Andinin-teny ao amin'ny Baiboly momba ny Ady ara-panahy

«»

• Mifahara ary, ka sikino fahamarinana ny valahanareo, ary mitafia ny rariny ho fiarovan-tratra, ary kiraroy ny fahavononam-panahy avy amin'ny filazantsaran'ny fihavanana ny tongotrareo; ary ho fanampin'izany rehetra izany dia tano ny finoana ho ampinga, izay hahazoanareo hamono ny zana-tsipìka mirehitra rehetra izay alefan'ilay ratsy.
  Efesiana 6:14-16 fahamarinana rariny fitoriana ny filazantsara
• Fa isika tsy mitolona amin'ny nofo aman-drà, fa amin'ny fanapahana sy amin'ny fanjakana sy amin'ny mpanjakan'izao fahamaizinana izao, dia amin'ny fanahy ratsy eny amin'ny rivotra.
  Efesiana 6:12 Fanahy lanitra faharatsiana
• Jehovah hiady ho anareo, fa ianareo kosa hangina.
  Eksodosy 14:14 faharetana fiankinan-doha fiarovana
• Fa na dia velona amin'ny nofo aza izahay, dia tsy mba miady araka ny nofo.
  2 Korintiana 10:3 fiainana mahatakatra izao tontolo izao
• Na dia misy antokony mitoby hiady amiko aza,
  tsy hatahotra ny foko;
  na dia misy ady mihatra amiko aza,
  dia hatoky ihany aho.
  Salamo 27:3 tahotra fo fahatokisana
• Hianao manao fa iray ihany no Andriamanitra; koa tsara izany ataonao izany,- ny demonia koa mba mino izany ka dia mangovitra.
  Jakoba 2:19 finoana satana Andriamanitra
• Ny sasany mitoky amin'ny kalesy, ary ny sasany amin'ny soavaly;
  Fa raha izahay kosa, dia ny anaran'i Jehovah Andriamanitray no hoderainay.
  Salamo 20:7 fahatokisana sampy
• Ka dia maneke an Andriamanitra ianareo; ary manohera ny devoly, dia handositra anareo izy.
  Jakoba 4:7 fankatoavana filaminana mpidoroka
• Fa mahatoky ny Tompo, Izay hampahery sy hiaro anareo tsy ho azon'ny ratsy.
  2 Tesaloniana 3:3 fitokisana filaminana tanjaka
• Farany, mahereza ao amin'ny Tompo sy amin'ny herin'ny faherezany.
  Efesiana 6:10 Andriamanitra tanjaka mitady
• Mahonòna tena, miambena: fa ny devoly fahavalonareo mandehandeha tahaka ny liona mierona mitady izay harapany.
  1 Petera 5:8 faniriana fanenjehana fandresena
• Efa niady ny ady tsara aho; nahatanteraka ny fihazakazahana aho; nitahiry ny finoana aho; hatrizao dia tehirizina ho ahy ny satro-boninahitry ny fahamarinana, izay homen ny Tompo, Mpitsara marina, ho ahy amin izay andro izay; ary tsy ho ahy ihany, fa ho an'izay rehetra tia ny fisehoany koa.
  2 Timoty 4:7-8 finoana rariny valisoa
• Tafio avokoa ny fiadian'Andriamanitra, mba hahazoanareo hifahatra amin'ny fanangolen'ny devoly.
  Efesiana 6:11 fitaovana faharatsiana fiarovana
• Ary noho izany, dia raiso avokoa ny fiadian'Andriamanitra, mba hahazoanareo hanohitra amin'ny andro mahory; ary rehefa vitanareo avokoa, dia hahafahatra ianareo.
  Efesiana 6:13 fiarovana faharatsiana satana
• Ary raiso ny famonjena ho fiarovan-doha sy ny tenin'Andriamanitra ho sabatry ny Fanahy.
  Efesiana 6:17 famonjena Fanahy Tenin'Andriamanitra
• Aza mety hofitahin'olona akory ianareo; fa tsy ho avy izany, raha tsy efa tonga aloha ny fihemorana, ka hiseho ilay lehilahin'ota, dia ilay zanaky ny fahaverezana, ilay manohitra ka manandra-tena ho ambony noho izay rehetra atao hoe Andriamanitra, na izay ivavahana, ka dia mipetraka eo amin'ny tempolin'Andriamanitra izy ka manao ny tenany ho Andriamanitra.
  2 Tesaloniana 2:3-4 andro farany fiverenana sampy
• Miadia ny ady tsaran'ny finoana, hazòny ny fiainana mandrakizay; fa ho amin'izany no niantsoana anao koa sy nanaovanao ilay fanekena tsara teo imason'ny vavolombelona maro.
  1 Timoty 6:12 fiainana mandrakizay finoana fandresena