Andinin-teny ao amin'ny Baiboly momba ny fitsaharana

«»

• Mankanesa atỳ amiko, ianareo rehetra izay miasa fatratra sy mavesatra entana, fa Izaho no hanome anareo fitsaharana.
  Matio 11:28fanantenanafankaherezanafahalemena
• Andriamanitra tokoa no iantombenan'ny fanahiko;
  avy aminy ny famonjena ahy.
  Salamo 62:1famonjenaaina
• Handry amin'ny fiadanana aho, ka dia hatory miaraka amin'izay,
  satria Hianao, Jehovah ô, no mampitoetra ahy mitokana irery tsy manana ahiahy.
  Salamo 4:8filaminanafiadanana
• Izao no lazain'i Jehovah:
  Mijanona eo an-dalana ianareo, ka izahao,
  ary anontanio izay lalana masaka hatry ny ela.
  Dia izay lalana mankany amin'ny tsara, ka iny no izory,
  dia hahita fitsaharana ho an'ny fanahinareo ianareo;
  Nefa hoy izy: Tsy hizotra izahay.
  Jeremia 6:16ainahatsaram-panàhy
• Jehovah no Mpiandry ahy, tsy hanan-java-mahory aho,
  Mampandry ahy amin'ny ahi-maitso Izy;
  mitondra ahy eo amoron'ny rano fialan-tsasatra Izy.
  Salamo 23:1-2fitahianafiankinan-doha
• Ny mitoetra ao amin'ny fierena izay an'ny Avo Indrindra
  Dia monina eo ambanin'ny aloky ny Tsitoha.
  Izaho hilaza an'i Jehovah hoe:
  Fialofako sy batery fiarovana ho ahy Izy
  Ary Andriamanitro, Izay hitokiako.
  Salamo 91:1-2fahatokisanafilaminanaandriamanitra lehibe
• Koa dia mbola misy sabata fitsaharana ho an'ny olon'Andriamanitra. Fa izay niditra tao amin'ny fitsaharany, dia Izy koa no nitsahatra tamin'ny asany, tahaka an'Andriamanitra tamin'ny Azy.
  Hebreo 4:9-10sabataasa
• Ento ny ziogako, ka mianara amiko; fa malemy fanahy sady tsy miavona am-po Aho; dia hahita fitsaharana ho an'ny fanahinareo ianareo. Fa mora ny ziogako, ary maivana ny entako.
  Matio 11:29-30fanetren-tenamianatra
• Andramo ka izahao fa tsara Jehovah;
  sambatra izay olona mialoka aminy.
  Salamo 34:8Andriamanitrafitahiana
• Koa aoka isika hazoto hiditra amin'izany fitsaharana izany, fandrao hisy olona latsaka amin'ny tsi-finoana tahaka izany koa.
  Hebreo 4:11sabatafankatoavana
• Mitandrema ny andro Sabata hanamasima azy, araka izay nandidian'i Jehovah Andriamanitrao anao. Henemana no hiasanao sy hanaovanao ny raharahanao rehetra. Fa Sabatan'i Jehovah Andriamanitrao ny andro fahafito; koa aza manao raharaha akory ianao amin'izany, na ny zanakao-lahy, na ny zanakao-vavy, na ny ankizilahinao, na ny ankizivavinao, na ny ombinao, na ny borikinao, na ny biby fiompinao rehetra, na ny vahininao izay tafiditra eo am-bavahadinao; mba hitsaharan'ny ankizilahinao sy ny ankizivavinao tahaka anao koa.
  Deotoronomia 5:12-14sabata
• Fa antomotra ny faran'ny zavatra rehetra; koa hendre ka mahonòna tena ho amin'ny fivavahana.
  1 Petera 4:7fiverenanaandro faranyfivavahana
• Miantombena amin'Andriamanitra tokoa ianao, ry fanahiko;
  fa Izy no antenaiko.
  Salamo 62:5ainafanantenana