Iivesi zeBhayibhile malunga nokuza kwesibini

«»

• Nani ke ngoko hlalani nizilungiselele, kuba uNyana woLuntu wofika ngexesha eningalilindelanga.
  UMATEWU 24:44uMesiyaukuphela kwexesha
• Ngoko ke masikhathalelane, sivuselelane uthando, ngokunjalo nokwenza imisebenzi emihle. Kananjalo masikuxabise ukudibana namanye amakholwa, siphefumlelane, singabi njengâbo bawutyeshelayo lo mkhwa. Ewe, masikhuthazane ngakumbi nangakumbi, kuba nani niyabona ukuba imini leyo iyasondela.
  KUMAHEBHERE 10:24-25uluntuukhuthazoizixhobo
• Lo unika obu bungqina uthi: “Nanjani na ndiza kufika ngokukhawuleza!”
  Makube njalo! Yiza, Nkosi Yesu!
  ISITYHILELO 22:20UYesuukuphela kwexesha
• Ewe, ndiyeza kamsinya! Ulowo nalowo ndiya kumphathela ibhaso ngokwemisebenzi yakhe!
  ISITYHILELO 22:12ukuphela kwexeshaUYesuibuyiselo
• Phaphani ngoko, kuba ningàwazi umhla wokufika kweNkosi yenu.
  UMATEWU 24:42umondeukuphela kwexesha
• Kuzo zonke izinto isiphelo sisemnyango. Ngoko ke hlalani nisezingqondweni, nikuqulele ukuthandaza.
  1 KAPETROS 4:7ukuphela kwexeshaphumlaumthandazo
• Khawukhangele, nanko esiza ekhatshwa ngamafu! Lonke uluntu luya kumbona, nkqu nabo bâmhlabáyo. Ewe, zonke izizwe ziya kungqukruleka zizisola. Injalo ke loo nto! Amen.
  ISITYHILELO 1:7UYesuukubethelwa emnqamlezweni
• Ndiyeza kwakamsinya. Yilondoloze imbo yakho. Lumka hleze ixhwilwe imbasa yakho.
  ISITYHILELO 3:11ibuyiseloumonde
• “Ndim isiqalo nesiphelo,” itsho iNkosi uThixo, uSomandla, uNdikhoyo, owayekho, lowo uya kusoloko ekho.
  ISITYHILELO 1:8ubomi obungunaphakadeukuthembekauThixo
• Besakhangele ukumka kwakhe, bondele esibhakabhakeni apho, nango amadoda amabini, ambethe ezimhlophe, emi ngakubo, abuza athi: “Madoda, maGalili, nimele ntoni apha nikhangele phezulu nje? UYesu lo nimbone enyuselwa ezulwini, uya kubuya kwangolu hlobo nimbone esimka ngalo.”
  UMSEBENZI WABATHUNYWA 1:10-11ukunyukaizuluUYesu
• Ewe, bantwana bam, hlalani nimanyene noKrestu ukuze sibe nesibindi akuvela; ngokunjalo singabi naziintloni ngeMini yokufika kwakhe.
  1 KAYOHANE 2:28thembelaukuphela kwexesha
• Balumkeleni abashumayeli abaxokayo, abo beza kuni bezifanisa neegusha, kanti ngaphakathi baziingcuka eziqwengayo.
  UMATEWU 7:15isiprofetoimpahla
• Ze nikhumbule le ndawo ke, zihlobo zam: umhla omnye kuThixo uyafana newaka leminyaka, newaka leminyaka lifana nomhla omnye.
  2 KAPETROS 3:8uThixoumondeukuphela kwexesha
• Yaye ndiqinisekile ngale ndawo yokuba lo msebenzi mhle awuqalileyo uThixo kuni, uya kude awuqabelise ngeMini kaKrestu uYesu.
  KWABASEFILIPI 1:6UYesuukuzalwa ngokutsha
• Ukuba ke kuthiwa kuni: ‘Nankuya entlango,’ ze ningayi; nokuba kuthiwa: ‘Nankuya endlwini,’ ze ningakwamkeli oko; kuba ukufika koNyana woLuntu kuya kuba njengombane omenyezela empumalanga, ubonakale kude kuse entshonalanga.
  UMATEWU 24:26-27UYesuukuphela kwexesha
• Musani ukumdakumbisa uMoya oyiNgcwele kaThixo, kuba uniphawulele umhla wokugqibela wenkululeko.
  KWABASE-EFESE 4:30uMoya oyiNgcweleusizi
• Liya kuhlokoma ilizwi lesiphatha-zithunywa, sivakale nesandi sexilongo likaThixo, ize iNkosi ngokwayo ihle ezulwini. Bothi abo bafa bemanywe noKrestu bavuke kuqala, nathi ke baya kuba besaphila ngelo xesha sixhwilwe sidibane nabo emafini, size sihlangane neNkosi esibhakabhakeni. Ke siya kuhlala neNkosi njalo-njalo.
  1 KWABASETESALONIKA 4:16-17usindisoukufaizulu
• Sanukuvuma nilahlekiswe mntu. Kaloku loo Mini ayinako ukufika lungakhange lubekho uvukelo-mbuso lokugqibela, andule ke ukucaca umchasi-mthetho, umfo okhohlakeleyo ochasana noThixo, omiselwe intshabalalo, avele elubala. Ulolona tshaba kaloku. Yena uya kuziphakamisa achase nantoni na ekuthiwa nguthixo, achase nantoni na enqulwa ngabantu, ade athathe isihlalo endlwini kaThixo, ezigwagwisa ngokuthi unguThixo ngenkqu.
  2 KWABASETESALONIKA 2:3-4ukuphela kwexeshaizithixo
• Kaloku uNyana woLuntu selesiza, esebuqaqawulini boYise, enezithunywa zakhe. Akufika uya kubabuyekeza bonke ngabanye ngokwezenzo zabo.
  UMATEWU 16:27iingelosiUYesuibuyiselo