Andinin-teny ao amin'ny Baiboly momba ny valisoa

«»

• Ary na inona na inona no ataonareo, dia ataovy amin'ny fo, tahaka ny ho an'ny Tompo, fa tsy ho an'olona, satria fantatrareo fa ny Tompo no handraisanareo ny lova ho valiny; fa manompo an'i Kristy Tompo ianareo.
  Kolosiana 3:23-24fiainanafahazoanaasa
• Izay hamaly ny olona rehetra araka ny asany avy.
  Romana 2:6rariny
• Koa amin'izany, ry rahalahy malalako, dia miorena tsara, aza miova, ary mahefà be mandrakariva amin'ny asan'ny Tompo, satria fantatrareo fa tsy foana tsy akory ny fikelezanareo aina ao amin'ny Tompo.
  1 Korintiana 15:58fankatoavanafankaherezanaasa
• Ary aza mba ketraka amin'ny fanaovan-tsoa isika; fa amin'ny fotoan'andro no hijinjantsika, raha tsy reraka isika.
  Galatiana 6:9rarinyfaharetanafijinjana
• Hoy ny tompony taminy: Tsara izany, ry mpanompo tsara sady mahatoky; nahatoky tamin'ny kely ianao, dia hotendreko ho mpanapaka ny be; midìra amin'ny fifalian'ny tomponao.
  Matio 25:21fitokisanafitahianafanompoana
• Aoka tsy handao anao ny famindram-po sy ny fahamarinana;
  Afehezo eo am-bozonao izany,
  Ary soraty ao amin'ny fonao tahaka ny amin'ny vato fisaka,
  Ka dia hahazo fitia sy fahalalana tsara
  Eo anatrehan'Andriamanitra sy ny olona ianao.
  Ohabolana 3:3-4fitiavanafosarobidy
• Ny fanomezan'ny olona dia mahalalaka ny alehany,
  Hahatonga azy eo anatrehan'ny lehibe.
  Ohabolana 18:16manomeza
• Sambatra izay olona maharitra fakam-panahy; fa rehefa voazaha toetra izy, dia handray ny satro-boninahitra fiainana, izay nolazain'ny Tompo homena izay tia Azy.
  Jakoba 1:12fakam-panahyfiainana
• Fa araka ny voasoratra hoe: Izay tsy mbola hitan'ny maso ary tsy mbola ren'ny sofina, na niditra tao am-pon'ny olona, na inona na inona no efa namboarin'Andriamanitra ho an'izay tia Azy.
  1 Korintiana 2:9fitiavana
• Koa amin'izany, raha manao fiantrana ianao, aza mba mitsoka trompetra eo aloanao tahaka ny fanaon'ny mpihatsaravelatsihy eo amin'ny synagoga sy eny an-dalambe mba hankalazan'ny olona azy. Lazaiko aminareo marina tokoa fa efa azony ny valim-pitiany.
  Matio 6:2fanetren-tenamanomeza
• Ny valin'ny fanetren-tena sy ny fahatahorana an'i Jehovah
  Dia harena sy voninahitra ary fiainana.
  Ohabolana 22:4fanetren-tenafanajana
• Fa ny lalana rehetra izay nandidian'i Jehovah Andriamanitrareo anareo no halehanareo, mba ho velona ianareo ka hahita soa, ary ho maro andro any amin'ny tany izay holovanareo.
  Deotoronomia 5:30fankatoavanafanarahana
• Eny, miezaka hanatratra ny marika aho hahazoako ny lokan'ny fiantsoan'Andriamanitra any ambony ao amin'i Kristy Jesosy.
  Filipiana 3:14Jesosyfiantsoana
• Omeo, dia mba homena ianareo; fatra tsara sady ahintsana no afatratra ka mihoatra no homeny ho ao am-pofoanareo. Fa izay fatra ataonareo no hamarana ho anareo kosa.
  Lioka 6:38manomezafahazoanafahalalahan-tanana
• Mangataha, dia homena ianareo; mitadiava, dia hahita ianareo; dondony, dia hovohana ianareo.
  Matio 7:7mitadyfahazoanafampanantenana
• Ary raha izay manisy soa anareo ihany no asianareo soa, inona moa no soa tokony ho azonareo? fa na dia ny mpanota aza mba manao izany ihany.
  Lioka 6:33rariny
• Fa raha tsy amin'ny finoana, dia tsy misy azo atao hahazoana sitraka aminy; fa izay manatona an'Andriamanitra dia tsy maintsy mino fa misy Izy sady Mpamaly soa izay mazoto mitady Azy.
  Hebreo 11:6finoanafifalianamitady
• Kanefa any ianao no hitady an'i Jehovah Andriamanitrao ka hahita Azy, raha mitady Azy amin'ny fonao rehetra sy ny fanahinao rehetra.
  Deotoronomia 4:29Andriamanitraaina
• Nefa maro izay voalohany no ho farany, ary izay farany no ho voalohany.
  Matio 19:30
• Ny ratsy fanahy dia mahazo valiny tsy mahasoa;
  Fa izay mamafy fahamarinana no mahazo izay tena tambiny tokoa.
  Ohabolana 11:18fahotanarariny
• Fa ianao kosa, raha mivavaka, dia midìra ao amin'ny efi-tranonao, ka rehefa voarindrinao ny varavaranao, dia mivavaha amin'ny Rainao, Izay ao amin'ny mangingina; ary ny Rainao, Izay mahita ao amin'ny mangingina no hamaly anao.
  Matio 6:6Rayfivavahana
• Indro avy faingana Aho; ary eto amiko ny famaliako, mba hamaliako ny olona rehetra araka ny asany.
  Apokalypsy 22:12fiverenanaJesosy
• Koa amin'izany manetre tena ambanin'ny tàna-maherin'Andriamanitra, mba hanandratany anareo amin'ny fotoan'andro.
  1 Petera 5:6fanetren-tena
• Ny tsara no tadiavo, fa aza ny ratsy,
  mba ho velona ianareo;
  Ka dia homba anareo Jehovah, Andriamanitry ny maro,
  araka izay efa nolazainareo.
  Amosa 5:14fahamasinanamitady
• Manetre tena eo anatrehan'ny Tompo, dia hanandratra anareo Izy.
  Jakoba 4:10Andriamanitrafanetren-tena