Bybelverse oor Geestelike stryd
- Staan dan vas, julle lendene met die waarheid omgord, met die borswapen van die geregtigheid aan, en as skoene aan julle voete die bereidheid vir die evangelie van vrede. Behalwe dit alles neem die skild van die geloof op waarmee julle al die vurige pyle van die Bose sal kan uitblus.
- Want hoewel ons in die vlees wandel, voer ons die stryd nie volgens die vlees nie.
- Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug.
- Die Here sal vir julle stry, en julle moet stil wees.
- Al word 'n laer teen my opgeslaan,
my hart sal nie vrees nie;
al staan 'n oorlog teen my op,
nogtans vertrou ek. - Jy glo dat God één is. Jy doen goed; die duiwels glo dit ook, en hulle sidder.
- Maar die Here is getrou; Hy sal julle versterk en bewaar van die Bose.
- Sommige roem op strydwaens en ander op perde,
maar óns sal roem op die Naam van die Here onse God. - Daarom, neem die volle wapenrusting van God op, sodat julle weerstand kan bied in die dag van onheil en, nadat julle alles volbring het, staande kan bly.
- Onderwerp julle dan aan God; weerstaan die duiwel, en hy sal van julle wegvlug.
- Wees nugter en waaksaam, want julle teëstander, die duiwel, loop rond soos 'n brullende leeu en soek wie hy kan verslind.
- Laat niemand julle op enige manier mislei nie, want eers moet die afval kom en die mens van sonde geopenbaar word, die seun van die verderf, die teëstander wat hom verhef bo al wat God genoem word of voorwerp van aanbidding is, sodat hy in die tempel van God as God sal sit en voorgee dat hy God is.
- Ek het die goeie stryd gestry; ek het die wedloop voleindig; ek het die geloof behou. Verder is vir my weggelê die kroon van die geregtigheid wat die Here, die regverdige Regter, my in dié dag sal gee; en nie aan my alleen nie, maar ook aan almal wat sy verskyning liefgehad het.
- Stry die goeie stryd van die geloof, gryp na die ewige lewe, waartoe jy ook geroep is en die goeie belydenis voor baie getuies afgelê het.
- Trek die volle wapenrusting van God aan, sodat julle staande kan bly teen die liste van die duiwel.
- EINDELIK, my broeders, word kragtig in die Here en in die krag van sy sterkte.
- En neem aan die helm van verlossing en die swaard van die Gees — dit is die woord van God.
