Andinin-teny ao amin'ny Baiboly momba ny sampy

«»

• Anaka, arovy ny tenanareo amin'ny sampy.
  1 Jaona 5:21zaza
• Koa aza manao andriamanitra volafotsy na andriamanitra volamena ho anareo ho fanampiko.
  Eksodosy 20:23lalànavola
• Moa tsy fantatrareo va fa ny olona tsy marina tsy mba handova ny fanjakan'Andriamanitra? Aza mety hofitahina ianareo: fa ny mpijangajanga sy ny mpanompo sampy sy ny mpaka vadin'olona sy ny sodomita sy ny mpangalatra sy ny mpierina sy ny mpimamo sy ny mpanaratsy ary ny mpanao an-keriny dia tsy mba handova ny fanjakan'Andriamanitra.
  1 Korintiana 6:9-10fahotanafamonjenafanjakana
• Manaraha an'i Jehovah Andriamanitrareo, ka aoka Izy no hatahoranareo, ary ny didiny no hotandremanareo, ary ny feony no hohenoinareo, ary aoka Izy no hotompoinareo sy hifikiranareo.
  Deotoronomia 13:5fanajanamihainofanarahana
• Fa ny fanaon'ny firenena dia zava-poana; Fa hazo nokapaina tany an'ala ireny, dia asan-tànan'ny mpiasa amin'ny famaky; Volafotsy sy volamena no an-dravahany azy, ary hombo sy tantanana no entiny manamafy azy, mba tsy hihetsiketehany. Toy ny hazo voasana ho sari-drofia izy, fa tsy mahateny; Ary entina ihany izy, fa tsy mba afa-mandeha; Aza matahotra azy, fa tsy mahatonga loza izy sady tsy mahay manisy soa.
  Jeremia 10:3-5krisimasy
• Koa aoka ho fantatrao anio, ka tsarovy ao am-ponao, fa Jehovah no Andriamanitra any amin'ny lanitra ambony sy etỳ amin'ny tany ambany, ka tsy misy afa-tsy Izy.
  Deotoronomia 4:39Andriamanitralanitraizao tontolo izao
• Ary aza miray amin'ny asan'ny maizina tsy mahavoka-tsoa, fa aleo mananatra izany. Fa izay ataony ao amin'ny miafina, dia mahamenatra na dia ny milaza izany aza.
  Efesiana 5:11-12fahotanalahatenymamoa
• Koa vonoy ny momba ny tenanareo izay etỳ an-tany, dia fijangajangana, fahalotoana, firehetam-po, fanirian-dratsy ary fieremana, dia fanompoan-tsampy izany.
  Kolosiana 3:5fahotanafanirianafitiavan-karena
• Fa Izaho no Jehovah Andriamanitrao
  hatrany amin'ny tany Egypta,
  ary tsy mahalala Andriamanitra afa-tsy Izaho ianao,
  sady tsy misy mpamonjy afa-tsy Izaho.
  Hosea 13:4MpamonjyAndriamanitra
• Nefa raha tsy sitrakareo ny hanompo an'i Jehovah, dia fidionareo anio ary izay hotompoinareo. na ny andriamanitra izay notompoin'ny razanareo tany an-dafin'ny Ony, na ny andriamanitry ny Amorita, izay mponina teto amin'ny tany onenanareo; fa raha izaho sy ny ankohonako kosa, dia hanompo an'i Jehovah izahay.
  Josoa 24:15ankohonanafanarahanafanompoana
• Ny fiadiana rehetra izay voaforona hamelezana anao dia tsy hisy hambinina, ary ny lela rehetra izay miady aminao dia horesenao lahatra. Izany no lovan'ny mpanompon'i Jehovah sy fahamarinany avy amiko, hoy Jehovah.
  Isaia 54:17rarinyfitsaranafiarovana
• Tafio avokoa ny fiadian'Andriamanitra, mba hahazoanareo hifahatra amin'ny fanangolen'ny devoly.
  Efesiana 6:11fitaovanafaharatsianafiarovana
• Fa ny fitiavam-bola no fototry ny ratsy rehetra, koa ny sasany izay fatra-pitady izany dia efa voavily niala tamin'ny finoana ka nanindrona ny tenany tamin'ny alahelo be.
  1 Timoty 6:10volafaharatsianafitiavan-bola
• Aza mety ho resin'ny ratsy ianao, fa reseo amin'ny soa ny ratsy.
  Romana 12:21faharatsianahatsaram-panàhyfandresena
• Fa ny ota no fanindronan'ny fahafatesana; ary ny lalàna no herin'ny ota.
  1 Korintiana 15:56fahotanalalàna
• Halaviro ny ratsy, manaova soa;
  mitadiava fihavanana, ka araho izany.
  Salamo 34:14faharatsianahatsaram-panàhyfiadanana
• Izaho tsy mangataka aminao mba hampiala azy amin'izao tontolo izao, fa ny mba hiaro azy amin'ny ratsy.
  Jaona 17:15filaminanampanelanelanafaharatsiana
• Arionareo ankehitriny ary ny andriamani-kafa, izay eo aminareo. ka ampanatony an'i Jehovah, Andriamanitry ny Isiraely ny fonareo.
  Josoa 24:23fofanadiovana
• Ary ny fahamarinan'Andriamanitra dia nosoloany lainga, ka nanaja sy nanompo ny zavatra natao izy, fa tsy ny Mpanao, Izay isaorana mandrakizay. Amena. Izany no nanoloran'Andriamanitra azy ho amin'ny filan-dratsy mahavoafady; fa ny vehivavy tao aminy nanova ny fanaony ho amin'izay tsy fanaony; ary tahaka izany koa ny lehilahy, fa namela ny fanao amin'ny vehivavy izy ka maimay tamin'ny fifampilany samy lehilahy nifanao izay mahamenatra, dia nandray tao amin'ny tenany ny valiny izay tokony ho azy noho ny fiviliany. Ary araka ny nanaovany ny fahalalana marina an'Andriamanitra ho tsy miendrika hotanany, dia araka izany kosa no nanoloran'Andriamanitra azy ho amin'ny fisainana tsy mahamendrika hanao izay zavatra tsy tokony hatao.
  Romana 1:25-28firaisana ara-nofofaniriana
• Ny sasany mitoky amin'ny kalesy, ary ny sasany amin'ny soavaly;
  Fa raha izahay kosa, dia ny anaran'i Jehovah Andriamanitray no hoderainay.
  Salamo 20:7fahatokisana
• Fa miharihary ny asan'ny nofo, dia izao: Fijangajangana, fahalotoana, fijejojejoana, fanompoan-tsampy, fanaovana ody ratsy, fandrafiana, fifandirana, adi-lahy, fiafonafonana, fifampiandaniana, fisarahana, fitokoana, fialonana, fahamamoana, filalaovan-dratsy, ary ny toy izany, izay lazaiko aminareo rahateo, tahaka ny voalazako fahiny koa, fa izay manao izany dia tsy handova ny fanjakan'Andriamanitra.
  Galatiana 5:19-21vatanafahotanafiraisana ara-nofo