Iivesi zeBhayibhile malunga noThixo

«»

• UNdikhoyo uThixo wakho unawe;
  uligorha elisindisayo.
  Yena unemihlali ngawe, enovuyo;
  uya kukuthulisa ngothando lwakhe;
  ugcoba ngawe eyiyizela.
  UZEFANIYA 3:17 uvuyo umhlawuleli ukucula
• Kaloku ndim okuyalelayo. Yomelela ke, ukhaliphe. Uze ungoyiki unkwantye; kaloku mna Ndikhoyo Thixo wakho ndiya kusoloko ndisecaleni kwakho naphi na apho unyathela khona.
  UYOSHUWA 1:9 uloyiko ukhuthazo isibindi
• Mna ndinguNdikhoyo, uThixo wakho;
  ndokugcina ndikomeleze,
  ndithi kuwe: ‘Sukuphaphazela, ndiza kukunceda.’
  UISAYA 41:13 uloyiko ukuxhomekeka
• Niya kuthi ke nakumfuna uNdikhoyo uThixo wenu nikuloo meko nimfumane; ewe, ukuba nimfuna nimlangazelela ngomxhelo wenu wonke niya kumfumana.
  UHLAZIYO-MNQOPHISO 4:29 ibuyiselo umphefumlo
• Ndikholosa ngawe usemazulwini;
  ungowam nje ke, andilinanze nganto ihlabathi.
  INdumiso 73:25 thembela izulu unqulo
• Ndakuxineka ndikholosa ngawe.
  INdumiso 56:3 thembela uloyiko
• Ndikhoyo, wena unguThixo wam;
  ndosuka ndikuthuthe ndikudumise.
  Kuthi mandikutyibele ndibongisele
  ngenxa yemisebenzi yakho ekhamnqisayo;
  kaloku ngokuthembeka okukhulu
  wena zonke uzifezekisile –
  nditsho izicwangciso zakho zamandulo.
  UISAYA 25:1 ukuthembeka unqulo dumisani
• Ewe, nguwe inqaba yam nekhusi lam;
  ndikhokele, undithundeze, lidunyiswe igama lakho.
  INdumiso 31:3 unqulo ubomi
• Ndinako ukumelana nayo nayiphi na imeko ngenxa yamandla alowo undomelezayo.
  KWABASEFILIPI 4:13 amandla ukukhuselwa ubuthathaka
• Yiyo ke loo nto ndithi umkhulu, wena Ndikhoyo Nkosi yam. Akukho onjengawe, kungekho naThixo ngaphandle kwakho, njengoko sazivelayo ngezi zethu iindlebe.
  2 KASAMWELI 7:22 unqulo
• Indlu nganye inomakhi wayo, kodwa ke nguThixo umseki wazo zonke izinto.
  KUMAHEBHERE 3:4 indalo
• Sinalo ke uthando kuba thina sathandwa nguThixo kuqala.
  1 KAYOHANE 4:19 uthando
• Khanibuxhamle ububele bukaNdikhoyo;
  ngenene unoyolo umntu othembela ngoNdikhoyo!
  INdumiso 34:8 intsikelelo phumla
• Ngoko ke nathi ngokwethu siyalwazi, saye sikholosa ngalo uthando aluthululele kuthi uThixo.
  UThixo uluthando, yaye nabani na ohlala eluthandweni uhlala emanyene noThixo, noThixo uhlala emanyene naye.
  1 KAYOHANE 4:16 thembela uthando
• Khawuvuke! Vuka, Jerusalem!
  Khanya! Ukhanyiso lwakho luthwasile;
  isihomo sikaNdikhoyo sikujikelezile.
  UISAYA 60:1 ixabisekile ubuhle ukukhanya
• Ningazikhohlisi! UThixo akanakwenziwa isidenge ngumntu. Umntu uya kuvuna kanye loo nto ayihlwayeleyo.
  KUMAGALATI 6:7 ubulungisa ukuvuna
• Ingca iyatshaza, yona ke intyatyambo ibune,
  ke lona ilizwi loThixo wethu lohlala lihleli.
  UISAYA 40:8 ukuthembeka ILizwi likaThixo ubuhle
• Ozuze mna ke ubufumene ubomi;
  uxhamla ukwaneliseka kukaNdikhoyo.
  IZAFOBE 8:35 ubomi obungunaphakade ubulumko
• Nangona uThixo engazanga wabonwa mntu nje, uhlala emanyene nathi ukuba siyathandana, luthi nothando lwakhe luyondelelane kuthi.
  1 KAYOHANE 4:12 uthando ummelwane
• “Kaloku ingcinga zam azifani nezenu,
  neendlela zenu azifani nezam,”
  utsho yena uNdikhoyo!
  UISAYA 55:8 ukucwangcisa ubulumko iingcamango
• Hayi, akakh' onjengawe;
  hayi bo, wahlukile wena, Ndikhoyo!
  Akukh' ongxondorha injengoThixo wethu!
  1 KASAMWELI 2:2 ubungcwele unqulo
• Ewe, ndiyazibika, Ndikhoyo; nguwe iNkosi yam;
  ngaphandle kwakho, Mhlekazi, andinabani.
  INdumiso 16:2 unqulo
• Umntu othi uyamthanda uThixo kodwa abe emthiyile uwabo, ulixoki. Kaloku ukuba akamthandi uwabo lo ambonayo, akanako ukumthanda uThixo angamboniyo.
  1 KAYOHANE 4:20 uthando usapho
• Ukuba niyazithoba kuye uThixo, uya kuniphakamisa.
  EKAYAKOBI 4:10 ukuthobeka ibuyiselo
• Khangela, mna ndinguNdikhoyo, uThixo woluntu luphela. Akukho nanye into enokundinqabela.
  UJEREMIYA 32:27 imimangaliso usomandla