ہمت کے بارے میں بائبل کی آیات

«»

• اور خُداوند ہی تیرے آگے آگے چلے گا۔ وہ تیرے ساتھ رہے گا۔ وہ تُجھ سے نہ دست بردار ہو گا نہ تُجھے چھوڑے گا سو تُو خَوف نہ کر اور بے دِل نہ ہو۔
  اِستِثنا 31:‏8 درج ذیل خوف حوصلہ افزائی
• کیا مَیں نے تُجھ کو حُکم نہیں دِیا؟ سو مضبُوط ہو جا اور حَوصلہ رکھ خَوف نہ کھا اور بے دِل نہ ہو کیونکہ خُداوند تیرا خُدا جہاں جہاں تُو جائے تیرے ساتھ رہے گا۔
  یشُوع 1:‏9 خدا خوف حوصلہ افزائی
• ہمارے خُداوند یِسُوعؔ مسِیح کے خُدا اور باپ کی حمد ہو جو رحمتوں کا باپ اور ہر طرح کی تسلّی کا خُدا ہے۔ وہ ہماری سب مُصِیبتوں میں ہم کو تسلّی دیتا ہے تاکہ ہم اُس تسلّی کے سبب سے جو خُدا ہمیں بخشتا ہے اُن کو بھی تسلّی دے سکیں جو کِسی طرح کی مُصِیبت میں ہیں۔
  ۲-کُرِنتھِیوں 1:‏3-‏4 مصائب عبادت حوصلہ افزائی
• جاگتے رہو۔ اِیمان میں قائِم رہو۔ مردانگی کرو۔ مضبُوط ہو۔
  ۱-کُرِنتھِیوں 16:‏13 ایمان طاقت حوصلہ افزائی
• اَے خُداوند پر آس رکھنے والو!
  سب مضبُوط ہو اور تُمہارا دِل قوی رہے۔
  زبُور 31:‏24 امید حوصلہ افزائی دل
• مَیں تُمہیں اِطمِینان دِئے جاتا ہُوں۔ اپنا اِطمِینان تُمہیں دیتا ہُوں۔ جِس طرح دُنیا دیتی ہے مَیں تُمہیں اُس طرح نہیں دیتا۔ تُمہارا دِل نہ گھبرائے اور نہ ڈرے۔
  یُوحنّا 14:‏27 حوصلہ افزائی امن فکر مند
• بلکہ خواہ مَوت کے سایہ کی وادی میں سے میرا گُذر ہو
  مَیں کِسی بلا سے نہیں ڈرُوں گا کیونکہ تُو میرے ساتھ ہے۔
  تیرے عصا اور تیری لاٹھی سے مُجھے تسلّی ہے۔
  زبُور 23:‏4 خوف حوصلہ افزائی موت
• کیونکہ خُدا نے ہمیں دہشت کی رُوح نہیں بلکہ قُدرت اور مُحبّت اور تربِیّت کی رُوح دی ہے۔
  ۲-تِیمُتھِیُس 1:‏7 پیار خود پر قابو طاقت
• تُو مضبُوط ہو جا اور حَوصلہ رکھ۔ مت ڈر اور نہ اُن سے خَوف کھا کیونکہ خُداوند تیرا خُدا خُود ہی تیرے ساتھ جاتا ہے۔ وہ تُجھ سے دست بردار نہیں ہو گا اور نہ تُجھ کو چھوڑے گا۔
  اِستِثنا 31:‏6 اعتبار خوف تحفظ
• خُداوند کی آس رکھ۔
  مضبُوط ہو اور تیرا دِل قوی ہو۔
  ہاں خُداوند ہی کی آس رکھ۔
  زبُور 27:‏14 بھروسہ صبر
• لیکن اُنہوں نے اُسے جِھیل پر چلتے دیکھ کر خیال کِیا کہ بُھوت ہے اور چِلاّ اُٹھے۔ کیونکہ سب اُسے دیکھ کر گھبرا گئے تھے
  مگر اُس نے فی الفَور اُن سے باتیں کِیں اور کہا خاطِر جمع رکھّو۔ مَیں ہُوں۔ ڈرو مت۔
  مرقس 6:‏49-‏50 معجزات یسوع خوف