Andinin-teny ao amin'ny Baiboly momba ny Fijinjana

«»

• Ary Izay manome voa ho an'ny mpamafy sy mofo hohanina dia hanome sy hahabe ny voa afafinareo ary hampitombo ny vokatry ny fahamarinanareo.
  2 Korintiana 9:10rarinyhaninamanomeza
• Ary aza mba ketraka amin'ny fanaovan-tsoa isika; fa amin'ny fotoan'andro no hijinjantsika, raha tsy reraka isika.
  Galatiana 6:9rarinyvalisoafaharetana
• Aza mety hofitahina ianareo; Andriamanitra tsy azo vazivazina, fa izay afafin'ny olona no hojinjany.
  Galatiana 6:7Andriamanitrarariny
• Fa izao no lazaiko: Izay mamafy kely, dia kely no hojinjany; fa izay mamafy be, dia be kosa no hojinjany.
  2 Korintiana 9:6manomezafahalalahan-tanana
• Fa na dia tsy mamontsina aza ny aviavy,
  Ary tsy misy voany ny voaloboka,
  Na dia mahadiso fanantenana aza ny oliva,
  Ary tsy mahavokatra hohanina ny saha,
  Na dia vonoina aza ny ondry ao amin'ny vala,
  Ary tsy misy omby ao am-pahitra,
  Nefa izaho dia mbola hifaly amin'i Jehovah ihany
  Sy hiravoravo amin'Andriamanitry ny famonjena ahy.
  Habakoka 3:17-18fifalianafamonjenafiankohofana
• Mankalazà an'i Jehovah amin'ny fanananao
  Sy amin'izay voaloham-bokatrao rehetra.
  Ohabolana 3:9volasoronamanomeza
• Raha manaraka ny lalàko sy mitandrina ny didiko ianareo ka mankatò izany, dia hanome anareo ranonorana amin'ny fotoany Aho, ka hahavoka-javatra ny tany, ary hamoa ny hazo any an-tsaha.
  Levitikosy 26:3-4fankatoavanalalànafitahiana
• Fa izay mamafy ho an'ny nofony dia hijinja fahasimbana avy amin'ny nofo; ary izay mamafy ho an'ny Fanahy dia hijinja fiainana mandrakizay avy amin'ny Fanahy.
  Galatiana 6:8fahotanafiainana mandrakizayFanahy
• Tsinjovy ny voro-manidina, fa tsy mba mamafy, na mijinja, na mitaona ho any an-tsompitra ireny; ary ny Rainareo Izay any an-danitra mamelona azy. Moa tsy mihoatra lavitra noho ireny va ianareo?
  Matio 6:26sarobidyfahatokisanaRay
• Ary ny vokatry ny fahamarinana dia afafy amin'ny fihavanana ho an'izay mampandroso ny fihavanana.
  Jakoba 3:18rarinyfiadananamamoa
• Fa ny famaizana rehetra dia tsy mba atao ho mahafaly andro anaovana, fa mampahory; fa rehefa afaka izany, dia vao mitondra ny vokatry ny fahamarinana hiadanana ho an'izay nanaovana azy izy.
  Hebreo 12:11rarinyfiadananazaza
• Entonareo ny fahafolon-karena rehetra ho ao amin'ny trano firaketako, mba hasian-kanina ao an-tranoko, ary izahao toetra amin'izany Aho, hoy Jehovah, Tompon'ny maro, raha tsy hovohako ny varavaran'ny lanitra ho anareo ka hampidinako fitahiana manana amby ampy ho anareo.
  Malakia 3:10haninafitahianamanomeza
• Maina ny voaloboka,
  malazo ny aviavy,
  ary malazo koa ny ampongaben-danitra
  sy ny rofia ary ny poma aza,
  dia ny hazo rehetra any an-tsaha;
  Eny, malazo ny fifalian'ny zanak'olombelona.
  Joela 1:12fifalianafisaonanahanina