Andinin-teny ao amin'ny Baiboly momba ny fivavahana

«»

• Mifalia mandrakariva. Mivavaha, ka aza mitsahatra. Misaora amin'ny zavatra rehetra; fa izany no sitrapon'Andriamanitra ao amin'i Kristy Jesosy ho anareo.
  1 Tesaloniana 5:16-18fifalianafankasitrahana
• Aza manahy na inona na inona; fa aoka ny fivavahana sy ny fifonana mbamin'ny fisaorana no ho entinareo manambara ny fangatahanareo amin'Andriamanitra amin'ny zavatra rehetra. Ary ny fiadanan'Andriamanitra, izay mihoatra noho ny fahalalana rehetra, hiaro ny fonareo sy ny hevitrareo ao amin'i Kristy Jesosy.
  Filipiana 4:6-7fankasitrahanaahiahytahotra
• Ary izao no fahasahiana ananantsika eo anatrehany: Raha mangataka zavatra araka ny sitrapony isika, dia mihaino antsika Izy.
  1 Jaona 5:14fahatokisanamihaino
• Mahareta amin'ny fivavahana, ka miambena amin'izany amin'ny fisaorana.
  Kolosiana 4:2fankasitrahana
• Ary hiantso Ahy ianareo ka handeha sy hivavaka amiko, dia hihaino anareo Aho.
  Jeremia 29:12fiankohofanamihaino
• Koa lazaiko aminareo: Na inona na inona tononinareo amin'ny fivavahana sy angatahinareo, dia minoa fa efa nandray ianareo, dia ho azonareo izany.
  Marka 11:24finoanafahazoana
• Mifalia amin'ny fanantenana; miareta amin'ny fahoriana; mahareta amin'ny fivavahana.
  Romana 12:12fifalianafaharetana
• Jehovah dia eo akaikin'izay rehetra miantso Azy,
  Dia izay rehetra miantso Azy marina tokoa.
  Salamo 145:18fahatokisanafitokisana
• Ary nony mamatonalina, dia nivavaka sy nihira fiderana an'Andriamanitra Paoly sy Silasy; ary nihaino azy ny mpifatotra.
  Asan'ny Apostoly 16:25fiankohofanamihainofiderana
• Antsoy Aho, dia hovaliako ianao ka hampisehoako zavatra lehibe sy saro-pantarina izay tsy fantatrao.
  Jeremia 33:3mahatakatramihaino
• Ary raha mivavaka ianareo, dia aza mba manao teny maro foana tahaka ny jentilisa; Fa ataony ho ny hamaroan'ny teniny no hihainoana azy.
  Matio 6:7lahatenyeritreritra
• Koa aoka isika hanatona ny seza fiandrianan'ny fahasoavana amin'ny fahasahiana, mba hahazoantsika famindram-po sy hahitantsika fahasoavana ho famonjena amin'izay andro mahory.
  Hebreo 4:16fahasoavanafamindram-po
• Fa na aiza na aiza no iangonan'ny roa na telo amin'ny anarako, dia ao afovoany Aho.
  Matio 18:20Jesosyfiaraha-moninafiangonana
• Fony azom-pahoriana aho, dia niantso an'i Jehovah,
  eny, Andriamanitro no nitarainako;
  nihaino ny feoko tao an-tempoliny Izy,
  ary ny fitarainako teo anatrehany dia efa tonga teo an-tsofiny.
  Salamo 18:6lahatenymihaino
• Fa ianao kosa, raha mivavaka, dia midìra ao amin'ny efi-tranonao, ka rehefa voarindrinao ny varavaranao, dia mivavaha amin'ny Rainao, Izay ao amin'ny mangingina; ary ny Rainao, Izay mahita ao amin'ny mangingina no hamaly anao.
  Matio 6:6valisoaRay
• Ary raha fantatsika fa mihaino antsika Izy, na inona na inona no angatahintsika, dia fantatsika fa azontsika izay angatahintsika aminy.
  1 Jaona 5:15fahatokisanamihaino
• Koa mifaneke heloka ianareo, ary mifampivavaha, mba ho sitrana ianareo. Ny fiàsan'ny fivavaky ny marina dia mahery indrindra.
  Jakoba 5:16rarinyfahasitrananaaretina
• Nefa aoka hangataka amin'ny finoana izy ka tsy hiahanahana akory; fa izay miahanahana dia toy ny alon-dranomasina entin'ny rivotra ka atopatopany.
  Jakoba 1:6fahatokisanafinoana
• Tsy ianareo no nifidy Ahy, fa Izaho no nifidy anareo ka nanendry anareo mba handeha sy hamoa, ary mba haharetan'ny vokatrareo, mba homen'ny Ray anareo izay rehetra hangatahinareo amin'ny anarako na inona na inona.
  Jaona 15:16fankatoavanafiantsoanamamoa
• Fa antomotra ny faran'ny zavatra rehetra; koa hendre ka mahonòna tena ho amin'ny fivavahana.
  1 Petera 4:7fiverenanafitsaharana
• Izy no nantsoin'ny vavako;
  ary ny fanandratana Azy no teo ambanin'ny lelako.
  Salamo 66:17fiankohofanafideranamihira
• Ireo rehetra ireo niray saina naharitra nivavaka mbamin'ny vehivavy sy Maria, renin'i Jesosy, ary ny rahalahiny.
  Asan'ny Apostoly 1:14fiaraha-monina
• Ary na inona na inona no hangatahinareo amin'ny anarako, dia hataoko izany, mba hankalazana ny Ray eo amin'ny Zanaka.
  Jaona 14:13JesosyRay
• Ary na inona na inona no angatahinareo amin'ny fivavahana atao amin'ny finoana dia ho azonareo.
  Matio 21:22fitokisanafinoana
• Kanefa hoy Izaho aminareo izay mihaino: Tiava ny fahavalonareo; manaova soa amin'izay mankahala anareo; misaora izay manozona anareo, ary mivavaha ho an'izay manisy ratsy anareo.
  Lioka 6:27-28fankatoavanafitahiana