Iivesi zeBhayibhile malunga novelwano

«»

• Ndaweni yaloo nto yenzelanani ububele ninobulali, nixolelane, kwanjengokuba naye uThixo wanixolelayo ngoKrestu.
  KWABASE-EFESE 4:32uxoleloukulungauxolelwaniso
• Kungenxa yezibele zikaNdikhoyo singatshabalalanga nje,
  kuba inceba yakhe ayinasiphelo.
  Zihlala zintsha imihla ngemihla;
  kukhulu ukuthembeka kwakhe.
  IZILILO 3:22-23ukuthembekauthandouthembekile
• Ndiphetha ngelithi: Velanani, nibe moya mnye. Thandanani, nenzelane ububele, nilulamelane.
  1 KAPETROS 3:8ukuthobekauluntuummelwane
• Makabongwe uThixo, uyise weNkosi yethu uYesu Krestu, uBawo uSozinceba, uThixo umthombo wentuthuzelo. Yena uyasithuthuzela ezimbandezelweni zethu zonke, ukuze nathi sikwazi ukubathuthuzela abanye kwangaloo ntuthuzelo ivela kuye.
  2 KWABASEKORINTE 1:3-4ukubandezelekaunquloukhuthazo
• Ningabantu bakaThixo abanyuliweyo abathandiweyo nina, abakhe ngenkqu. Ngoko ke nxibani ezifanele abakhe: inceba, ububele, ukuthobeka, ubulali, nomonde.
  KWABASEKOLOSE 3:12ukuthobekaubulaliumonde
• Vuyani nabavuyayo, nilile nabalilayo.
  KWABASEROMA 12:15uvuyousizi
• Ukuba umntu omi kakuhle ngezinto zobu bomi ubona uwabo eswele, aze amvimbe into engamncedayo, angatsho njani loo mntu ukuba unalo uthando lukaThixo entliziyweni yakhe?
  1 KAYOHANE 3:17imaliummelwaneuthando
• Utsho uNdikhoyo onamandla onke ukuthi: ‘Wisani izigwebo ezinyanisekileyo, nenzelane ububele nenceba omnye nomnye. Musani ukubacinezela abahlolokazi neenkedama, ngokunjalo nabangeneleli kunye namahlwempu, ningayili ububi ezintliziyweni zenu omnye komnye.’
  UZAKARIYA 7:9-10ububiubulungisaummelwane
• Waphendula ke esithi:
  “Ngaba umfazi angalulibala na usana lwakhe,
  ade angavakalelwa ngowakhe umntwana?
  Noba ke yena angade amlibale,
  okokwam ke mna soze ndikufulathele,
  kuba igama lakho ndilivambile,
  ndilithe tyaba esandleni sam;
  iindonga zakho zihlala zisemehlweni am.”
  UISAYA 49:15-16uthandousaphoabantwana
• Bufana nomzali kubantwana
  ububele bukaNdikhoyo kwabamnik' imbeko.
  INdumiso 103:13uthandouloyikoUTata
• Kambe ke uNdikhoyo usanilindele,
  usazungula ukunibabala ngesisa.
  Kaloku yena nguThixo ongajika-jikiyo;
  hayi ithamsanqa labo bakholosa ngaye!
  UISAYA 30:18ubabaloubulungisaumonde
• Kaloku owethu umbingeleli omkhulu ngosivelayo ebuthathakeni bethu, kuba walingwa ngeendlela zonke njengathi, kodwa zange one.
  KUMAHEBHERE 4:15isonoisilingoubuthathaka
• “Ewe, iintaba zingadilika,
  ke zona iinduli zinyamalale,
  kodwa izibele zothando lwam soze zinqamke kuwe,
  nomnqophiso wam woxolo soze ushukume.”
  Utsho ke yena uNdikhoyo okukhathaleleyo.
  UISAYA 54:10uthandouxoloukuthembeka
• Ndiza kuyomeleza indlu kaJuda,
  ndiyihlangule indlu kaJosefu.
  Ewe, ndoba nebuyambo ngakubo;
  kaloku mna ndinenceba ngabo.
  Boba ngathi zange ndibalahle.
  Kaloku mna ndinguNdikhoyo uThixo wabo,
  ndaye ke ndobaphendula.
  UZAKARIYA 10:6amandlaumthandazoukuphulaphula
• Nangoku wobuya uvelane nathi,
  izono zethu uzinyathele ngeenyawo,
  uzilahle lee iziphoso zethu,
  uzintywilisele enzulwini yolwandle.
  UMIKA 7:19isonouxolelo