Iivesi zeBhayibhile malunga nobuhle

«»

• Awumhle ngako, sithandwa sam!
  Umhle ngenene, awunasiphako!
  UNCUTHU LWENGOMA 4:7ubudlelwaneumtshato
• Musani ukuhombela ukubukwa ngokuluka iinwele, nitsho ngezacholo zegolide nempahla engayiwayo. Isihombo senu masibe sesangaphakathi, esingagugiyo. Umoya omhle wobulali yinto ayixabisileyo uThixo.
  1 KAPETROS 3:3-4ukuthobekaintliziyoimpahla
• Umfazi onomtsalane angakukhohlisa, ke bona ubuhle buyatshitsha;
  kuphela ngumfazi ohlonela uNdikhoyo oya kubongwa.
  IZAFOBE 31:30ukumoyika uthixo
• Khawuvuke! Vuka, Jerusalem!
  Khanya! Ukhanyiso lwakho luthwasile;
  isihomo sikaNdikhoyo sikujikelezile.
  UISAYA 60:1ixabisekileuThixoukukhanya
• Andithi na kaloku ndadalwa nguwe;
  nditsho mna kanye lo!
  Ewe, wandixonxa wandilunga-lungisa kwandisekumama.
  Ndikubonga ndikubulela ngenxa yomntu endinguye,
  ngenxa yokumangalisa nokukhwankqisa kwento endiyiyo.
  Ewe, iyakhamnqisa kambe imisebenzi yakho.
  Leyo ke into ndiyiqonde pheleleyo.
  INdumiso 139:13-14indaloimimangalisoumphefumlo
• Kodwa uNdikhoyo wathi kuSamweli: “Musa ukujonga ubunzwana bakhe nesithomo sakhe. Asinguye endimfunayo. Kaloku mna Ndikhoyo andijongi okujongwa ngabantu. Abantu bakhangela umfaneleko; mna Ndikhoyo ndikhangela ngaphakathi entliziyweni.”
  1 KASAMWELI 16:7intliziyoikratshi
• Kungenxa yale nto ke singethi mandla nje. Kaloku imo yethu entsha isuka ihlaziyeke ngokuhlaziyeka, nokuba imo yethu endala yona iya isonakala ngokonakala.
  2 KWABASEKORINTE 4:16ukhuthazoukwamkelaumzimba
• Abafazi bona mabandileke, banxibe ngesidima, bathozame; iinwele bangazihombisi ngokugqithisileyo. Mabangayokozeli ngamaso egolide, nawamatye exabiso, bawunduzelise ngeelokhwe zeendleko. Ndaweni yaloo nto mababe nemisebenzi emihle efanele amakhosikazi abanga igama lobuKrestu.
  1 KUTIMOTI 2:9-10unquloukuthanda izinto eziphathekayoukulunga
• Ingca iyatshaza, yona ke intyatyambo ibune,
  ke lona ilizwi loThixo wethu lohlala lihleli.
  UISAYA 40:8ukuthembekauThixoILizwi likaThixo
• Singumsebenzi wezandla zikaThixo ke thina. Kaloku simanywe noYesu Krestu nje, uThixo wasidalela ukuba sizinikele ekwenzeni imisebenzi emihle awasimisela yona kwangaphambili.
  KWABASE-EFESE 2:10indaloUYesuukulandela
• Kungoko ndithi kuni, musani ukubuxhalela ubomi benu nisithi notya ntoni, nisele ntoni. Kwanomzimba wenu ze ningawuxhaleli, nisithi niya kunxiba ntoni. Ubomi abungaphezulu na kokutyiwayo; wona umzimba awungaphezulu na kokunxitywayo?
  UMATEWU 6:25ukutyaubomiukukhathazeka
• Wamdala ke uThixo umntu. Wamenza wangumfuziselo wakhe. Wadala umntu oyindoda kwakunye nomntu obhinqileyo.
  EYEZIQALO 1:27indalouThixo