Andinin-teny ao amin'ny Baiboly momba ny Fanahy

«»

• Ary ny Tompo izany Fanahy izany; ary izay itoeran'ny Fanahin'ny Tompo no itoeran'ny fahafahana.
  2 Korintiana 3:17 fahafahana Fanahy Masina
• Ary Andriamanitry ny fanantenana anie hameno anareo amin'ny fifaliana sy ny fiadanana rehetra amin'ny finoanareo, mba hitomboanareo amin'ny fanantenana noho ny herin'ny Fanahy Masina.
  Romana 15:13 finoana fanantenana Fanahy Masina
• Ahoana ary? Moa tsy fantatrareo fa ny tenanareo dia tempolin'ny Fanahy Masina, Izay ao anatinareo sady efa azonareo tamin'Andriamanitra? ka tsy tompon'ny tenanareo ianareo. Fa olom-boavidy ianareo, koa dia mankalazà an'Andriamanitra amin'ny tenanareo.
  1 Korintiana 6:19-20 fiankohofana fiainana fahasalamana
• Mba homeny anareo, araka ny haren'ny voninahiny, ny mba hohatanjahina fatratra amin'ny Fanahiny ny toe-panahinareo; mba hitoeran'i Kristy ao am-ponareo amin'ny finoana, ka hamaka sy hiorina mafy amin'ny fitiavana ianareo.
  Efesiana 3:16-17 finoana fitiavana
• Fa ny vokatry ny Fanahy kosa dia fitiavana, fifaliana, fiadanana, fahari-po fahamoram-panahy, fanaovan-tsoa, fahamarinana, fahalemem-panahy, fahononam-po; tsy misy lalàna manohitra izany.
  Galatiana 5:22-23 lalàna fitahiana fahamoram-panahy
• Ary nisy lela maro mitarehin'afo niseho taminy, izay nizarazara; ary nipetraka tamin'izy rehetra isan-olona izany. Ary samy feno ny Fanahy Masina izy rehetra, ka dia niteny tamin'ny fiteny maro samy hafa, araka ny nampitenenan'ny Fanahy Masina azy.
  Asan'ny Apostoly 2:3-4 lahateny pentekosta Fanahy Masina
• Tsy fantatrareo va fa tempolin'Andriamanitra ianareo, ary ny Fanahin'Andriamanitra mitoetra no anatinareo?
  1 Korintiana 3:16 fahamasinana Fanahy Masina fiangonana
• Ary ny Fanahiko no hataoko ao anatinareo, ka hahatonga anareo handeha araka ny lalàko sy hitandrina ny fitsipiko ka hanaraka azy.
  Ezekiela 36:27 lalàna fanarahana Fanahy Masina
• Koa raha ianareo, na dia ratsy aza, mahalala hanome zava-tsoa ho an'ny zanakareo, tsy mainka va ny Ray, Izay any an-danitra, no hanome ny Fanahy Masina ho an'izay mangataka aminy?
  Lioka 11:13 fivavahana ankohonana fahalalahan-tanana
• Ampianaro hanao ny sitraponao aho;
  Fa Hianao no Andriamanitro;
  Aoka ny Fanahinao tsara
  no hitarihanao ahy amin'izay tany marina.
  Salamo 143:10 mianatra fankatoavana Fanahy Masina
• Ary ny fanantenana dia tsy mampahamenatra, satria ny Fanahy Masina, Izay nomena antsika, no nentiny nampidina ny fitiavan'Andriamanitra ho ao am-pontsika.
  Romana 5:5 fanantenana fo fitiavana
• Izao no ahafantarantsika fa mitoetra ao aminy isika, ary Izy ato amintsika, dia ny nanomezany antsika ny Fanahiny.
  1 Jaona 4:13 Andriamanitra manodidina
• Raha velon'ny Fanahy isika, dia aoka handeha araka ny Fanahy.
  Galatiana 5:25 fiainana fanarahana
• Ny Fanahin'i Jehovah Tompo no ato amiko,
  satria Jehovah efa nanosotra Ahy
  hitory teny soa mahafaly amin'ny mpandefitra,
  efa naniraka Ahy hahasitrana ny torotoro fo Izy,
  ary hitory fanafahana amin'ny babo
  sy hamoaka ny ao an-trano-maizina ho amin'ny mazava.
  Isaia 61:1 fanantenana mpanafaka fahafahana
• Andriamanitra dia Fanahy; ary izay mivavaka aminy tsy maintsy mivavaka amin'ny fanahy sy ny fahamarinana.
  Jaona 4:24 fahamarinana fiankohofana
• Fa hahazo hery ianareo amin'ny hilatsahan'ny Fanahy Masina aminareo, ary ho vavolombeloko any Jerosalema sy eran'i Jodia sy Samaria ary hatramin'ny faran'ny tany.
  Asan'ny Apostoly 1:8 fitoriana ny filazantsara tanjaka pentekosta
• Izao no tenin'i Jehovah amin'i Zerobabela: Tsy amin-kery na amim-pahatanjahana, fa amin'ny Fanahiko, hoy Jehovah, Tompon'ny maro.
  Zakaria 4:6 Andriamanitra tanjaka Fanahy Masina
• Fa tsy nomen'Andriamanitra fanahy osa isika, fa fanahy mahery sy fitiavana ary fahononan-tena.
  2 Timoty 1:7 fitiavana fifehezan-tena tanjaka
• Ary toy izany koa, ny Fanahy no mamonjy ny fahalementsika: fa tsy fantatsika izay vavaka tokony hataontsika; fa ny Fanahy no mifona amin'ny fitarainana tsy azo tononina.
  Romana 8:26 lahateny fivavahana fahalemena
• Fa izay tarihin'ny Fanahin'Andriamanitra no zanak'Andriamanitra.
  Romana 8:14 fankatoavana zaza
• Fa iza no olona mahalala ny ao am-pon'olona, afa-tsy ny fanahin'ny olona izay ao anatiny ihany? Ary toy izany koa, tsy misy mahalala ny ao am-pon'Andriamanitra afa-tsy ny Fanahin'Andriamanitra ihany.
  1 Korintiana 2:11 Fanahy Masina eritreritra mahatakatra
• Aiza no hialako amin'ny Fanahinao?
  Aiza no handosirako tsy ho eo anatrehanao?
  Na dia miakatra any an-danitra aza aho dia any Hianao;
  Ary na dia manao ny fiainan-tsi-hita ho fandriako aza aho, indro, any Hianao.
  Salamo 139:7-8 lanitra fahafatesana afo-be
• Ary izahay dia vavolombelon'izany zavatra izany, ary ny Fanahy Masina koa, Izay efa nomen'Andriamanitra ny manaiky Azy.
  Asan'ny Apostoly 5:32 fankatoavana fahazoana Fanahy Masina
• Ry malala, aza mino ny fanahy rehetra, fa izahao toetra ny fanahy, na avy amin'Andriamanitra ireny, na tsia, satria maro ny mpaminany sandoka efa lasa any amin'izao tontolo izao.
  1 Jaona 4:1 fahatokisana faminaniana
• Ary hoy Petera taminy: Mibebaha, ary aoka samy hatao batisa amin'ny anaran'i Jesosy Kristy ianareo rehetra mba hahazo famelana ny helokareo; ary ianareo handray ny fanomezana, dia ny Fanahy Masina.
  Asan'ny Apostoly 2:38 famelàn-keloka batisa fiovam-po