Iivesi zeBhayibhile malunga nemfazwe yokomoya

«»

• Ngoko ke hlalani niqulile. Bhinqani ngenyaniso; ninxibe ubulungisa ukukhusela isifuba. Ezinyaweni nxibani inkuthalo yokuhlala nichophele ukuvakalisa iindaba ezimnandi zoxolo. Ngamaxesha onke ukukholwa makube likhaka lenu; ngokholo noba nako ukuzicima zonke iintolo ezivuthayo zikaSathana.
  KWABASE-EFESE 6:14-16 inyaniso ubulungisa ukuvangela
• Kuba kweli dabi lethu asilwi nabantu, kodwa silwa nemimoya ekhohlakeleyo esesibhakabhakeni, izilawuli, nabasemagunyeni, kunye nemimoya engcolileyo yeli phakade lobumnyama.
  KWABASE-EFESE 6:12 Umoya izulu ububi
• Zolani nina; uNdikhoyo uza kunilwela!
  EYEMFUDUKO 14:14 umonde ukuxhomekeka ukukhuselwa
• Ewe, unalo ukholo ngokwaneleyo, ngangokude ukholwe ukuba ukho uThixo, yaye mnye. Uyalungisa kanye ngaloo nto! Kodwa ke neendimoni zinalo ukholo olukwanjalo phofu; lude luzinkwantyise kunjalonje.
  EKAYAKOBI 2:19 ukholo umtyholi uThixo
• Kuyinene kona ukuba sihleli apha ehlabathini; kodwa ke asilwi ngokwehlabathi.
  2 KWABASEKORINTE 10:3 ubomi ukuqonda umhlaba
• Nokuba ndingade ndingqongwe ngumkhosi,
  andiyi kuba naluvalo konke.
  Nokuba ndirhawulwe yimfazwe,
  ndiya kuthembela ngoNdikhoyo.
  INdumiso 27:3 uloyiko intliziyo thembela
• Ngoko ke zinikeleni ngokupheleleyo kuThixo. Mchaseni uSathana azokunibaleka.
  EKAYAKOBI 4:7 ukuthobela ukhuseleko ukuba likhoboka
• Baqhayisa ngeenqwelo zokulwa abanye, abanye ngamahashe;
  thina siqhayisa ngoNdikhoyo uThixo wethu.
  INdumiso 20:7 thembela izithixo
• Ndizabalazile elugqatsweni olukhulu; ngoku ndifikile entanjeni; ke lona ukholo ndilugcinile. Ngoku ke sendilindelwe yimbasa, isithsaba esibonakalisa ubulungisa, eya kundithwesa sona ngaloo Mini inkulu iNkosi, uMgwebi ogweba engenaxanasi. Phofu ke asindim ndedwa olindelwe seso sithsaba, koko ngabo bonke abayithandayo iNkosi eza kufika.
  2 KUTIMOTI 4:7-8 ukholo ubulungisa ibuyiselo
• Elokuphetha ndithi njengokuba nimanywe neNkosi nje, yomelelani nincedwa ngamandla ayo.
  KWABASE-EFESE 6:10 uThixo amandla ukufuna
• Entloko thwalani usindiso. Phathani ilizwi likaThixo libe likrele enilinikwa nguMoya.
  KWABASE-EFESE 6:17 usindiso Umoya ILizwi likaThixo
• Ithembekile yona kambe iNkosi. Yonikhusela inigcine kuhlaselo lwendoda enobuqhokolo.
  2 KWABASETESALONIKA 3:3 ukuthembeka ukhuseleko amandla
• Nxibani sonke isikrweqe eninokusifumana kuThixo, ukuze nibe nako ukumelana nabo bonke ubuqhokolo bukaSathana.
  KWABASE-EFESE 6:11 izixhobo ububi ukukhuselwa
• Ngoko ke xhobani ngezikrweqe zikaThixo, ukuze nibe nako ukuxhathisa xa kunyembelekile, nize nifeze konke nimile ngxishi.
  KWABASE-EFESE 6:13 ukukhuselwa ububi umtyholi
• Hlalani nithe qwa, nilumke! Kaloku ummangaleli wenu umtyholi ugquma njengengonyama. Uyajikeleza; uzingela umntu angamqwengayo.
  1 KAPETROS 5:8 iminqweno intshutshiso ukoyisa
• Kolu gqatso lokholo yenza konke okusemandleni ukuze ubufumane ubomi obungonaphakade. Ewe, kaloku wabizelwa yona le njongo, ngokuya wawusenza isivumo sokholo phambi kwamangqina amaninzi.
  1 KUTIMOTI 6:12 ubomi obungunaphakade ukholo ukoyisa
• Sanukuvuma nilahlekiswe mntu. Kaloku loo Mini ayinako ukufika lungakhange lubekho uvukelo-mbuso lokugqibela, andule ke ukucaca umchasi-mthetho, umfo okhohlakeleyo ochasana noThixo, omiselwe intshabalalo, avele elubala. Ulolona tshaba kaloku. Yena uya kuziphakamisa achase nantoni na ekuthiwa nguthixo, achase nantoni na enqulwa ngabantu, ade athathe isihlalo endlwini kaThixo, ezigwagwisa ngokuthi unguThixo ngenkqu.
  2 KWABASETESALONIKA 2:3-4 ukuphela kwexesha ukuza kwesibini izithixo