Andinin-teny ao amin'ny Baiboly momba ny hatsàra

«»

• Tsara avokoa izato bikanao izato, ry tompokovavy havako;
  Tsy misy kilema ianao.
  Tonon-kiran'i Solomona 4:7fandraisanafanambadiana
• Ary aoka ny firavahanareo tsy ho zavatra eny ivelany, toy ny firandranam-bolo sy ny firava-bolamena na ny fiakanjoana; fa aoka ho toetra miafina ao am-po, izay tsy mety ho lò, dia ny fanahy malemy sady miadana, izay soa indrindra eo imason'Andriamanitra.
  1 Petera 3:3-4fanetren-tenafofitafiana
• Fitaka ny fahatsaram-bika, ary zava-poana ny fahatsaran-tarehy;
  Fa ny vehivavy matahotra an'i Jehovah ihany no hoderaina.
  Ohabolana 31:30fanajana
• Mitsangàna, mihazavà, fa tonga ny fahazavanao,
  ary ny voninahitr'i Jehovah efa miposaka aminao.
  Isaia 60:1sarobidyAndriamanitrafahazavana
• Fa Hianao no nahary ny voako;
  Namolavola ahy tao an-kibon-dreniko Hianao.
  Hidera Anao aho; fa mahatahotra sy mahatalanjona ny nanaovana ahy;
  Mahagaga ny asanao;
  Ary fantatry ny fanahiko marimarina izany.
  Salamo 139:13-14famoroana izao tontolo izaofahagaganaaina
• Fa hoy Jehovah tamin'i Samoela: Aza mijery ny tarehiny na ny hahavon'ny tsanganany, fa efa nolaviko izy; fa tsy mba toy ny fijerin'ny olona no fijerin'i Jehovah; fa ny olona mijery ny miseho eo ivelany, fa Jehovah kosa mijery ny fo.
  1 Samoela 16:7fofiavonavonana
• Ary tsy ketraka izahay; fa na dia mihalevona aza ny toetray ivelany, dia havaozina isan'andro isan'andro kosa ny toetray anatiny.
  2 Korintiana 4:16fankaherezanafahazoanavatana
• Ary toy izany koa ny vehivavy, hiravaka amin'ny fitafiana mahamendrika mbamin'ny fahamaotinana sy ny fahononan-tena, fa tsy amin'ny volo mirandrana sy ny volamena, na vato soa, na fitafiana saro-bidy, fa amin'ny asa tsara, araka izay mahamendrika ny vehivavy manaiky ny fivavahana amin'Andriamanitra.
  1 Timoty 2:9-10fiankohofanafitiavan-karenahatsaram-panàhy
• Maina ny ahitra, malazo ny voniny;
  Fa ny tenin'Andriamanitsika dia haharitra mandrakizay.
  Isaia 40:8fitokisanaAndriamanitraTenin'Andriamanitra
• Fa asany isika, voaforona tao amin'i Kristy Jesosy mba hanao asa tsara, izay namboarin'Andriamanitra rahateo mba handehanantsika eo aminy.
  Efesiana 2:10famoroana izao tontolo izaoJesosyfanarahana
• Ary noho izany dia lazaiko aminareo hoe: Aza manahy ny amin'ny ainareo, dia izay hohaninareo na izay hosotroinareo, na ny amin'ny tenanareo, dia izay hotafinareo. Moa ny aina tsy mihoatra noho ny hanina va, ary ny tena noho ny fitafiana?
  Matio 6:25haninafiainanaahiahy
• Ary Andriamanitra nahary ny olona tahaka ny endriny;
  tahaka ny endrik'Andriamanitra no namoronany azy;
  lahy sy vavy no namoronany azy.
  Genesisy 1:27famoroana izao tontolo izaoAndriamanitra