Iivesi zeBhayibhile malunga noluntu

«»

• Ngoko ke masikhathalelane, sivuselelane uthando, ngokunjalo nokwenza imisebenzi emihle. Kananjalo masikuxabise ukudibana namanye amakholwa, siphefumlelane, singabi njengâbo bawutyeshelayo lo mkhwa. Ewe, masikhuthazane ngakumbi nangakumbi, kuba nani niyabona ukuba imini leyo iyasondela.
  KUMAHEBHERE 10:24-25ukuza kwesibiniukhuthazoizixhobo
• Kaloku, kwanjengokuba sinamalungu amaninzi mzimbeni mnye, abe ke onke amalungu la engenamsebenzi mnye, ngokunjalo thina aba, sibaninzi nje, simzimba mnye ngokumanywa noKrestu. Sonke ke ngabanye singamalungu omnye elomnye.
  KWABASEROMA 12:4-5umzimbaUYesuukuxhomekeka
• Khawukhangele ukubukeka nomkhitha
  wokuhlala kwezalamane ngemvano!
  INdumiso 133:1ubuhlobousapho
• Kuba apho bathe bahlangana khona egameni lam ababini nokuba ngabathathu, nam ndikho phakathi kwabo.
  UMATEWU 18:20UYesuumthandazoicawa
• Ndiphetha ngelithi: Velanani, nibe moya mnye. Thandanani, nenzelane ububele, nilulamelane.
  1 KAPETROS 3:8ukuthobekaummelwaneuvelwano
• Egameni leNkosi yethu uYesu Krestu ndiyanibongoza, mawethu, ukuba nivane, nithethe nto-nye, kungabikho zimbambano phakathi kwenu. Manyanani nibe luqilima, nimxhelo mnye, ninazimvo zinye.
  1 KWABASEKORINTE 1:10usaphoinguqungokungenatyala
• Imihla ngemihla babehlangana rhoqo endlwini kaThixo, babuye batye kunye emakhaya bechwayitile bebelezelana, bembonga uThixo, bamkelekile kubantu bonke. Mihla le uThixo wayelongeza inani labo ngabo basindiswayo.
  UMSEBENZI WABATHUNYWA 2:46-47unquloukutyadumisani
• Ngaphezu kwazo zonke ezi zinto yongezani uthando, lona lubopha izinto zonke zibe yimbumba egqibeleleyo.
  KWABASEKOLOSE 3:14uthandongokungenatyala
• Yibani moya mnye. Musani ukusukela amawonga; yaneliswani kukuzithoba. Musani ukuzicingela ukuba niziingqondi.
  KWABASEROMA 12:16ukuthobekaukuxhomekekaukwaneliseka
• Zihlobo zam ezithandekayo, xa ke uThixo asithande ngolu hlobo nathi simelwe kukuthandana.
  1 KAYOHANE 4:11uthandouThixo
• Wanga ke uThixo, osinika unyamezelo nenkuthazo, anganenza nibe moya mnye ngokwentando kaKrestu Yesu.
  KWABASEROMA 15:5ukhuthazoumondeumthuthuzeli
• Zamelani ukuhlala ngoxolo niyilaa mbumba yamanyama wanenza nayiyo uMoya oyiNgcwele.
  KWABASE-EFESE 4:3Umoyauxolo
• Ewonke amakholwa ayevana entliziyo-nye. Akukho bani wayekubanga oko anako, kuba babesabelana ngezinto zonke abanazo.
  UMSEBENZI WABATHUNYWA 4:32ukuthanda izinto eziphathekayo
• Kodwa ke ukuba sihleli ekukhanyeni njengaye uThixo, siba nobudlelane. Ke lona igazi likaYesu uNyana wakhe lisihlambulula kuso sonke isono.
  1 KAYOHANE 1:7ukusulungekiswaumbingeleloukukhanya
• KuKrestu akusekho mJuda nantlanga, akusekho khoboka namntu ukhululekileyo, ndoda nabhinqa. Ninonke ningumntu omnye ngokumanywa noYesu Krestu.
  KUMAGALATI 3:28UYesuukuqondaubukhoboka
• Ke kaloku, mawethu, ndiyaniyala: balumkeleni abaxabanisayo nabakhubekisayo, besenza okuchaseneyo nemfundiso enayifundiswayo nina. Zikhwebuleni kubo.
  KWABASEROMA 16:17ubungcweleububiicawa
• Lowo ke uswele amandla elukholweni, mamkeleni, kodwa kungabi nganjongo yakuphikisana nezimvo zakhe.
  KWABASEROMA 14:1ukholo
• Inene, lowo umamkelayo endimthumileyo, wamkela mna; ke owamkela mna, wamkela lowo undithumileyo.
  UYOHANE 13:20ubulaliUYesu
• Bonke aba babezingisa ukuthandaza ngamxhelo mnye, kukho namanina, ekho noMariya unina kaYesu nabantakwabo-Yesu.
  UMSEBENZI WABATHUNYWA 1:14umthandazo
• Ngokunjalo nathi sonke, nokuba singamaJuda okanye amaGrike, nokuba singamakhoboka okanye singabakhululekileyo, sabhaptizelwa mzimbeni mnye, nguMoya omnye; futhi sasezwa kwaloo Moya mnye.
  1 KWABASEKORINTE 12:13ubhaptizoUmoyaubukhoboka
• Babehlangana rhoqo, bedlelana ngokuphulaphula iimfundiso zabathunywa, nangokuqhekeza isonka, nangokuthandaza.
  UMSEBENZI WABATHUNYWA 2:42umthandazoukuthobelaisonka
• Waza ke uPetros wagcinwa entolongweni apho, kodwa amaKrestu wona azingisa ukumthandazela kuThixo, lo gama avalelweyo.
  UMSEBENZI WABATHUNYWA 12:5umthandazoummelwaneukuxhomekeka
• UKrestu unjengomzimba, wona unamalungu amaninzi, kodwa ube wona umnye.
  1 KWABASEKORINTE 12:12umzimbaicawaUYesu
• Bahlonele abahlolokazi; ndithetha abahlolokazi ngenene.
  1 KUTIMOTI 5:3ummelwaneabahlolokazi
• Anazi na ukuba nina niyindlu kaThixo? Anazi na ukuba uMoya kaThixo uhlala ngaphakathi kwenu?
  1 KWABASEKORINTE 3:16ubungcweleuMoya oyiNgcweleUmoya