Andinin-teny ao amin'ny Baiboly momba an'Andriamanitra

«»

• Jehovah Andriamanitrao no ao aminao,
  Mahery Izy ka hamonjy;
  Hiravoravo anao amin'ny fifaliana Izy;
  Ho sondriana amin'ny fitiavany Izy;
  Hifaly anao amin'ny fihobiana Izy.
  Zefania 3:17 fifaliana mpanafaka mihira
• Tsy efa nandidy anao va Aho? Koa mahereza sy matanjaha; aza matahotra na mivadi-po, fa momba anao Jehovah Andriamanitrao amin'izay rehetra alehanao.
  Josoa 1:9 tahotra fankaherezana herim-po
• Fa Izaho Jehovah Andriamanitrao
  no mitantana ny tananao ankavanana,
  dia ilay manao aminao hoe:
  Aza matahotra, Izaho no hamonjy anao.
  Isaia 41:13 tahotra fiankinan-doha
• Kanefa any ianao no hitady an'i Jehovah Andriamanitrao ka hahita Azy, raha mitady Azy amin'ny fonao rehetra sy ny fanahinao rehetra.
  Deotoronomia 4:29 valisoa aina
• Iza no ahy any an-danitra?
  ary tsy misy etỳ ambonin'ny tany iriko tahaka Anao.
  Salamo 73:25 fahatokisana lanitra fiankohofana
• Amin'ny andro atahorako no itokiako Anao.
  Salamo 56:3 fahatokisana tahotra
• Jehovah ô, Andriamanitro Hianao; Hanandratra Anao sy hidera ny anaranao aho, fa efa nanao zava-mahagaga Hianao, dia zavatra efa voakasa hatramin'ny ela sady mahatoky no marina indrindra.
  Isaia 25:1 fitokisana fiankohofana fiderana
• Fa harambatoko sy batery fiarovana ho ahy Hianao;
  ary noho ny anaranao no hitondrànao sy hitarihanao ahy.
  Salamo 31:3 fiankohofana fiainana
• Mahay ny zavatra rehetra aho ao amin'ilay mampahery ahy.
  Filipiana 4:13 tanjaka fiarovana fahalemena
• Koa amin'izany dia lehibe Hianao, Jehovah Andriamanitra; fa tsy misy tahaka Anao, ka tsy misy Andriamanitra afa-tsy Hianao araka izay rehetra ren'ny sofinay.
  2 Samoela 7:22 fiankohofana
• Fa ny trano rehetra dia samy nisy mpanao azy; fa Izay nanao ny zavatra rehetra kosa dia Andriamanitra.
  Hebreo 3:4 famoroana izao tontolo izao
• Isika tia, satria Izy efa dia antsika taloha.
  1 Jaona 4:19 fitiavana
• Andramo ka izahao fa tsara Jehovah;
  sambatra izay olona mialoka aminy.
  Salamo 34:8 fitahiana fitsaharana
• Ary isika efa mahalala sy mino ny fitiavan'Andriamanitra antsika. Andriamanitra dia fitiavana; ary izay mitoetra amin'ny fitiavana no mitoetra ao amin'Andriamanitra, ary Andriamanitra ao aminy.
  1 Jaona 4:16 fahatokisana fitiavana
• Mitsangàna, mihazavà, fa tonga ny fahazavanao,
  ary ny voninahitr'i Jehovah efa miposaka aminao.
  Isaia 60:1 sarobidy hatsàra fahazavana
• Aza mety hofitahina ianareo; Andriamanitra tsy azo vazivazina, fa izay afafin'ny olona no hojinjany.
  Galatiana 6:7 rariny fijinjana
• Maina ny ahitra, malazo ny voniny;
  Fa ny tenin'Andriamanitsika dia haharitra mandrakizay.
  Isaia 40:8 fitokisana Tenin'Andriamanitra hatsàra
• Fa izay mahita ahy dia mahita fiainana
  Sady mahazo sitraka amin'i Jehovah.
  Ohabolana 8:35 fiainana mandrakizay fahendresena
• Tsy mbola nisy olona nahita an'Andriamanitra na oviana na oviana. Raha mifankatia isika, dia mitoetra ato amintsika Andriamanitra, ary tanteraka ato amintsika ny fitiavany.
  1 Jaona 4:12 fitiavana manaraka
• Fa ny fihevitro tsy fihevitrareo
  ary ny lalanareo kosa tsy mba lalako, hoy Jehovah.
  Isaia 55:8 fandrindrana fahendresena eritreritra
• Tsy misy masina tahaka an'i Jehovah,
  fa tsy misy afa-tsy Hianao;
  ary tsy misy vatolampy tahaka an'Andriamanitsika.
  1 Samoela 2:2 fahamasinana fiankohofana
• Hoy izaho ny amin'i Jehovah: Tompoko Hianao;
  tsy misy soa ananako azo oharina aminao.
  Salamo 16:2 fiankohofana
• Raha misy manao hoe: Tia an'Andriamanitra aho, nefa mankahala ny rahalahiny, dia mpandainga izy; fa izay tsy tia ny rahalahiny izay hitany, hataony ahoana no fitia an'Andriamanitra Izay tsy hitany?
  1 Jaona 4:20 fitiavana ankohonana
• Manetre tena eo anatrehan'ny Tompo, dia hanandratra anareo Izy.
  Jakoba 4:10 fanetren-tena valisoa
• Indro, Izaho no Jehovah, Andriamanitry ny nofo rehetra; moa misy zava-mahagaga izay tsy haiko va?
  Jeremia 32:27 fahagagana andriamanitra lehibe