Andinin-teny ao amin'ny Baiboly momba ny famoroana izao tontolo izao

«»

• Tamin'ny voalohany Andriamanitra nahary ny lanitra sy ny tany. Ary ny tany dia tsy nisy endrika sady foana; ary aizina no tambonin'ny lalina. Ary ny fanahin'Andriamanitra nanomba tambonin'ny rano.
  Genesisy 1:1-2FanahylanitraFanahy Masina
• Fa Hianao no nahary ny voako;
  Namolavola ahy tao an-kibon-dreniko Hianao.
  Hidera Anao aho; fa mahatahotra sy mahatalanjona ny nanaovana ahy;
  Mahagaga ny asanao;
  Ary fantatry ny fanahiko marimarina izany.
  Salamo 139:13-14fahagaganaainahatsàra
• Fa ny trano rehetra dia samy nisy mpanao azy; fa Izay nanao ny zavatra rehetra kosa dia Andriamanitra.
  Hebreo 3:4Andriamanitra
• Fa ny fombany tsy hita, dia ny heriny mandrakizay sy ny mah'Andriamanitra Azy, dia miseho hatramin'ny nanaovana izao tontolo izao, fa fantatra amin'ny zavatra nataony; ka dia tsy manan-kalahatra ireo.
  Romana 1:20tanjakasainaizao tontolo izao
• Indrisy, Jehovah Tompo ô! Indro, Hianao no nanao ny lanitra sy ny tany tamin'ny herinao lehibe sy ny sandrinao ahinjitra, ary tsy misy zava-mahagaga izay tsy hainao.
  Jeremia 32:17tanjakalanitraandriamanitra lehibe
• Ary Andriamanitra nitahy ny andro fahafito sy nanamasina azy, satria tamin'izany no nitsaharan'Andriamanitra tamin'ny asany rehetra izay noforoniny tamin'ny nanaovany azy.
  Genesisy 2:3fitahianasabata
• Fa Izy no nihavian'izao zavatra rehetra izao, ary Izy no mihazona azy, sady Izy koa no antony; Izy anie no homem-boninahitra mandrakizay. Amena.
  Romana 11:36fiankohofanafankasitrahana
• Manopy ny masoko ho amin'ny tendrombohitra aho;
  Avy aiza ny famonjena ahy?
  Ny famonjena ahy dia avy amin'i Jehovah,
  Mpanao ny lanitra sy ny tany.
  Salamo 121:1-2fankaherezanafiankinan-doha
• Fa asany isika, voaforona tao amin'i Kristy Jesosy mba hanao asa tsara, izay namboarin'Andriamanitra rahateo mba handehanantsika eo aminy.
  Efesiana 2:10Jesosyfanarahanahatsàra
• Ary Andriamanitra nahary ny olona tahaka ny endriny;
  tahaka ny endrik'Andriamanitra no namoronany azy;
  lahy sy vavy no namoronany azy.
  Genesisy 1:27Andriamanitrahatsàra
• Ny tenin'i Jehovah no nanaovana ny lanitra;
  ary ny fofonain'ny vavany no nanaovana ny hamaroany rehetra.
  Salamo 33:6lahatenylanitra
• Tsy fantatrao va?
  Tsy efa renao va
  fa Andriamanitra mandrakizay Jehovah,
  izay namorona ny faran'ny tany?
  Tsy mba mety ho reraka na sasatra Izy;
  Tsy takatry ny saina ny fahalalany.
  Isaia 40:28fahendresenamahatakatra
• Ny zavatra rehetra samy nataony ho mendrika amin'ny fotoany avy; ary ny mandrakizay dia efa nataony tao am-pony, kanefa tsy hitan'ny olona ny asan'Andriamanitra hatramin'ny voalohany ka hatramin'ny farany.
  Mpitoriteny 3:11mahatakatrafiainanafiankinan-doha
• Fony tsy mbola ary ny tendrombohitra,
  Na voaforonao ny tany sy izao rehetra izao,
  Dia Andriamanitra Hianao hatramin'ny taloha indrindra ka mandrakizay.
  Salamo 90:2Andriamanitramahatakatra
• Fa izao zavatra ary rehetra izao dia samy maniry fatratra ka miandry ny fampisehoana ireo zanak'Andriamanitra.
  Romana 8:19Rayzaza
• Ary Andriamanitra nanao hoe: Andeha Isika hamorona olona tahaka ny endritsika, araka ny tarehintsika; ary aoka izy hanjaka amin'ny hazandrano ao amin'ny ranomasina sy ny voro-manidina sy ny biby fiompy sy ny tany rehetra ary ny biby rehetra izay mandady na mikisaka amin'ny tany.
  Genesisy 1:26Andriamanitrafiainana
• Ity no andro nataon'i Jehovah;
  Hifaly sy ho ravoravo amin'izao isika.
  Salamo 118:24fifalianafiainana
• Ary manao ny tranony ambony any an-danitra Izy,
  sady manorina ny andohalambony eny ambonin'ny tany;
  Ary miantso ny rano eny an-dranomasina
  ka mampilatsaka azy eny amin'ny tany,
  Jehovah no anarany.
  Amosa 9:6Andriamanitralanitra
• Ny famonjena antsika dia amin'ny anaran'i Jehovah,
  Mpanao ny lanitra sy ny tany.
  Salamo 124:8Andriamanitralanitra
• Koa raha misy olona ao amin'i Kristy, dia olom-baovao izy; efa lasa ny zavatra taloha, indreo, efa tonga vaovao ireo.
  2 Korintiana 5:17Jesosyfahaterahana indray
• Fa Izy no ivelomantsika sy ihetsehantsika ary iainantsika; araka ny nataon'ny mpanao tonon-kira sasany teo aminareo hoe: Fa terany koa isika.
  Asan'ny Apostoly 17:28fiainana
• Ary izao zavatra ary rehetra izao, na izay any an-danitra, na izay etỳ ambonin'ny tany sy any ambanin'ny tany, na izay any an-dranomasina mbamin'izay rehetra ao anatiny, dia reko samy nanao hoe: Ho an'ilay mipetraka eo ambonin'ny seza fiandrianana sy ho an'ny Zanak'ondry anie ny saotra sy ny haja sy ny voninahitra ary ny fanjakana mandrakizay mandrakizay.
  Apokalypsy 5:13fiankohofanafankasitrahanafiderana
• Izy no nahariana ny zavatra rehetra; ary raha tsy Izy dia tsy nisy nahariana izao zavatra ary izao, na dia iray aza.
  Jaona 1:3Tenin'Andriamanitrafiainana
• Lozan'izay miady amin'ny namorona azy! Tavim-bilany isan'ny tavim-bilany amin'ny tany ihany ireny! Ny tanimanga va hilaza amin'ny mpanefy azy hoe: Inona no ataonao? Na ny asanao va hanao hoe: Tsy manan-tanana izy?
  Isaia 45:9fanetren-tenamahatakatra
• Tamin'ny sitrapony no niterahany antsika tamin'ny teny fahamarinana, mba ho santatry ny zavatra noforoniny isika.
  Jakoba 1:18fahamarinanafiainana