Andinin-teny ao amin'ny Baiboly momba ny fitabatabana

«»

• Ny mpivadibadika mamafy ady;
  Ary ny mpibitsibitsika mampisaraka ny tena mpisakaiza.
  Ohabolana 16:28 fanaovana ny marina namana lainga
• Izay mandeha tsy misy tsiny ary manao izay mahitsy,
  sady misaintsaina ny marina ny fony;
  Tsy manendrikendrika amin'ny lelany,
  sady tsy manisy ratsy ny sakaizany,
  ary tsy manao izay hahafa-baraka ny namany.
  Salamo 15:2-3 fahamarinana lafatra lainga
• Izay mandehandeha manaratsy dia manambara ny hevitra afenina;
  Fa ny olona mahatoky tsy mba tia lazalaza.
  Ohabolana 11:13 fitokisana lahateny lainga
• Aoka tsy haloaky ny vavanareo izay teny maloto, fa izay tsara ho fampandrosoana, araka izay tokony hanaovana, mba hahazoan'ny mihaino fahasoavana.
  Efesiana 4:29 lahateny hatsaram-panàhy
• Ny vavan'ny mpihatsaravelatsihy no animbany ny namany;
  Fa ny fahalalana no hanafahana ny marina.
  Ohabolana 11:9 rariny lahateny fahendresena
• Izay mitahiry lolompo dia manana molotra mandainga,
  Ary izay mampiely endrikendrika dia adala.
  Ohabolana 10:18 lahateny lainga
• Sambatra ianareo, raha haratsin'ny olona sy enjehiny ary asiany izay teny ratsy rehetra hitenenany lainga anareo noho ny amiko.
  Matio 5:11 fitahiana fanenjehana faharatsiana
• Moa tsy fantatrareo va fa ny olona tsy marina tsy mba handova ny fanjakan'Andriamanitra? Aza mety hofitahina ianareo: fa ny mpijangajanga sy ny mpanompo sampy sy ny mpaka vadin'olona sy ny sodomita sy ny mpangalatra sy ny mpierina sy ny mpimamo sy ny mpanaratsy ary ny mpanao an-keriny dia tsy mba handova ny fanjakan'Andriamanitra.
  1 Korintiana 6:9-10 fahotana famonjena fanjakana
• Dia arovy ny lelanao amin'ny ratsy
  ary ny molotrao mba tsy hiteny fitaka.
  Salamo 34:13 lahateny faharatsiana fahamarinana
• Ny teny malemy dia hazon'aina;
  Fa ny vava ratsy mandratra ny fanahy.
  Ohabolana 15:4 lahateny Fanahy lainga
• Ny tenin'ny mpifosafosa dia toy ny hanim-py
  Ka mikorotsaka ao anaty kibo indrindra.
  Ohabolana 18:8 lahateny