Andinin-teny ao amin'ny Baiboly momba ny fahasoavana

«»

• Koa aoka isika hanatona ny seza fiandrianan'ny fahasoavana amin'ny fahasahiana, mba hahazoantsika famindram-po sy hahitantsika fahasoavana ho famonjena amin'izay andro mahory.
  Hebreo 4:16fivavahanafamindram-po
• Hitahy anao anie Jehovah ka hiaro anao;
  Hampamirapiratra ny tavany aminao anie Jehovah ka hamindra fo aminao;
  Hanandratra ny tavany aminao anie Jehovah ka hanome anao fiadanana.
  Nomery 6:24-26fitahianafiadananafahazavana
• Fa Andriamanitra, Izay manan-karena amin'ny famindram-po, noho ny halehiben'ny fitiavany izay nitiavany antsika, na dia fony mbola matin'ny fahadisoana aza isika, dia nahavelona antsika niaraka tamin'i Kristy (fahasoavana no namonjena anareo).
  Efesiana 2:4-5famindram-pofitiavanaJesosy
• Ary Andriamanitry ny fahasoavana rehetra, Izay efa niantso anareo ho any amin'ny voninahiny mandrakizay ao amin'i Kristy, rehefa niaritra fahoriana vetivety ianareo, dia Izy no hahatanteraka sy hampiorina ary hampitoetra anareo.
  1 Petera 5:10fiainana mandrakizayfijalianafampanantenana
• Mamindra fo sy miantra Jehovah,
  Mahari-po sady be famindram-po.
  Salamo 103:8fitiavanafaharetana
• Fa efa miseho ny fahasoavan'Andriamanitra, izay famonjena ny olona rehetra, mampianatra antsika handà izay toe-panahy tsy araka an'Andriamanitra sy ny filan'izao tontolo izao ary ho velona amin'ny onony sy ny marina ary ny toe-panahy araka an'Andriamanitra amin'izao fiainana ankehitriny izao.
  Titosy 2:11-12rarinyfamonjenaizao tontolo izao
• Izay namonjy antsika sy niantso antsika tamin'ny fiantsoana masina, tsy araka ny asantsika, fa araka ny fikasany sy ny fahasoavany izay nomena antsika tao amin'i Kristy Jesosy hatry ny fony fahagola.
  2 Timoty 1:9fahamasinanafamonjenafiantsoana
• Fa fahasoavana no namonjena anareo amin'ny finoana; ary tsy avy aminareo izany, fa fanomezana avy amin'Andriamanitra; tsy avy amin'ny asa, fandrao hisy hirehareha.
  Efesiana 2:8-9finoanafamonjena
• Fa ny ota tsy hanan-kery aminareo; fa tsy mba ambanin'ny lalàna ianareo, fa ambanin'ny fahasoavana.
  Romana 6:14fahotanalalàna
• Koa Jehovah dia mbola hiandry mandra-pamindrany fo aminareo, ary mbola hitoetra any amin'ny avo Izy mandra-piantrany anareo, fa Andriamanitry ny fahamarinana Jehovah; Sambatra izay rehetra miandry Azy.
  Isaia 30:18rarinyfaharetanamamindra fo
• Ho amin'ny olona masina anie ny fahasoavan'i Jesosy Tompo. Amena.
  Apokalypsy 22:21Jesosyfitahiana
• Fa samy efa nanota izy rehetra ka tsy manana ny voninahitra avy amin'Andriamanitra, nefa hamarinina maimaimpoana amin'ny fahasoavany izy noho ny fanavotana izay ao amin'i Kristy Jesosy.
  Romana 3:23-24fahotanaMpamonjyfibabohana
• Fa raha mamela ny fahadisoan'ny olona ianareo, dia mba hamela ny anareo kosa ny Rainareo Izay any an-danitra.
  Matio 6:14fahotanafamelàn-kelokafamindram-po
• Nefa hoy Izy tamiko; Ampy ho anao ny fahasoavako; fa ny heriko. dia tanterahina amin'ny fahalemena. Koa mainka sitrako ny hirehareha amin'ny fahalemeko, mba hitoeran'ny herin'i Kristy amiko.
  2 Korintiana 12:9tanjakafahalemenaJesosy
• Ahoana ary? hanota va isika, saingy tsy ambanin'ny lalàna, fa ambanin'ny fahasoavana? Sanatria izany!
  Romana 6:15fahotanalalànafahafahana
• Ary aoka ho aminay ny fahasoavan'ny Tompo Andriamanitray;
  Ary ampitoero aminay ny asan'ny tananay;
  Eny, ny asan'ny tananay, ampitoero izy.
  Salamo 90:17fankaherezanaasafamindram-po
• Fa miantra sy mamindra fo Jehovah Andriamanitrareo, ary tsy mba hiamboho anareo Izy, raha miverina aminy ianareo.
  2 Tantara 30:9bfamerim-berenanafiovam-pofamelàn-keloka
• Eny tokoa, fahasoavana sy famindram-po no hanaraka ahy
  amin'ny andro rehetra hiainako,
  dia hitoetra ao an-tranon'i Jehovah andro lava aho.
  Salamo 23:6fiainanamanodidinafamindram-po
• Ho amin'ny fanahinareo anie ny fahasoavan'i Jesosy Kristy Tompontsika. Amena.
  Filemona 1:25Jesosyfitahiana
• Koa amin'izany sikino ny sainareo, dia mahonona tena, ka antenao tsara ny fahasoavana izay ho entina ho anareo amin'ny hisehoan'i Jesosy Kristy.
  1 Petera 1:13JesosyFanahyeritreritra
• Fa toy izao no nitiavan’Andriamanitra izao tontolo izao: nomeny ny Zanani-lahy Tokana, mba tsy ho very izay rehetra mino Azy, fa hanana fiainana mandrakizay.
  Jaona 3:16fiainana mandrakizayfinoanaizao tontolo izao
• Nefa tsy tahaka ny fahadisoana ny fanomezam-pahasoavana. Fa raha ny fahadisoan'ny anankiray no nahatonga fahafatesana ho an'ny maro, mainka ny fahasoavan'Andriamanitra sy ny fanomezana amin'ny fahasoavan'ny olona iray, dia Jesosy Kristy, no tonga be ho an'ny maro kosa.
  Romana 5:15fahotanaJesosysazy
• Mba ho tahaka ny nanjakan'ny ota tao amin'ny fahafatesana no hanjakan'ny fahasoavana kosa amin'ny fahamarinana ho fiainana mandrakizay amin'ny alalan'i Jesosy Kristy Tompontsika.
  Romana 5:21fahotanafiainana mandrakizay
• Fa mitomboa amin'ny fahasoavana sy ny fahalalana an'i Jesosy Kristy, Tompontsika sy Mpamonjy. Ho Azy anie ny voninahitra ankehitriny sy mandrakizay. Amena.
  2 Petera 3:18fiankohofanamahatakatra
• Nefa tsy ataoko ho zavatra akory ny aiko, mba hahavita ny alehako, dia ny fanompoana izay noraisiko tamin'i Jesosy Tompo hanambara ny filazantsaran'ny fahasoavan'Andriamanitra.
  Asan'ny Apostoly 20:24fitoriana ny filazantsarafiainanaasa