Andinin-teny ao amin'ny Baiboly momba ny herim-po

«»

• Ary Jehovah no mandeha eo alohanao; ary Izy no hiaraka aminao; tsy handao anao na hahafoy anao Izy; koa aza matahotra na mivadi-po ianao.
  Deotoronomia 31:8 fanarahana tahotra fankaherezana
• Tsy efa nandidy anao va Aho? Koa mahereza sy matanjaha; aza matahotra na mivadi-po, fa momba anao Jehovah Andriamanitrao amin'izay rehetra alehanao.
  Josoa 1:9 Andriamanitra tahotra fankaherezana
• Isaorana anie Andriamanitra, Rain'i Jesosy Kristy Tompontsika, Rain'ny famindram-po sady Andriamanitry ny fampiononana rehetra, Izay mampionona anay amin'ny fahorianay rehetra mba hahaizanay mampionona izay rehetra mitondra fahoriana kosa, anin'ny fampiononana izay ampiononan'Andriamanitra anay.
  2 Korintiana 1:3-4 fijaliana fiankohofana fankaherezana
• Miambena ianareo, tomoera tsara amin'ny finoana, aoka hitombandahy, mahereza.
  1 Korintiana 16:13 finoana tanjaka fankaherezana
• Mahereza, ary aoka hatanjaka ny fonareo,
  dia ianareo rehetra izay manantena an'i Jehovah.
  Salamo 31:24 fanantenana fankaherezana fo
• Fiadanana no avelako ho anareo, ny fiadanako no omeko anareo; tsy tahaka ny fanomen'izao tontolo izao no fanomeko anareo. Aza malahelo na matahotra ny fonareo.
  Jaona 14:27 fankaherezana fiadanana ahiahy
• Eny, na dia mandeha mamaky
  ny lohasaha aloky ny fahafatesana aza aho,
  dia tsy hatahotra ny loza aho,
  fa Hianao no amiko;
  ny tsorakazonao sy ny tehinao,
  ireo no mahafa-tahotra ahy.
  Salamo 23:4 tahotra fankaherezana fahafatesana
• Fa tsy nomen'Andriamanitra fanahy osa isika, fa fanahy mahery sy fitiavana ary fahononan-tena.
  2 Timoty 1:7 fitiavana fifehezan-tena tanjaka
• Mahereza sy matanjaha; aza matahotra na manahy azy; fa Jehovah Andriamanitrao no miara-mandeha aminao; tsy handao anao na hahafoy anao Izy.
  Deotoronomia 31:6 fitokisana tahotra fiarovana
• Miandrasa an'i Jehovah ianao;
  matokia, ary aoka hahery ny fonao;
  eny, miandrasa an'i Jehovah.
  Salamo 27:14 fahatokisana faharetana
• Ary rehefa hitany nitsangantsangana tambonin'ny ranomasina Izy, dia nataony ho matoatoa, ka niantso mafy izy ireo. Fa izy rehetra samy nahita Azy avokoa, ka dia raiki-tahotra. Ary Izy niteny taminy niaraka tamin'izay ka nanao taminy hoe: Matokia, fa Izaho ihany; aza matahotra.
  Marka 6:49-50 fahagagana Jesosy tahotra