Andinin-teny ao amin'ny Baiboly momba ny Rariny

«»

• Izay fatra-panaraka fahamarinana sy famindram-po
  Dia hahazo fiainana sy fahamarinana ary voninahitra.
  Ohabolana 21:21 fitiavana fiainana
• Izay hamaly ny olona rehetra araka ny asany avy.
  Romana 2:6 valisoa
• Fa ianao kosa, sy lehilahin'Andriamanitra, mandosira izany zavatra izany, ka miezaha mitady fahamarinana, toe-panahy araka an'Andriamanitra, finoana, fitiavana, faharetana, fahalemem-panahy.
  1 Timoty 6:11 finoana fitiavana
• Fa Jehovah tia rariny
  sady tsy hahafoy ny olony masina;
  Harovana mandrakizay ireo;
  Fa taranaky ny ratsy fanahy hofongorana.
  Salamo 37:28 fiainana mandrakizay fitokisana mahatoky
• Aza mety hofitahina ianareo; Andriamanitra tsy azo vazivazina, fa izay afafin'ny olona no hojinjany.
  Galatiana 6:7 Andriamanitra fijinjana
• Ataon'ny olona ho marina avokoa ny lalana rehetra alehany;
  Fa Jehovah ihany no Mpandanja ny fo.
  Ohabolana 21:2 fitsarana mahatakatra eritreritra
• Fa katsaho aloha ny fanjakany sy ny fahamarinany, dia hanampy ho anareo izany rehetra izany.
  Matio 6:33 hanina fanjakana
• Fa tsy hangozohozo mandrakizay izy;
  Hotsarovana mandrakizay ny marina.
  Salamo 112:6 fiarovana
• Ny mason'i Jehovah dia mitsinjo ny marina,
  ary ny sofiny mihaino ny fitarainany.
  Salamo 34:15 mihaino
• Ny hanao izay marina sy mahitsy
  No sitrak'i Jehovah mihoatra noho ny fanatitra alatsa-drà.
  Ohabolana 21:3 fanaovana ny marina sorona
• Fa raha tàhiny mitondra fahoriana noho ny fahamarinana ianareo, dia sambatra; ary aza matahotra tahaka azy, ary aza mangorohoro ianareo.
  1 Petera 3:14 fijaliana tahotra
• Ary aza mba ketraka amin'ny fanaovan-tsoa isika; fa amin'ny fotoan'andro no hijinjantsika, raha tsy reraka isika.
  Galatiana 6:9 valisoa faharetana fijinjana
• Tandremo mba tsy hisy hamaly ratsy olona; fa miezaha mandrakariva hitady izay tsara, na amin'ny namanareo na amin'ny olona rehetra.
  1 Tesaloniana 5:15 lafatra faharatsiana
• Izay tsy nahalala ota dia efa nataony ota hamonjy antsika, mba ho tonga fahamarinan'Andriamanitra ao aminy kosa isika.
  2 Korintiana 5:21 fahotana mpanelanelana
• Ankino amin'i Jehovah ny lalanao,
  ary matokia Azy, fa hataony tanteraka.
  Ary hampiseho ny fahamarinanao tahaka ny mazava Izy,
  ary ny rariny ho anao tahaka ny mitataovovonana.
  Salamo 37:5-6 fahatokisana fiainana fahazavana
• Farany, ry rahalahy, na inona na inona marina, na inona na inona manan-kaja, na inona na inona mahitsy, na inona na inona madio, na inona na inona maha-te-ho-tia, na inona na inona tsara laza, raha misy hatsaram-panahy, ary raha misy dera, dia hevero izany.
  Filipiana 4:8 fahamarinana eritreritra fiderana
• Ary ny vokatry ny fahamarinana dia afafy amin'ny fihavanana ho an'izay mampandroso ny fihavanana.
  Jakoba 3:18 fiadanana fijinjana mamoa
• Fa efa miseho ny fahasoavan'Andriamanitra, izay famonjena ny olona rehetra, mampianatra antsika handà izay toe-panahy tsy araka an'Andriamanitra sy ny filan'izao tontolo izao ary ho velona amin'ny onony sy ny marina ary ny toe-panahy araka an'Andriamanitra amin'izao fiainana ankehitriny izao.
  Titosy 2:11-12 fahasoavana famonjena izao tontolo izao
• Sambatra ny olona
  izay tsy mandeha eo amin'ny fisainan'ny ratsy fanahy,
  ary tsy mijanona eo amin'ny lalana falehan'ny mpanota,
  ary tsy mipetraka eo amin'ny fipetrahan'ny mpaniratsira.
  Salamo 1:1 fahotana fitahiana
• Sambatra ny noana sy mangetaheta ny fahamarinana;
  fa izy no hovokisana.
  Matio 5:6 fitahiana fahazoana hanina
• Ny harena azo amin'ny tsy marina dia tsy mahasoa na inona na inona;
  Fa ny fahamarinana no mamonjy amin'ny fahafatesana.
  Ohabolana 10:2 fanaovana ny marina vola
• Ny ratsy fanahy dia mahazo valiny tsy mahasoa;
  Fa izay mamafy fahamarinana no mahazo izay tena tambiny tokoa.
  Ohabolana 11:18 fahotana valisoa
• Ary raha izay manisy soa anareo ihany no asianareo soa, inona moa no soa tokony ho azonareo? fa na dia ny mpanota aza mba manao izany ihany.
  Lioka 6:33 valisoa
• Ny fiadiana rehetra izay voaforona hamelezana anao dia tsy hisy hambinina, ary ny lela rehetra izay miady aminao dia horesenao lahatra. Izany no lovan'ny mpanompon'i Jehovah sy fahamarinany avy amiko, hoy Jehovah.
  Isaia 54:17 fitsarana fiarovana sampy
• Tamin'ny foko rehetra no nitadiavako Anao;
  Aza avela hivily hiala amin'ny didinao aho.
  Salamo 119:10 lalàna fo