Iivesi zeBhayibhile malunga nokukhathazeka

«»

• Sanukuba naxhala; kodwa iintswelo zenu ziseni kuThixo ngomthandazo, nimbongoze ninombulelo. Ke lona uxolo lukaThixo olungaphaya kokuqonda luya kuzalusa iintliziyo neengcinga zenu ningahlukani noKrestu.
  KWABASEFILIPI 4:6-7umbuleloumthandazouloyiko
• Ngoko ke ndinawe, sukoyika;
  ndinguThixo wakho, sukuphakuzela.
  Ndiza kukomeleza ndikusize,
  amandla am asindisayo akuxhase akukhusele.
  UISAYA 41:10uloyikoamandlaizixhobo
• Ziphoseni kuye zonke iingxaki zenu; kaloku nguye onalusayo.
  1 KAPETROS 5:7uloyikoubuthathakausizi
• Kungoko ndithi kuni, musani ukubuxhalela ubomi benu nisithi notya ntoni, nisele ntoni. Kwanomzimba wenu ze ningawuxhaleli, nisithi niya kunxiba ntoni. Ubomi abungaphezulu na kokutyiwayo; wona umzimba awungaphezulu na kokunxitywayo?
  UMATEWU 6:25ukutyaubomiubuhle
• Ngenxa yoko musani ukulixhalela ingomso. Ingomso liya kuxhalela okwalo. Ziyanele imini nganye iingxaki zayo.
  UMATEWU 6:34ubomiukuxhomekeka
• Xa ndandinxubile, ndixhalabile,
  wandithuthuzela, wandonwabisa wena.
  INdumiso 94:19uvuyoumthuthuzeli
• Musani ukukhathazeka; kholosani ngoThixo, nikholose nangam.
  UYOHANE 14:1thembelauloyiko
• Ndinishiya noxolo olulolwam, olungafani nakancinane nolweli hlabathi. Ze ningakhathazeki, ningoyiki.
  UYOHANE 14:27ukhuthazouxoloumhlaba
• Amaxhala ayamtyhafisa umntu;
  ke wona amazwi enkuthazo ayahlaziya.
  IZAFOBE 12:25ukuthethaintliziyo
• Nkosi yam, uyawazi umnqweno wam,
  uyaziva zonke iincwina zam.
  INdumiso 38:9isilingousizi
• Musani ukubuxhalela ubomi benu, nisithi notya ntoni na; ningawuxhaleli nomzimba wenu, nisithi nonxiba ntoni na. Ubomi bungaphezulu kunokutya, nomzimba ungaphezulu kunesinxibo.
  ULUKA 12:22b-23ukutyaubomiukwaneliseka
• Ukukhula kobulumko kwandisa ukukhathazeka;
  kanti ke nokukhula kolwazi kongeza iinzingo.
  AMAVA ENGQONDI 1:18ubulumkousiziingqondo
• Kaloku unako uThixo ukunipha nangaphezu kweemfuneko zenu, ukuze nisoloko nanele kwiimeko zonke, nibe nako ukuhlangabezana nayo yonke imisebenzi emihle.
  2 KWABASEKORINTE 9:8intsikeleloukulungaumsebenzi
• Ngoko ke ligxothe ixhala entliziyweni yakho,
  ukuphephe okunokwenzakalisa umzimba wakho.
  Kaloku ubutsha namandla awo ngamampunge.
  AMAVA ENGQONDI 11:10usiziintliziyoimpilo
• Xa banibambayo banise ezinkundleni, musani ukuyixhalela into eniya kuyithetha, kodwa thethani oko nithe nakunikwa ngelo xesha, kuba asinini abathethayo, nguMoya oyiNgcwele.
  UMARKO 13:11ukuthethaUmoyauMoya oyiNgcwele
• Eyahlwayelwa endaweni enokhula izekelisa lowo uzivayo iindaba ezi, aze ke amaxhala eli phakade, nokulukuhla kobutyebi, kuziminxe iindaba, kungabikho siqhamo.
  UMATEWU 13:22ILizwi likaThixoimaliisilingo
• Ndive ilizwi elikhulu, livela ngasesihlalweni sokulawula, lisithi: “Uyasibona esi sixeko? Kulapho uThixo ahlala khona nabantu. Uya kuhlala phakathi kwabo, babe yimilowo yakhe, yena abe nguThixo wabo. UThixo ngenkqu uya kuhlala nabo. Uya kubosula zonke iinyembezi. Akusayi kubuye kubekho kufa, nalusizi, nasikhalo, nazintlungu. Kaloku lidlule ilizwe lokuqala.”
  ISITYHILELO 21:3-4uThixousiziukufa
• Kwesi sithuba ke uYobi waphakama, wakrazula umnweba wakhe, wayigugula intloko yakhe, waza ke wee guqaqa wanqula, wathi:
  “Ndazalwa nguma ndizé, ndaye ke ndiya kunduluka ndikwazé.
  NguNdikhoyo onikayo, ikwanguye nothathayo.
  Malidunyiswe igama likaNdikhoyo!”
  UYOBI 1:20-21unquloukubandezelekausizi
• Qondani ngamahlungulu la. Wona akahlwayeli, engavuni nokuvuna; akanasisele, engenavimba; kanti noko uThixo uyawondla! Ke nina nibeke phi na ukuxabiseka kuneentaka!
  ULUKA 12:24ukutyaubomiixabisekile
• Kambe ke ndiyazi ukuba umkhululi wam ukho;
  ekugqibeleni iya kuba nguye otshatshelayo ehlabathini.
  UYOBI 19:25UMsindisiusindiso
• Kaloku ithi intlungu yakusetyenziswa nguThixo, izise inguquko esa ekusindisweni; akukho kuzisola ke ngoko. Kodwa intlungu yasehlabathini yona ibanga ukufa.
  2 KWABASEKORINTE 7:10usiziinguqukouguqulo