Andinin-teny ao amin'ny Baiboly momba ny manaraka

«»

• Ary ny faharoa dia izao: Tiava ny namanao tahaka ny tenanao. Tsy misy didy hafa lehibe noho ireo.
  Marka 12:31 lalàna fitiavana fitiavan-tena
• Farany, miraisa saina ianareo rehetra. ka miaraha ory, mifankatiava tahaka ny mpirahalahy, mifamindrà fo, manetre tena.
  1 Petera 3:8 fanetren-tena fiaraha-monina mamindra fo
• Aoka tsy hisy olona hitady ny hahasoa ny tenany, fa ny hahasoa ny namany.
  1 Korintiana 10:24 fitiavan-tena fitiavana
• Koa mifananara sy mifampahatanjaha, tahaka ny ataonareo ihany.
  1 Tesaloniana 5:11 fankaherezana mianatra
• Mifampitondrà izay mahavesatra, ary aoka izany no hahatanterahanareo ny lalàn'i Kristy.
  Galatiana 6:2 lalàna fijaliana
• Aoka haharitra ny fitiavana ny rahalahy. Aza manadino ny fampiantranoam-bahiny; fa tamin'izany dia nampiantrano anjely ny sasany, nefa tsy fantany.
  Hebreo 13:1-2 fitiavana fahamoram-panahy anjely
• Fa tanteraka amin'ny teny iray ihany ny lalàna rehetra, dia izao: Tiava ny namanao tahaka ny tenanao.
  Galatiana 5:14 lalàna fitiavana
• Koa amin'izany na inona na inona tianareo hataon'ny olona aminareo, dia mba ataovy aminy kosa tahaka izany; fa izany no lalàna sy mpaminany.
  Matio 7:12 lalàna fandraisana faminaniana
• Tsy manao na inona na inona amin'ny fifampiandaniana, na mandrani-tena foana fa amin'ny fanetren-tena dia aoka samy hanao ny namany ho mihoatra noho ny tenany.
  Filipiana 2:3 fitiavan-tena fanetren-tena
• Aoka isika rehetra samy hitady izay hahafaly ny namantsika amin'izay hahasoa sy hampandroso azy.
  Romana 15:2 fitiavan-tena fankaherezana
• Koa araka ny ananantsika andro hanaovana, dia aoka isika hanao soa amin'ny olona rehetra, indrindra fa amin'ny mpianakavin'ny finoana.
  Galatiana 6:10 fahamoram-panahy hatsaram-panàhy finoana
• Koa aza mifampitsara intsony isika; fa aleo mihevitra izao, dia ny tsy hanisy fandavoana na fanafintohinana eo anoloan'ny rahalahy.
  Romana 14:13 fahamoram-panahy fitsarana
• Mifandefera, ka mifamelà heloka ianareo, raha misy manana alahelo amin'ny sasany; tahaka ny namelan'ny Tompo ny helokareo no aoka mba hamelanareo heloka kosa.
  Kolosiana 3:13 famelàn-keloka fiadanana fampihavanana
• Didy vaovao no omeko anareo, dia ny mba hifankatiavanareo; eny, aoka ho tahaka ny fitiavako anareo no mba hifankatiavanareo kosa.
  Jaona 13:34 lalàna fitiavana
• Mianara hanao ny tsara,
  Diniho izay rariny, anaro ny mpampahory,
  Omeo rariny ny kamboty,
  tsarao ny adin'ny mpitondratena.
  Isaia 1:17 rariny mpitondratena kamboty
• Ny fitiavana tsy manisy ratsy ny namana; koa dia ny fitiavana no fahatanterahana ny lalàna.
  Romana 13:10 lalàna fitiavana
• Koa amin'izany dia tsy manan-kalahatra ianao, ralehilahy, na zovy na zovy ianao izay mitsara; fa izay itsaranao ny sasany no anamelohanao ny tenanao koa, fa ianao izay mitsara aza dia mba manao izany ihany koa.
  Romana 2:1 rariny fitsarana
• Ary ny Tompo anie hampitombo sy hampandroso anareo amin'ny fifankatiavana sy ny fitiavana ny olona rehetra, dia tahaka anay aminareo koa.
  1 Tesaloniana 3:12 fitiavana fandraisana
• Ary mihoatra noho ny zavatra rehetra, mifankatiava tsara; fa "ny fitiavana manarona fahotana maro".
  1 Petera 4:8 fahotana fitiavana
• Fa ny hoe: Aza mijangajanga, aza mamono olona, aza mangalatra, aza mitsiriritra zavatr'olona, mbamin'izay didy hafa rehetra, dia samy efa ao anatin'izao teny izao hoe: Tiava ny namanao tahaka ny tenanao.
  Romana 13:9 lalàna fitiavana
• Izay efa mivarahontsana dia tokony hiantran'ny sakaizany.
  Fandrao mahafoy ny fahatahorana ny Tsitoha izy.
  Joba 6:14 fanajana namana
• Mifankatiava araka ny fifankatiavan'ny mpirahalahy; mitariha lalana amin'ny fifanomezam-boninahitra.
  Romana 12:10 fitiavana
• Fa izao no teny nampitondraina izay efa renareo hatramin'ny voalohany: tsy maintsy mifankatia isika.
  1 Jaona 3:11 lalàna fitiavana
• Ny anankiray manao ny andro anankiray ho mihoatra noho ny andro sasany; ary ny anankiray kosa manao ny andro rehetra hitovy. Aoka samy hatoky tsara ao amin'ny sainy avy izy.
  Romana 14:5 fankatoavana fahendresena sabata
• Izao no fivavahana madio sady tsy misy loto eo anatrehan'Andriamanitra Ray: ny mamangy ny kamboty sy ny mpitondratena amin'ny fahoriany, sy ny miaro ny tena tsy hisy pentimpentina avy amin'izao tontolo izao.
  Jakoba 1:27 fahotana lafatra mpitondratena