Andinin-teny ao amin'ny Baiboly momba ny fahamoram-panahy

«»

• Aoka ho fantatry ny olona rehetra ny fandeferanareo. Efa mby akaiky ny Tompo.
  Filipiana 4:5 manodidina
• Koa mitafia famindram-po sy fiantrana,, fahamoram-panahy, fanetren-tena, fahalemem-panahy, fandeferana, araka ny olom-boafidin'Andriamanitra sady masina no malala.
  Kolosiana 3:12 fanetren-tena faharetana mamindra fo
• Ny famaliana mora dia mampianina ny fahatezerana mafy;
  Fa ny teny maharary mahatonga fahasosorana.
  Ohabolana 15:1 lahateny hatezerana
• Toho-tantely ny teny mahafinaritra,
  Ka sady mamin'ny fanahy no mahatsara ny taolana.
  Ohabolana 16:24 lahateny aina hanina
• Mandehana amin'ny fahendrena amin'izay ao ivelany, hararaoty ny andro azo anaovan-tsoa. Aoka ny fiteninareo ho amin'ny fahasoavana mandrakariva, ho mamy sira, mba ho fantatrareo izay tokony havalinareo ny olona rehetra.
  Kolosiana 4:5-6 fahendresena lahateny
• Fa ny vokatry ny Fanahy kosa dia fitiavana, fifaliana, fiadanana, fahari-po fahamoram-panahy, fanaovan-tsoa, fahamarinana, fahalemem-panahy, fahononam-po; tsy misy lalàna manohitra izany.
  Galatiana 5:22-23 lalàna Fanahy fitahiana
• Aza mankahala ny rahalahinao amin'ny fonao; mananara dia mananara ny namanao, mba tsy hahazoanao heloka noho ny aminy. Aza mamaly ratsy na manao lolompo amin'izay iray firenena aminao: fa tiava ny namanao tahaka ny tenanao: Izaho no Jehovah.
  Levitikosy 19:17-18 fitiavana hatezerana manaraka
• Koa aza mifampitsara intsony isika; fa aleo mihevitra izao, dia ny tsy hanisy fandavoana na fanafintohinana eo anoloan'ny rahalahy.
  Romana 14:13 fitsarana manaraka
• Koa araka ny ananantsika andro hanaovana, dia aoka isika hanao soa amin'ny olona rehetra, indrindra fa amin'ny mpianakavin'ny finoana.
  Galatiana 6:10 manaraka hatsaram-panàhy finoana
• Aoka haharitra ny fitiavana ny rahalahy. Aza manadino ny fampiantranoam-bahiny; fa tamin'izany dia nampiantrano anjely ny sasany, nefa tsy fantany.
  Hebreo 13:1-2 fitiavana manaraka anjely
• Izao no lazain'i Jehovah, Tompon'ny maro: Manaova fitsarana marina, ary samia mifampiantra sy mifamindra fo amin'ny rahalahiny avy; ary aza mampahory ny mpitondratena na ny kamboty, na ny vahiny, na ny mahantra; ary aza misy mihevitra ao am-ponareo hanisy ratsy ny rahalahinareo ianareo.
  Zakaria 7:9-10 faharatsiana rariny manaraka
• Lazaiko aminareo marina dia marina tokoa: Izay mandray izay hirahiko dia mandray Ahy; ary izay mandray Ahy dia mandray izay naniraka Ahy.
  Jaona 13:20 Jesosy fiaraha-monina