Andinin-teny ao amin'ny Baiboly momba ny faharetana

«»

• Be saina izay mahatsindry fo;
  Fa ny malaky tezitra mampiseho ny fahadalany.
  Ohabolana 14:29 fahendresena mahatakatra hatezerana
• Ny fitiavana mahari-po sady mora fanahy; ny fitiavana tsy mialona, tsy mirehareha, tsy mieboebo, tsy manao izay tsy mahamendrika, tsy mitady ny azy, tsy mora sosotra, tsy manao otri-po.
  1 Korintiana 13:4-5 fitiavana hatezerana fitiavan-tena
• Mifalia amin'ny fanantenana; miareta amin'ny fahoriana; mahareta amin'ny fivavahana.
  Romana 12:12 fifaliana fivavahana
• Amin'ny fanetren-tena rehetra sy ny fahalemem-panahy, amin'ny fahari-po mifandefitra amin'ny fitiavana.
  Efesiana 4:2 fitiavana fanetren-tena
• Fa raha isika manantena izay tsy mbola hitantsika, dia miandry amin'ny faharetana.
  Romana 8:25 fahatokisana fanantenana
• Ary aza mba ketraka amin'ny fanaovan-tsoa isika; fa amin'ny fotoan'andro no hijinjantsika, raha tsy reraka isika.
  Galatiana 6:9 rariny valisoa fijinjana
• Tsara ny mahatsindry fo noho ny mahery,
  Ary izay mahazaka ny fanahiny noho izay mahafa-bohitra.
  Ohabolana 16:32 fiadanana fifehezan-tena
• Miantombena tsara miandry an'i Jehovah ianao ka manantenà Azy;
  Aza tezitra amin'izay ambinina amin'ny lalany
  dia amin'izay olona manao sain-dratsy.
  Salamo 37:7 fanaovana ny marina fiainana
• Miandrasa an'i Jehovah ianao;
  matokia, ary aoka hahery ny fonao;
  eny, miandrasa an'i Jehovah.
  Salamo 27:14 fahatokisana herim-po
• Jehovah hiady ho anareo, fa ianareo kosa hangina.
  Eksodosy 14:14 fiankinan-doha fiarovana
• Ny Tompo tsy mahela ny teny fikasany, araka izay ataon'ny sasany ho fahelany; fa mahari-po aminareo Izy, ka tsy tiany hisy ho very, fa mba ho tonga amin'ny fibebahana izy rehetra.
  2 Petera 3:9 famonjena fiovam-po famerim-berenana
• Koa mitafia famindram-po sy fiantrana,, fahamoram-panahy, fanetren-tena, fahalemem-panahy, fandeferana, araka ny olom-boafidin'Andriamanitra sady masina no malala.
  Kolosiana 3:12 fanetren-tena fahamoram-panahy mamindra fo
• Fa Andriamanitry ny faharetana sy ny fiononana anie hampiray hevitra anareo araka an 'i Kristy Jesosy.
  Romana 15:5 fiaraha-monina fankaherezana mpampionona
• Fa indray mipi-maso ihany ny fahatezerany;
  nefa mandritra ny andro iainana kosa ny fankasitrahany;
  amin'ny hariva dia misy fitomaniana tonga hivahiny miloaka alina;
  Fa nony maraina kosa dia misy fihobiana.
  Salamo 30:5 fitiavana fisaonana
• Jehovah ô, maraina no handrenesanao ny feoko;
  maraina no hivavahako aminao, ka hanandrandra aho.
  Salamo 5:3 fivavahana mihaino
• Koa Jehovah dia mbola hiandry mandra-pamindrany fo aminareo, ary mbola hitoetra any amin'ny avo Izy mandra-piantrany anareo, fa Andriamanitry ny fahamarinana Jehovah; Sambatra izay rehetra miandry Azy.
  Isaia 30:18 fahasoavana rariny mamindra fo
• Mamindra fo sy miantra Jehovah,
  Mahari-po sady be famindram-po.
  Salamo 103:8 fahasoavana fitiavana
• Fa izay maharitra hatramin'ny farany no hovonjena.
  Matio 24:13 famonjena andro farany
• Kanefa izao no namindrana fo tamiko, dia ny mba hasehon'i Jesosy Kristy eo amiko, izay lohany, ny fahari-po rehetra ho fianarana ho an'izay hino Azy hahazoana fiainana mandrakizay.
  1 Timoty 1:16 fiainana mandrakizay Jesosy
• Nefa, ry malala, izao zavatra iray loha izao no aoka tsy hohadinoinareo: ny indray andro amin'ny Tompo dia toy ny arivo taona, ary ny arivo taona toy ny indray andro.
  2 Petera 3:8 Andriamanitra fiverenana andro farany
• Mitoria ny teny, mazotoa, na amin'ny fotoana, na tsy amin'ny fotoana, mandrese lahatra, mamporisiha, mananara mafy amin'ny fahari-po sy ny fampianarana rehetra.
  2 Timoty 4:2 fitoriana ny filazantsara sazy
• Koa amin'izany miambena ianareo; fa tsy fantatrareo izay andro hihavian'ny Tomponareo.
  Matio 24:42 fiverenana andro farany
• Ho avy faingana Aho; tano mafy izay anananao, mba tsy hisy haka ny satro-boninahitrao.
  Apokalypsy 3:11 fiverenana valisoa
• Ary ny fonareo no triatriaro,
  fa aza ny fitafianareo,
  ary miverena amin'i Jehovah Andriamanitrareo;
  Fa mamindra fo sy miantra Izy,
  mahari-po sady be famindram-po
  ary manenina ny amin'ny loza.
  Joela 2:13 fo fahasoavana fitiavana
• Fa tokony hanana faharetana ianareo raha hahazoanareo izay lazain'ny teny fikasana, rehefa vitanareo ny sitrapon'Andriamanitra.
  Hebreo 10:36 fankatoavana fahazoana fampanantenana