Andinin-teny ao amin'ny Baiboly momba ny lanitra

«»

• Fa ny tenan'ny Tompo no hidina avy any an-danitra amin'ny fiantsoana sy ny feon'ny arikanjely ary ny trompetran'Andriamanitra, ka izay maty ao amin i Kristy no hitsangana aloha; ary rehefa afaka izany, dia isika izay velona ka mbola mitoetra no hakarina hiaraka aminy ho eny amin'ny rahona hitsena ny Tompo any amin'ny habakabaka; dia ho any amin'ny Tompo mandrakariva isika.
  1 Tesaloniana 4:16-17famonjenafahafatesanaanjely
• Ao an-tranon'ny Raiko misy fitoerana maro; raha tsy izany, dia efa nilaza taminareo Aho; fa handeha hamboatra fitoerana ho anareo Aho.
  Jaona 14:2JesosyRayfiakarana
• Saino ny zavatra any ambony, fa tsy ny zavatra etỳ an-tany.
  Kolosiana 3:2sainaizao tontolo izao
• Fa ny fanjakantsika dia any an-danitra, ary avy any koa no iandrasantsika Mpamonjy, dia Jesosy Kristy Tompo.
  Filipiana 3:20famonjenaJesosy
• Iza no ahy any an-danitra?
  ary tsy misy etỳ ambonin'ny tany iriko tahaka Anao.
  Salamo 73:25fahatokisanaAndriamanitrafiankohofana
• Ny lanitra mitory ny voninahitr'Andriamanitra;
  ary ny habakabaka manambara ny asan'ny tànany.
  Ny andro samy miteny amin'ny andro mandimby azy,
  ary ny alina samy manolo-pahalalana amin'ny alina mandimby azy.
  Salamo 19:1-2fiankohofana
• Ny zavatra rehetra samy manana ny fotoany avy, ary samy manana ny androny avy ny raharaha rehetra atỳ ambanin'ny lanitra.
  Mpitoriteny 3:1fandrindranafiainana
• Aza mihary harena ho anareo eto an-tany, izay misy kalalao sy harafesina manimba, sady misy mpangalatra manami-trano sy mangalatra. Fa miharia harena ho anareo any an-danitra, izay tsy misy kalalao na harafesina manimba, sady tsy misy mpangalatra manamitrano na mangalatra.
  Matio 6:19-20fitiavan-bolafitiavan-karena
• Ary ny Tompo hanafaka ahy amin'ny asa ratsy rehetra ka hamonjy ahy ho any amin'ny fanjakany any an-danitra; ho Azy anie ny voninahitra mandrakizay mandrakizay. Amena.
  2 Timoty 4:18fiarovanafaharatsianafiankohofana
• Ny lanitra sy ny tany ho levona, fa ny teniko tsy mba ho levona.
  Matio 24:35fitokisanaTenin'Andriamanitraandro farany
• Fa isika tsy mitolona amin'ny nofo aman-drà, fa amin'ny fanapahana sy amin'ny fanjakana sy amin'ny mpanjakan'izao fahamaizinana izao, dia amin'ny fanahy ratsy eny amin'ny rivotra.
  Efesiana 6:12Fanahyfaharatsianafifehezan-tena
• Ary rehefa nilaza izany Jesosy, dia nakarina Izy, raha mbola nijery izy ireo; ary nisy rahona nitondra Azy, ka tsy hitan'ny masony intsony Izy.
  Asan'ny Apostoly 1:9fahagaganaJesosyfiakarana
• Fa fantatsika fa raha ravana ny trano-laintsika etỳ an-tany, dia manana izay voarafitr'Andriamanitra isika, dia trano tsy nataon-tanana izay maharitra mandrakizay any an-danitra.
  2 Korintiana 5:1vatanafiainanafahafatesana
• Nefa Jesosy kosa nanao hoe: Avelao ny zaza, ary aza raràna tsy hanatona Ahy; fa an'ny toa azy ny fanjakan'ny lanitra.
  Matio 19:14fanjakanazaza
• Misandrata any ambonin'ny lanitra Hianao, Andriamanitra ô;
  Ary aoka ho etỳ ambonin'ny tany rehetra ny voninahitrao.
  Salamo 108:5fiankohofana
• Indrisy, Jehovah Tompo ô! Indro, Hianao no nanao ny lanitra sy ny tany tamin'ny herinao lehibe sy ny sandrinao ahinjitra, ary tsy misy zava-mahagaga izay tsy hainao.
  Jeremia 32:17famoroana izao tontolo izaotanjakaandriamanitra lehibe
• Ary Jesosy nitondra azy hatrany Betania, dia nanandratra ny tànany ka nitso-drano azy. Ary raha mbola nitso-drano azy Izy, dia nisaraka taminy ka nakarina ho any an-danitra.
  Lioka 24:50-51Jesosyfitahianafiakarana
• Ary manao ny tranony ambony any an-danitra Izy,
  sady manorina ny andohalambony eny ambonin'ny tany;
  Ary miantso ny rano eny an-dranomasina
  ka mampilatsaka azy eny amin'ny tany,
  Jehovah no anarany.
  Amosa 9:6famoroana izao tontolo izaoAndriamanitra
• Ry malala, ankehitriny aza dia zanak'Andriamanitra isika, nefa tsy mbola naseho izay ho toetsika rahatrizay. Fantatsika fa raha hiseho Izy, dia ho tahaka Azy isika, fa ho hitantsika Izy, dia izay tena endriny tokoa. Ary izay rehetra manana izany fanantenana miorina aminy izany dia manadio ny tenany mba hadio tahaka Azy.
  1 Jaona 3:2-3fanadiovanaankohonanazaza
• Ny famonjena antsika dia amin'ny anaran'i Jehovah,
  Mpanao ny lanitra sy ny tany.
  Salamo 124:8famoroana izao tontolo izaoAndriamanitra
• Fa tsy nitondra na inona na inona ho amin'izao tontolo izao isika, sady hita fa tsy hahatondra na inona na inona hiala. Fa raha manan-kanina sy fitafiana isika, dia aoka hianina amin'izany.
  1 Timoty 6:7-8haninafitiavan-karenafahafaham-po
• Fa tahaka ny hahavon'ny lanitra noho ny tany
  no hahavon'ny lalako noho ny lalanareo
  sy ny fihevitro noho ny fihevitrareo.
  Isaia 55:9fandrindranamahatakatra
• Moa misy olona mahafin-tena ao amin'ny fierena va ka tsy ho hitako? hoy Jehovah. Tsy manerana ny lanitra sy ny tany va Aho? hoy Jehovah.
  Jeremia 23:24Andriamanitra
• Ary raha nijaly tao amin'ny fiainan-tsi-hita izy ka niandrandra, dia nahita an'i Abrahama teny lavitra eny sy Lazarosy teo an-tratrany. Ary izy niantso ka nanao hoe: Ry Abrahama raiko ô, mamindrà fo amiko, ka iraho Lazarosy mba hanoboka ny tendron'ny rantsan-tanany amin'ny rano mba hampangatsiaka ny lelako; fa fadiranovana aho eto anatin'ity lelafo ity.
  Lioka 16:23-24afo-befahafatesanafijaliana
• Toy ny nivoahany mitanjaka avy tany an-kibon-dreniny, dia toy izay nihaviany ihany no hiverenany; ary tsy hisy na inona na inona ho entin'ny tànany ho valin'ny fisasarany.
  Mpitoriteny 5:14fitiavan-bolafitiavan-karena