Andinin-teny ao amin'ny Baiboly momba ny hatezerana

«»

• Tezera, fa aza manota; ary aoka tsy ho tratry ny masoandro milentika ny fahatezeranareo. Aza manome fitoerana ho an'ny devoly.
  Efesiana 4:26-27 fahotana faharatsiana satana
• Ny fitiavana mahari-po sady mora fanahy; ny fitiavana tsy mialona, tsy mirehareha, tsy mieboebo, tsy manao izay tsy mahamendrika, tsy mitady ny azy, tsy mora sosotra, tsy manao otri-po.
  1 Korintiana 13:4-5 fitiavana faharetana fitiavan-tena
• Aza mankahala ny rahalahinao amin'ny fonao; mananara dia mananara ny namanao, mba tsy hahazoanao heloka noho ny aminy. Aza mamaly ratsy na manao lolompo amin'izay iray firenena aminao: fa tiava ny namanao tahaka ny tenanao: Izaho no Jehovah.
  Levitikosy 19:17-18 fitiavana fahamoram-panahy manaraka
• Ny fankahalana dia manetsika ady;
  Fa ny fitiavana manarona ny ota rehetra.
  Ohabolana 10:12 fitiavana faharatsiana
• Ny famaliana mora dia mampianina ny fahatezerana mafy;
  Fa ny teny maharary mahatonga fahasosorana.
  Ohabolana 15:1 lahateny fahamoram-panahy
• Fantatrareo izany, sy rahalahy malalako. Kanefa aoka ny olona rehetra halady hihaino ho malai-miteny, ho malain-ko tezitra.
  Jakoba 1:19 lahateny mihaino fifehezan-tena
• Be saina izay mahatsindry fo;
  Fa ny malaky tezitra mampiseho ny fahadalany.
  Ohabolana 14:29 fahendresena faharetana mahatakatra
• Ny fahatezeran'ny adala dia avoakany avokoa;
  Fa ny hendry kosa manindry fo.
  Ohabolana 29:11 fahendresena fifehezan-tena
• Ary hoy Izy: Izay mivoaka avy ao amin'ny olona, dia izany no mahaloto azy. Fa avy ao anatin'ny olona dia avy ao am-pony, no ivoahan'ny sain-dratsy, dia ny fijangajangana, ny halatra, ny vonoan-olona, ny fakam-badin'olona, ny fieremana, ny lolom-po, ny fitaka, ny fijejojejoana, ny maso ratsy, ny fitenenan-dratsy, ny avonavona, ny fahadalana: izany zava-dratsy rehetra izany no mivoaka avy ao anatin'ny olona ka mahaloto azy.
  Marka 7:20-23 fahotana fanadiovana fakam-panahy
• Ny fahasosoran'ny adala dia fantatra miaraka amin'izay;
  Fa izay mahatsindry fo amin'ny fanalam-baraka no hendry.
  Ohabolana 12:16 fifehezan-tena fahendresena
• Voninahitry ny olona ny hanalavitra ny ady;
  Fa ny adala rehetra kosa misafoaka.
  Ohabolana 20:3 lahateny fiadanana
• Fifandirana ihany no vokatry ny fiavonavonana;
  Fa ao amin'ny mino anatra no misy fahendrena.
  Ohabolana 13:10 fahendresena
• Tandremo, ry rahalahy, fandrao hisy aminareo hanana fo ratsy tsy mino ka hiala amin'Andriamanitra velona.
  Hebreo 3:12 faharatsiana fo manaraka
• Miverena ianao, ry Isiraely mpiodina, hoy Jehovah;
  Tsy hampanjombona ny tavako aminareo Aho;
  Fa mamindra fo Aho, hoy Jehovah,
  ka tsy hitahiry fahatezerana mandrakizay.
  Jeremia 3:12b famindram-po famelàn-keloka fahasoavana
• Fa miharihary ny asan'ny nofo, dia izao: Fijangajangana, fahalotoana, fijejojejoana, fanompoan-tsampy, fanaovana ody ratsy, fandrafiana, fifandirana, adi-lahy, fiafonafonana, fifampiandaniana, fisarahana, fitokoana, fialonana, fahamamoana, filalaovan-dratsy, ary ny toy izany, izay lazaiko aminareo rahateo, tahaka ny voalazako fahiny koa, fa izay manao izany dia tsy handova ny fanjakan'Andriamanitra.
  Galatiana 5:19-21 vatana fahotana firaisana ara-nofo
• Ry malala, aza mamaly ratsy, fa omeo lalana ny fahatezerana; fa voasoratra hoe: Ahy ny famaliana; Izaho no hamaly, hoy Jehovah.
  Romana 12:19 sazy fitsarana