Andinin-teny ao amin'ny Baiboly momba ny Jesosy

«»

• Fa Jesosy nijery azy ka nanao hoe: Raha amin'ny olona, dia zavatra tsy hainy izany; fa tsy mba tahaka izany amin'Andriamanitra; fa ny zavatra rehetra dia hain'Andriamanitra.
  Marka 10:27fahagaganafamonjena
• Mijery an'i Jesosy, Tompon'ny finoantsika sy Mpanefa azy, Izay naharitra ny hazo fijaliana, fa tsy nitandro henatra, mba hahazoany ny fifaliana napetraka teo anoloany, ka dia efa mipetraka eo amin'ny ankavanan'ny seza fiandrianan'Andriamanitra Izy.
  Hebreo 12:2finoanaMpamonjyfanomboana
• Hoy Jesosy taminy: Tsy voalazako va fa raha hino ianao, dia ho hitanao ny voninahitr'Andriamanitra?
  Jaona 11:40finoana
• Na iza na iza manaiky fa Zanak'Andriamanitra Jesosy, dia mitoetra ao aminy Andriamanitra, ary izy kosa ao amin'Andriamanitra.
  1 Jaona 4:15fiainanamanaiky
• Aoka ho ao aminareo izao saina izao, izay tao amin'i Kristy Jesosy koa.
  Filipiana 2:5fahamasinana
• Ary Izaho manome azy fiainana mandrakizay, ka tsy ho very izy mandrakizay, ary tsy hisy handrombaka azy amin'ny tanako. Ny Raiko Izay nanome Ahy dia lehibe noho izy rehetra; ary tsy misy mahay mandrombaka amin'ny tanan'ny Ray. Izaho sy ny Ray dia iray ihany.
  Jaona 10:28-30fiainana mandrakizayRay
• Nefa Izy dia voalefona noho ny fahadisoantsika
  sy notorotoroina noho ny helotsika,
  ny fampijaliana nahazoantsika fihavanana no namelezana Azy;
  ary ny dian-kapoka taminy no nahasitranana antsika.
  Isaia 53:5fahotanafahasitranana
• Ary tsy misy famonjena amin'ny hafa; fa tsy misy anarana hafa ambanin'ny lanitra nomena ny olona izay hahazoantsika famonjena.
  Asan'ny Apostoly 4:12famonjena
• Izao no nanehoana ny fitiavan'Andriamanitra antsika: Andriamanitra naniraka ny Zanani-lahy Tokana tamin'izao tontolo izao, mba hahavelona antsika amin'ny alalany.
  1 Jaona 4:9fitiavanafiainanaizao tontolo izao
• Fa na aiza na aiza no iangonan'ny roa na telo amin'ny anarako, dia ao afovoany Aho.
  Matio 18:20fiaraha-moninafivavahanafiangonana
• Fa hoy Jesosy: Izay zavatra tsy hain'ny olona dia hain'Andriamanitra.
  Lioka 18:27fahagaganafamonjena
• Fa isaorana anie Andriamanitra, Izay manome antsika ny fandresena amin'ny alalan'i Jesosy Kristy Tompontsika.
  1 Korintiana 15:57fankasitrahanafandresena
• Satria raha manaiky an'i Jesosy ho Tompo amin'ny vavanao ianao ary mino amin'ny fonao fa Andriamanitra efa nanangana Azy tamin'ny maty, dia hovonjena ianao.
  Romana 10:9finoanalahatenyfibabohana
• Izao no didiko, dia ny mba hifankatiavanareo tahaka ny nitiavako anareo.
  Jaona 15:12lalànafitiavana
• Ary izay tsy mitondra ny hazo fijaliany ka tsy manaraka Ahy dia tsy miendrika ho Ahy.
  Matio 10:38fijalianafanarahanafanomboana
• Fa Andriamanitro hahatanteraka izay rehetra tokony ho anareo araka ny hareny amin'ny voninahitra no amin'i Kristy Jesosy.
  Filipiana 4:19fahatokisanafitahiana
• Ho amin'ny fanahinareo anie ny fahasoavan'i Jesosy Kristy Tompontsika. Amena.
  Filemona 1:25fahasoavanafitahiana
• Fa iray no Andriamanitra, ary iray no Mpanalalana amin'Andriamanitra sy ny olona, dia Kristy Jesosy, Izay olona.
  1 Timoty 2:5Andriamanitrampanelanelana
• Ary mandehana amin'ny fitiavana, toy ny nitiavan'i Kristy anareo, dia ny nanolorany ny tenany ho fanatitra sy ho fanavotana amin'Andriamanitra, ho hanitra ankasitrahana, hamonjy antsika.
  Efesiana 5:2fitiavanasorona
• Ary Jesosy niteny tamin'ny olona indray ka nanao hoe: Izaho no fahazavan'izao tontolo izao; izay manaraka Ahy tsy mba handeha amin'ny maizina, fa hanana ny fahazavan'aina.
  Jaona 8:12fiainanafanarahanaizao tontolo izao
• Fa manamasìna an i'Kristy ho Tompo ao am-ponareo; ary aoka ho vonona mandrakariva ianareo hamaly izay manontany anareo ny amin'ny anton'ny fanantenana ao anatinareo, nefa amin'ny fahalemem-panahy sy ny fanajana.
  1 Petera 3:15fitoriana ny filazantsarafanantenana
• Ho amin'ny olona masina anie ny fahasoavan'i Jesosy Tompo. Amena.
  Apokalypsy 22:21fahasoavanafitahiana
• Jesosy Kristy no tsy miova omaly sy anio ary mandrakizay.
  Hebreo 13:8fitokisana
• Fa asany isika, voaforona tao amin'i Kristy Jesosy mba hanao asa tsara, izay namboarin'Andriamanitra rahateo mba handehanantsika eo aminy.
  Efesiana 2:10famoroana izao tontolo izaofanarahanahatsàra
• Nitondra ny aretintsika tokoa Izy
  sady nivesatra ny fahoriantsika;
  kanjo isika kosa nanao azy ho nokapohina
  sy nasian'Andriamanitra ary nampahorina.
  Isaia 53:4fijalianaaretinafanomboana