Andinin-teny ao amin'ny Baiboly momba ny fankaherezana

«»

• Ary Jehovah no mandeha eo alohanao; ary Izy no hiaraka aminao; tsy handao anao na hahafoy anao Izy; koa aza matahotra na mivadi-po ianao.
  Deotoronomia 31:8 fanarahana tahotra fisaonana
• Fa izay miandry an'i Jehovah dia mandroso hery kosa;
  Elatra no hiakarany tahaka ny voromahery;
  Hihazakazaka izy, nefa tsy ho sasatra;
  Handeha izy, nefa tsy ho reraka.
  Isaia 40:31 fanantenana tanjaka fampanantenana
• Koa mifananara sy mifampahatanjaha, tahaka ny ataonareo ihany.
  1 Tesaloniana 5:11 mianatra manaraka
• Raha mita ny rano ianao, dia homba anao Aho;
  Ary raha mita ny ony ianao, dia tsy hanafotra anao izy;
  Raha mandeha mamaky ny afo ianao, dia tsy ho may,
  Ary tsy hirehitra aminao ny lelafo.
  Isaia 43:2 fahatokisana fampanantenana
• Tsy efa nandidy anao va Aho? Koa mahereza sy matanjaha; aza matahotra na mivadi-po, fa momba anao Jehovah Andriamanitrao amin'izay rehetra alehanao.
  Josoa 1:9 Andriamanitra tahotra herim-po
• Isaorana anie Andriamanitra, Rain'i Jesosy Kristy Tompontsika, Rain'ny famindram-po sady Andriamanitry ny fampiononana rehetra, Izay mampionona anay amin'ny fahorianay rehetra mba hahaizanay mampionona izay rehetra mitondra fahoriana kosa, anin'ny fampiononana izay ampiononan'Andriamanitra anay.
  2 Korintiana 1:3-4 fijaliana fiankohofana mpampionona
• Mankanesa atỳ amiko, ianareo rehetra izay miasa fatratra sy mavesatra entana, fa Izaho no hanome anareo fitsaharana.
  Matio 11:28 fanantenana fitsaharana fahalemena
• Manopy ny masoko ho amin'ny tendrombohitra aho;
  Avy aiza ny famonjena ahy?
  Ny famonjena ahy dia avy amin'i Jehovah,
  Mpanao ny lanitra sy ny tany.
  Salamo 121:1-2 famoroana izao tontolo izao fiankinan-doha
• Koa amin'izany, ry rahalahy malalako, dia miorena tsara, aza miova, ary mahefà be mandrakariva amin'ny asan'ny Tompo, satria fantatrareo fa tsy foana tsy akory ny fikelezanareo aina ao amin'ny Tompo.
  1 Korintiana 15:58 fankatoavana valisoa asa
• Hanome saina anao sy hampianatra anao izay lalan-kalehanao Aho;
  hitsinjo anao ny masoko ka hanolo-tsaina anao Aho.
  Salamo 32:8 mahatakatra mianatra
• Mahereza, ary aoka hatanjaka ny fonareo,
  dia ianareo rehetra izay manantena an'i Jehovah.
  Salamo 31:24 fanantenana fo herim-po
• Ary aoka isika hifampandinika hampandroso ny fitiavana sy ny asa tsara; aza mahafoy ny fiarahantsika miangona, tahaka ny fanaon'ny sasany, fa mifananara kosa, mainka satria hitanareo fa mihantomotra ny andro.
  Hebreo 10:24-25 fiverenana fiaraha-monina fitaovana
• Miambena ianareo, tomoera tsara amin'ny finoana, aoka hitombandahy, mahereza.
  1 Korintiana 16:13 finoana tanjaka herim-po
• Izany teny izany efa nolazaiko taminareo mba hanananareo fiadanana amiko. Atỳ amin'izao tontolo izao no ahitanareo fahoriana; nefa matokia; Izaho efa naharesy izao tontolo izao.
  Jaona 16:33 fiadanana fandresena izao tontolo izao
• Ny fisasarana rehetra misy valiny avokoa;
  Fa ny molotra mibedibedy foana tsy mba ahazoana na inona na inona.
  Ohabolana 14:23 fitokisana lahateny fahantrana
• Fiadanana no avelako ho anareo, ny fiadanako no omeko anareo; tsy tahaka ny fanomen'izao tontolo izao no fanomeko anareo. Aza malahelo na matahotra ny fonareo.
  Jaona 14:27 fiadanana ahiahy izao tontolo izao
• Eny, na dia mandeha mamaky
  ny lohasaha aloky ny fahafatesana aza aho,
  dia tsy hatahotra ny loza aho,
  fa Hianao no amiko;
  ny tsorakazonao sy ny tehinao,
  ireo no mahafa-tahotra ahy.
  Salamo 23:4 tahotra fahafatesana fanenjehana
• Fa ny fahorianay maivana, izay vetivety foana, dia mainka miasa fatratra indrindra ka mahatanteraka voninahitra mavesatra maharitra mandrakariva ho anay.
  2 Korintiana 4:17 fiainana mandrakizay fijaliana valisoa
• Satria malala eo imasoko ianao,
  eny, be voninahitra ianao sady tiako,
  dia olona no omeko ho solonao,
  ary firenena ho solon'ny ainao.
  Isaia 43:4 fitiavana famonjena sarobidy
• Inona ary no holazaintsika ny amin'izany zavatra izany? Raha Andriamanitra momba antsika, iza no hahatohitra antsika?
  Romana 8:31 Andriamanitra fiarovana
• Fa Andriamanitry ny faharetana sy ny fiononana anie hampiray hevitra anareo araka an 'i Kristy Jesosy.
  Romana 15:5 fiaraha-monina faharetana mpampionona
• Ary aoka ho aminay ny fahasoavan'ny Tompo Andriamanitray;
  Ary ampitoero aminay ny asan'ny tananay;
  Eny, ny asan'ny tananay, ampitoero izy.
  Salamo 90:17 fahasoavana asa famindram-po
• Ary tsy ketraka izahay; fa na dia mihalevona aza ny toetray ivelany, dia havaozina isan'andro isan'andro kosa ny toetray anatiny.
  2 Korintiana 4:16 hatsàra fahazoana vatana
• Tsy eranambatry va no vidin'ny tsintsina dimy? nefa tsy misy hadinoina eo anatrehan'Andriamanitra ireny na dia iray akory aza. Fa na dia ny volon-dohanareo aza dia voaisa avokoa. Aza matahotra; fa mihoatra noho ny tsintsina maro ianareo.
  Lioka 12:6-7 sarobidy tahotra
• Aoka isika rehetra samy hitady izay hahafaly ny namantsika amin'izay hahasoa sy hampandroso azy.
  Romana 15:2 fitiavan-tena manaraka