane ayanambitheka;
  ahla kamnandi athi ngcoo embilinini.
  IZAFOBE 18:8 ukuthetha