Andinin-teny ao amin'ny Baiboly momba ny famindram-po

«»

• Koa aoka isika hanatona ny seza fiandrianan'ny fahasoavana amin'ny fahasahiana, mba hahazoantsika famindram-po sy hahitantsika fahasoavana ho famonjena amin'izay andro mahory.
  Hebreo 4:16 fahasoavana fivavahana
• Fa mandehana ka mianara izay hevitry ny teny hoe: Famindram-po no sitrako, fa tsy fanatitra alatsa-drà; fa tsy tonga hiantso ny marina Aho, fa ny mpanota.
  Matio 9:13 rariny sorona famerim-berenana
• Fa Andriamanitra, Izay manan-karena amin'ny famindram-po, noho ny halehiben'ny fitiavany izay nitiavany antsika, na dia fony mbola matin'ny fahadisoana aza isika, dia nahavelona antsika niaraka tamin'i Kristy (fahasoavana no namonjena anareo).
  Efesiana 2:4-5 fitiavana Jesosy fahasoavana
• Mamindrà fo amiko, Andriamanitra ô,
  araka ny fahasoavanao;
  araka ny haben'ny fiantranao
  vonoy ny fahadisoako.
  Sasao madio aho mba ho afa-keloka,
  ary diovy aho mba ho afa-pahotana.
  Salamo 51:1-2 fahotana fanadiovana
• Fa miantra sy mamindra fo Jehovah Andriamanitrareo, ary tsy mba hiamboho anareo Izy, raha miverina aminy ianareo.
  2 Tantara 30:9b fahasoavana famerim-berenana fiovam-po
• Iza no Andriamanitra tahaka Anao,
  Izay mamela heloka
  Sady mandalo ny fahadisoan'ny sisa amin'ny lovany?
  Tsy mitana ny fahatezerany ho mandrakizay Izy,
  Fa tia famindram-po.
  Mika 7:18 fahotana famelàn-keloka
• Koa Jehovah dia mbola hiandry mandra-pamindrany fo aminareo, ary mbola hitoetra any amin'ny avo Izy mandra-piantrany anareo, fa Andriamanitry ny fahamarinana Jehovah; Sambatra izay rehetra miandry Azy.
  Isaia 30:18 fahasoavana rariny faharetana
• Fa raha mamela ny fahadisoan'ny olona ianareo, dia mba hamela ny anareo kosa ny Rainareo Izay any an-danitra.
  Matio 6:14 fahotana fahasoavana famelàn-keloka
• Tsarovy ny antranao sy ny indrafonao, Jehovah ô,
  fa hatrizay hatrizay ireny.
  Aza ny fahotan'ny fahatanorako,
  na ny ratsy nataoko, no tsarovanao;
  fa aoka ho araka ny famindram-ponao no hahatsiarovanao ahy,
  noho ny fahasoavanao Jehovah ô.
  Salamo 25:6-7 fahotana hatsaram-panàhy
• Hianao, Jehovah ô, aza miaro ny antranao tsy ho amiko;
  aoka ny famindram-ponao sy ny fahamarinanao hiaro ahy mandrakariva.
  Salamo 40:11 fitiavana fitokisana fiarovana
• Koa amin'izany mangataka aminareo aho, ry rahalahy, noho ny famindram-pon'Andriamanitra, mba hatolotrareo ny tenanareo ho fanatitra velona, masina, sitrak'Andriamanitra, dia fanompoam-panahy mety hataonareo izany.
  Romana 12:1 fahamasinana fankatoavana
• Eny tokoa, fahasoavana sy famindram-po no hanaraka ahy
  amin'ny andro rehetra hiainako,
  dia hitoetra ao an-tranon'i Jehovah andro lava aho.
  Salamo 23:6 fahasoavana fiainana manodidina
• Ary aoka ho aminay ny fahasoavan'ny Tompo Andriamanitray;
  Ary ampitoero aminay ny asan'ny tananay;
  Eny, ny asan'ny tananay, ampitoero izy.
  Salamo 90:17 fahasoavana fankaherezana asa
• Ahoana ary? hanota va isika, saingy tsy ambanin'ny lalàna, fa ambanin'ny fahasoavana? Sanatria izany!
  Romana 6:15 fahotana fahasoavana lalàna
• Nefa noho ny haben'ny fiantranao dia tsy navelanao ho lany ringana izy ary tsy nafoinao, satria Andriamanitra mamindra fo sy miantra Hianao.
  Nehemia 9:31 fahasoavana manodidina famelàn-keloka
• Sambatra ny olona izay miantra ka mampisambotra;
  Tsy mba ho resy eo am-pitsarana izy.
  Salamo 112:5 fahalalahan-tanana fanaovana ny marina
• Tao amin'ny lalina no niantsoako Anao, Jehovah ô,
  Tompo ô, henoy ny feoko;
  Aoka ny sofinao hihaino tsara ny feon'ny fifonako.
  Salamo 130:1-2 mihaino fiankinan-doha fahasoavana
• Nefa hoy Izy tamiko; Ampy ho anao ny fahasoavako; fa ny heriko. dia tanterahina amin'ny fahalemena. Koa mainka sitrako ny hirehareha amin'ny fahalemeko, mba hitoeran'ny herin'i Kristy amiko.
  2 Korintiana 12:9 fahasoavana tanjaka fahalemena
• Fa toy izao no nitiavan’Andriamanitra izao tontolo izao: nomeny ny Zanani-lahy Tokana, mba tsy ho very izay rehetra mino Azy, fa hanana fiainana mandrakizay.
  Jaona 3:16 fahasoavana fiainana mandrakizay finoana
• Izay manafina ny fahotany tsy hambinina;
  Fa izay mitsotra ka mahafoy azy no hahazo famindram-po.
  Ohabolana 28:13 fahotana fibabohana famelàn-keloka
• Nefa tsy tahaka ny fahadisoana ny fanomezam-pahasoavana. Fa raha ny fahadisoan'ny anankiray no nahatonga fahafatesana ho an'ny maro, mainka ny fahasoavan'Andriamanitra sy ny fanomezana amin'ny fahasoavan'ny olona iray, dia Jesosy Kristy, no tonga be ho an'ny maro kosa.
  Romana 5:15 fahotana fahasoavana Jesosy
• Aoka ny ratsy fanahy hahafoy ny lalany,
  ary ny tsy marina hahafoy ny heviny;
  ary aoka hiverina ho amin'i Jehovah ireny,
  fa hamindra fo aminy Izy,
  Eny, ho amin'Andriamanitsika,
  fa hamela heloka dia hamela heloka tokoa Izy.
  Isaia 55:7 rariny fiovam-po famelàn-keloka
• Dia tsy avy tamin'ny asa amin'ny fahamarinana izay nataontsika, fa araka ny famindram-po kosa no namonjeny antsika, tamin'ny fanasan'ny fiterahana indray sy ny fanavaozan'ny Fanahy Masina.
  Titosy 3:5 famonjena Fanahy Masina fahaterahana indray
• Dia nanatona Petera ka nanao taminy hoe: Tompoko, impiry moa no hanotan'ny rahalahiko amiko, ka havelako izy? Hatramin'ny impito va? Fa hoy Jesosy taminy: Tsy lazaiko aminao hoe: Hatramin'ny impito, fa hatramin'ny impito amby fito-polo.
  Matio 18:21-22 famelàn-keloka manaraka fahotana
• Ho aminareo rehetra anie ny fahasoavan'i Jesosy Kristy Tompo sy ny fitiavan'Andriamanitra ary ny firaisana amin'ny Fanahy Masina.
  2 Korintiana 13:14 fahasoavana fitahiana Fanahy Masina